Kulonga 40

Itente lyambunganino mbulyakaimikwa

1Lino Jehova wakaambila Musa kuti, 2#Kul 12:2; 13:4; 25:9; 26:1,30; My 7:1; Inc 7:44,45; Heb 8:2-5; 9:2,11; Ciy 21:3Mubuzuba butaanzi bwamwezi mutaanzi uleelede kwiimika cikombelo catente lyambunganino. 3#My 4:5Bika mulincico ibbokesi lyamilao, alimwi usitilizye ibbokesi acisitilizyo. 4#Kul 26:35; Lev 24:5,6Njizya intafule akwiibamba mbokweelede. Acalo cikazikilo camalampi, ucinjizye akwiimika malampi aaco. 5#Heb 9:24; 10:19-22Alimwi bika cipaililo cangolida cakutentela tununkilizyo kunembo lyabbokesi lyamilao, akwiimika cisitilizyo camulyango wacikombelo. 6Acalo cipaililo cazituuzyo uciimike kunembo lyamulyango wacikombelo catente lyambunganino. 7#Kul 30:18Alimwi bika cisambilo akatikati katente lyambunganino acipaililo, ubike maanzi mulincico. 8Alimwi bamba lubuwa lwakuzyungulusya akubika cisitilizyo kumulyango walubuwa. 9#Kul 30:23-26Lino bweza mafuta aakunanika, ukananike cikombelo azintu zyoonse zili mulincico. Ucisalazye azibelesyo zyaco zyoonse, zisalale. 10#Kul 29:36Alimwi unanike cipaililo cazituuzyo azibelesyo zyaco zyoonse, ukasalazye cipaililo, aboobo cipaililo cilasalalisya loko. 11Acalo cisambilo atako lyaco, uzinanike akuzisalazya. 12#Lev 8:1-13Wamana obo, leta Aroni abana bakwe kumulyango watente lyambunganino, ubasanzye amaanzi. 13#Kul 28:41; Int 133:2Lino samika Aroni zyakusama zisalalisya, alimwi umunanike akumusalazya, andibelekele milimo yabupaizi. 14#Heb 7:23Abalo bana bakwe ubaswenye afwaafwi akubasamika zibaki, 15#My 25:13; Heb 7:11; Ciy 1:6; 1 Pet 2:5,9alimwi ubananike mbubonya mbowananika wisaabo, kuti bandibelekele milimo yabupaizi. Kunanikwa kwabo kunoobapa bupaizi butamani mumazyalani aabo oonse,

16Lino Musa wakacita obo. Wakacita zintu zyoonse buyo nzyaakamulailila Jehova. 17#My 7:1Nkabela mumwezi mutaanzi wamwaka wabili, mubuzuba butaanzi bwamumwezi, cikombelo cakaimikwa. 18Musa wakaimika cikombelo, wakakazika zikazikilo zyaco, waimika impanda zyaco, wabika minkulu yaco, waimika misumpululu yaco. 19Alimwi wakavungulula itente atala lyacikombelo, wacivumbya itente, mbubonya mbuli Jehova mbwaakalailila Musa. 20#Kul 25:16; Int 78:5; Is 8:20Elyo wakabweza ibbuku lyamilao, walibika mubbokesi. Alimwi wakanjizya miziyo yabbokesi, akubika cuuno caluzyalo atala lyabbokesi. 21#Kul 35:12Lino wakanjizya ibbokesi mucikombelo, waanzika cisitilizyo cakusitilizya ibbokesi lyacizuminano, mbubonya mbuli Jehova mbwaakalailila. 22#Kul 26:35Alimwi wakabika intafule mutente lyambunganino, kulubazu lwacikombelo lwakunyika, anze lyacisitilizyo, 23nkabela wakabamba zinkwa alindilyo kubusyu bwa-Jehova, mbubonya mbuli Jehova mbwaakalailila Musa. 24#Kul 26:35Alimwi wakabika cikazikilo camalampi mutente lyambunganino cilangene antafule, kulubazu lwakumusanza lwacikombelo, 25#Kul 25:37nkabela wakabika malampi alincico kubusyu bwa-Jehova, mbubonya mbuli Jehova mbwaakalailila Musa. 26#Kul 30:6Lino wakabika cipaililo cangolida mutente lyambunganino kunembo lyacisitilizyo, 27#Kul 30:7watenta tununkilizyo tubotu alincico, mbubonya mbuli Jehova mbwaakalailila Musa. 28#Kul 26:36Alimwi wakabamba cisitilizyo cakuvumbya mulyango wacikombelo. 29#Kul 29:38Acalo cipaililo cazituuzyo wakacibika kumulyango wacikombelo catente lyambunganino, watuula alincico cituuzyo citentwa acituuzyo cabusu, mbubonya mbuli Jehova mbwaakalailila Musa. 30#Kul 30:18Alimwi wakabika cisambilo akatikati katente lyambunganino acipaililo, wabika maanzi aakusamba mulincico, 31kuti Aroni abana bakwe basambe kumaanza akumaulu. 32#Kul 30:19Kufumbwa ciindi nebakali kunjila mutente lyambunganino, nanka kuswena afwaafwi kucipaililo, bakali kusamba, mbubonya mbuli Jehova mbwaakalailila Musa. 33#Kul 27:9,16Alimwi wakaimika lubuwa lwakuzyungulusya cikombelo acipaililo, akubika cisitilizyo cakusitilizya mulyango walubuwa, Aboobo Musa wakamanisya milimo yoonse,

34 # 1 Bam 8:10-11; Is 6:4; Ezk 43:4-5; Ciy 15:8; Lev 16:2; My 9:15; 2 Mak 5:13; 7:2; Hag 2:7,9 Elyo ijoba lyakavumbilila itente lyambunganino, nkabela bulemu bwa-Jehova bwakazuzya cikombelo. 35#1 Bam 8:11; 2 Mak 5:14; Int 78:14Musa wakakacilwa kunjila mutente lyambunganino, nkaambo kakuti ijoba lyakalikede ajulu, abulemu bwaJehova bwakazuzya cikombelo. 36#My 10:11; Neh 9:19Lino mukweenda kwabo koonse, na ijoba lyakazwa kucikombelo, bana ba-Israyeli bakatola lweendo lwabo, 37#My 9:19-22pele na ijoba teelyakagwisigwa, kabateendi pe mane kusikila kubuzuba bwakugwisigwa kwalyo. 38#Kul 13:21; My 9:15Nkaambo ijoba lya-Jehova lyakalikede acikombelo ciindi casikati, amulilo ciindi camasiku, mumeso aaluzubo lwa-Israyeli, mukweenda kwabo koonse.

Currently Selected:

Kulonga 40: Ibbaib63

Highlight

Copy