Levitiko 15
15
Milao yazintu zibbuka mumubili
1Lino Jehova wakaambila Musa a-Aroni kuti, 2#Lev 22:4; My 5:2; 2 Sam 3:29; Mt 9:20; Mk 5:25; Lk 8:43Amwaambile bana ba-Israyeli kuti, Na muntu wasensa mumubili wakwe, lusenso lwakwe lulasofwaala. 3Lino ngooyu mulao wakusofwaala kwakusensa. Na mubili wakwe ulasensa, na mubili wakwe waangwa kuti utacisensi, ulisofweede. 4Kufumbwa bulo mpaona oyu sikusensa bulasofwaala. Kufumbwa cintu ncakala cilasofwaala. 5#Lev 11:25; 17:15; Heb 9:10Kufumbwa muntu uuguma bula uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 6Ayooyo uukala acintu eco sikusensa ncaakakede uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 7Alimwi kufumbwa muntu uuguma mubili wasikusensa uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 8#My 12:8; Job 30:10; 2 Kor 7:1Alimwi na oyo sikusensa waswida muntu uusalala mate, uleelede kusanzya zyakusama zyakwe akusamba amubiliakusofwaala mane kusikila kumabbililo aazuba, 9Alimwi cikalilo ncakala oyo sikusensa cilasofwaala. 10Amuntu uuguma cintu neciba cimwi ncaakakede ulasofwaala mane kusikila kumabbililo aazuba. Ayooyo uuyumuna zintu zili boobu uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 11#1 Kor 15:33Alimwi na sikusensa waguma muntu, na tana kusamba kumaanza aakwe, uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 12#Lev 6:28; 11:32,33Cibiya cabulongo sikusensa ncaguma cileelede kupwayigwa, azyoonse zibiya zyazisamu zileelede kukumbwa mumaanzi.
13 #
Lev 14:8; My 12:14; 19:11 Lino na sikusensa wasalazigwa-kusensa kwakwe, abale mazuba aali musanu aabili aakusalazigwa kwakwe. Aliinwi uleelede kusanzya zyakusama zyakwe akusamba amubili mumaanzi aaenda, kuti asalale. 14#Lev 14:22,23; My 6:10; Heb 10:10-14Lino mubuzuba bwamusanu aatatu abweze inziba zyobile nanka bana bobile bankwilimba, aboole kubusyu bwa-Jehova kumulyango watente lyambunganino, ape mupaizi. 15#Lev 14:30,31; 14:19,21; Heb 9:14; 10:1Lino mupaizi azituule; imwi ibe cipaizyo cazibi, aimwi ibe cipaizyo cakutenta. Aboobo mupaizi ulamumanina milandu kubusyu bwa-Jehova nkaambo kasenselwa lyakwe.
16 #
Lev 22:4; 23:10 Na mwaalumi wasowa bwaalumi bwakwe, uleelede kusamba amubili woonse mumaanzi akusofwaala mane kusikila kumabbililo aazuba. 17Azyakusama zyoonse amatobo oonse, zyoonse zilokeledwe bwaalumi zifeelede kusanzigwa mumaanzi akusofwaala mane kusikila kumabbililo aazuba. 18#1 Sam 21:4Alimwi na muntu woona amwanakazi, alimwi wasuba bwaalumi bwakwe, basambe boonse bobile mumaanzi akusofwaala mane kusikila kumabbililo aazuba.
19 #
Lev 12:2; Ezk 36:17 Amwanakazi, na waba kumwezi mbuli ciindi cakwe, ulasofwaala mazuba aali musanu aabili, nkabela kufumbwa muntu uumuguma ulasofwaala mane kusikila kumabbililo aazuba. 20Aoonse mpalala mukusofwaala kwakwe alasofwaala, aoonse mpakala alasofwaala. 21Kufumbwa muntu uuguma bulo bwakwe asanzye zyakusama zyakwe akusamba amubili akusofwaala mane kusikila kumabbililo. 22#2 Kor 7:1; Heb 10:22Ayooyo uuguma cintu neciba comwe ncakede asanzye zyakusama zyakwe akusamba amubili akusofwaala mane kusikila kumabbililo. 23Nebuba bula neciba cintu cili buti reakala, aciguma ulaso-fwaala mane kusikila kumabbililo. 24#Lev 20:18Alimwi na mwaalumi woona awe, abusofwi bwakwe bwaba alinguwe, ulasofwaala mazuba aali musanu aabili, nkabela bulo bwakwe, kufumbwa nkwaona, bulasofwaala.
25 #
Mt 9:20; Mk 5:25; Lk 8:43 Na mwanakazi waba asenselwa mazuba manji, nkokuti kuciindi citali cakwe, nanka kutaleka kuzwa kuciindi cakwe, mazuba oonse aasenselwa lyakwe ulasofwaala, ulaba mbubonya mbuli kuciindi cakutondwa kwakwe. 26Kufumbwa abulo mpaona, mazuba oonse aasenselwa lyakwe, alaba mbubonya mbuli bula bwakutondwa kwakwe, azintu zyoonse nzyakala zilasofwaala mbubonya mbuli kusofwaala kwakutondwa kwakwe. 27Kufumbwa muntu uuguma zintu ezyo ulasofwaala; uleelede kusanzya zyakusama zyakwe akusamba amubili akusofwaala mane kusikila kumabbililo aazuba. 28Pele na wapona kusenselwa lyakwe, alibalile mazuba aali musanu aabili kuzwa kukusalazigwa kwakwe, elyo ulasalala. 29Lino mubuzuba bwamusanu aatatu abweze inziba zyobile na bana bobile bankwilimba, azilete kumupaizi kumulyango watente lyambunganino. 30#Rom 3:25; 2 Kor 5:18,19; Ef 1:7; 2:12-22; Kol 1:19-22; Heb 2:17; 9:14; 10:1; 1 Joh 1:2,7; 2:1Mupaizi atuule imwi, ibe cipaizyo cazibi, aimwi ibe cipaizyo cakutenta, aboobo mupaizi ulamumanina milandu kubusyu bwa-Jehova nkaambo kabusofwi bwasenselwa lyakwe.
31 #
Lev 11:47; Dt 24:8; Ezk 22:26; 44:23; My 5:3; 19:13,20; Ezk 5:11; 23:38; 1 Kor 3:17 Mbuboobu mbumweelede kupambukanya bana ba-Israyeli kubusofwi bwabo, kuti batafwi mubusofwi bwabo kukusofwaazya cikombelo cangu cili akati kabo.
32Mbuubede mulao wayooyo uusensa, awayooyo uusuba bwaalum bwakwe akulisofwaazya mbubo, 33awamwanakazi uuciswa kuciindi cakwe, nkokuti wamuntu woonse, naba mwaalumi naba mwanakazi, uusensa, awamwaalumi uuona amwanakazi uusofweede.
Currently Selected:
Levitiko 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
