Levitiko 1
1
Milao yazituuzyo zitentwa
1 #
Kul 19:3; My 12:4,5 Lino Jehova wakaita Musa, waambaula awe kutente lyambunganino. Wakati, 2#Lev 22:18Ambila bana ba-Israyeli kuti, Na kuli muntu akati kanu uuyanda kuletela Jehova cituuzyo, amusale zituuzyo zyanu kuzwa kumatanga aaŋombe nanka aambelele.
3 #
Kul 12:5; Lev 3:1; 22:20; Dt 15:21; Mal 1:14; Ef 5:27; Heb 9:14; 1 Pet 1:19 Na cituuzyo cakwe cakutenta neeŋombe, atuule mupoho uutakwe kampenda, Acituule kumulyango watente lyambunganino, kuti citambulike kuli-Jehova. 4#Lev 4:15; 8:14; Kul 29:10; Is 53:4; 2 Kor 5:21; 1 Pet 2:24; Is 56:7; Rom 12:1; Flp 4:18; My 15:25; Rom 5:11Abike ijanza lyakwe amutwe wacituuzyo, lino cilatambulika kukumanya milandu yakwe. 5#Mik 6:6; Heb 10:11; 12:24; 1 Pet 1:2Amane kucita obo, ajaye iŋombe kubusyu bwa-Jehova, Lino bapaizi bana ba-Aroni batambule bulowa, basansaile bulowa koonse koonse cakuzyunguluka cipaililo cili kumulyango watente lyambunganino. 6Lino afunde cituuzyo akucitendaula muzipanzi zyaco, 7#Matl 22:9abalo bana ba-Aroni mupaizi babike mulilo acipaililo akubamba inkuni amulilo. 8Lino bapaizi, bana ba-Aroni, babambe zipanzi, mutwe amafuta atala ankuni zili amulilo uuli acipaililo; 9#Matl 8:21; Ezk 20:28; 2 Kor 2:15; Ef 5:2; Flp 4:18pele mala amyeendo bazisanzye amaanzi. Lino mupaizi atente zyoonse buyo acipaililo, zibe cituuzyo citentwa cili abweema bubotu bwakubotezya Jehova.
10Na cituuzyo cakwe cakutenta nimbelele nanka impongo, asale mucende uutakwe kampenda. 11Lino uleelede kumujaya kulubazu lwakunyika lwacipaililo kubusyu bwa-Jehova. Bapaizi, bana ba-Aroni, basansaile bulowa bwakwe koonse koonse cakuzyunguluka cipaililo. 12Amutendaule muzipanzi, antoomwe amutwe amafuta, elyo mupaizi amubambe atala ankuni zili amulilo uuli acipaililo. 13Pele mala amyeendo, uleelede kuzisanzya amaanzi, Lino mupaizi acipaizye coonse, acitente acipaililo, cibe cituuzyo citentwa cili abweema bubotu bwakubotezya Jehova.
14 #
Lk 2:24; Lev 5:7 Na cituuzyo cakwe ncaletela Jehova ncabayuni atuuzye inziba nanka bana bankwilimba. 15Lino mupaizi alete kayuni kucipaililo, anyone mutwe, autente acipaililo, pele bulowa bwako butilwe kulubazu lwacipaililo. 16Amana obo, agwisye ciyangilo amapepe, azisowe kulubazu lwakujwe lwacipaililo, kusowelwa itwe. 17#Matl 15:10Lino akwamaune mababa pele atapambauli, Elyo mupaizi acitente acipaililo, ankuni zili amulilo, cibe cituuzyo citentwa cili abweema bubotu bwakubotezya Jehova.
Currently Selected:
Levitiko 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
