Joshua 17
17
Caabilo cabana ba-Manase
1 #
Matl 41:51; 48:18; 50:23; Dt 3:15 Lino nceeci caabilo camukowa wa-Manase, ngonguwe mwana mutaanzi wa-Josefa. Mwana mutaanzi wa-Manase kali Makiri, wisi Gileadi. Kali silumamba, aboobo wakapegwa cisi ca-Gileadi a-Basana. 2#My 26:29-32; 1 Mak 7:18Lino bamwi bana ba-Manase muziinga zyabo mbaaba:— bana ba-Abiezezi abana baHeleki abana ba-Asrieli abana ba-Sekemu abana ba-Heferi abana ba-Semida. Mbaaba bana baalumi ba-Manase mwana wa-Josefa muziinga zyabo. 3#My 26:33; 27:1; 36:2Pele Zelofehadi mwana wa-Heferi mwana wa-Gileadi mwana wa-Makiri mwana wa-Manase katazyedebana baalumi pe, kazyede banakazi luzutu, Mazina aabana bakwe basimbi ngaaya:— Mala, a-Nowa, Hogila, Milika a-Tiriza. 4#My 27:1-7; Jos 14:1Nkabela bakeza kuli-Eleazara mupaizi akuli-Joshua mwana wa-Nuni akubapati, bakati, Jehova wakalailila Musa kuti tupegwe lukono akati kabakwesu baalumi. Mpawo wakacita mbubonya mbwaakalailila Jehova, wakabapa caabilo akati kabakulana bamawisi. 5Aboobo bana ba-Manase bakapegwa zyaabilo zili ikumi, kutaamba nyika ya-Gileadi aBasana yamutala lya-Jordano. 6#My 26:29; 32:39,41Nkaambo bana basimbi ba-Manase bakaabilwa lukono akati kabana bakwe baalumi, alimwi bana bamwi ba-Manase kabajisi nyika ya-Gileadi. 7Lino mugaano wabana ba-Manase wakazwa ku-Aseri kusikila ku-Mika-metatu uuli kunembo lya-Sekemu; alimwi kululyo mugaano wakainda kubantu ibakakede ku-Enitapua, 8#Jos 12:17; 15:34Cisi ca-Tapua cakali ca-Manase, pele munzi wa-Tapua walo kuuli kumagolelo aacisi ca-Manase, wakali wabana ba-Efraimu. 9#Jos 16:8,9Elyo mugaano wakaseluka mane kusikila kukalonga ka-Kana, akusotoka kalonga kuya kumusanza. Eyi minzi yakali yaba-Efraimu akati kaminzi yaba-Manase. Nkabela mugaano wa-Manase wakainda kubbazu lyakunyika lyakalonga, amagolelo aawo akali kulwizi lupati. 10Nyika yakumusanza yakali ya-Efraimu, nyika yakunyika yakali ya-Manase, amagolelo aanyika yakwe akali kulwizi, alimwi bakalibambene aba-Aseri kubbazu lyakunyika, aba-Isakara kubbazu lyakujwe. 11#Jos 16:9; 1 Mak 7:29; 1 Sam 31:10; 1 Bam 4:12Nkabela akati kacisi ca-Isakara acisi ca-Aseri ba-Manase kabajisi minzi eyi: Betiseani atunzuunzi twawo, Ibleamu atunzuunzi twawo, a-Doro atunzuunzi twawo, abantu ba-Eni-doro atunzuunzi twawo, abantu ba-Taanaki atunzuunzi twawo, abantu ba-Megido atunzuunzi twawo, nkukuti zilundu zyotatwe, 12#Bab 1:27-28; Kul 23:29-33; My 33:52Nekubaboobo bana ba-Manase bakakacilwa kutanda bantu ibakakede muminzi eyi. Ba-Kanana bakakolela kukala omo munyika. 13#Jos 16:10Lino bana ba-Israyeli nibakaba anguzu, bakanjizya ba-Kanana mucibalo, pele kutanda teebakabatandilila pe.
14 #
Jos 16:4; Matl 48:22; 48:19; My 26:34,37 Nkabela bana ba-Josefa bakabuzya Joshua kuti, Ino nkaambonzi watupa caabilo comwe buyo acisi comwe buyo? Tuli banji, nkaambo kuzwa kumatalikilo akusikila sunu Jehova watupa coolwe. 15Elyo Joshua wakabaambila kuti, Na muli bantu banji, kamuya kutusakasaka, akulianzila busena nkuko mucisi caba-Perizi aba-Refai na mwaata mucilundu ca-Efraimu. 16#Bab 1:19; 4:3; Jos 19:18; Bab 6:33; 1 Bam 4:12; 18:46Mpawo bana ba-Josefa bakati, Cilundu tacituzulizyi pe, alimwi boonse ba-Kanana bakede mucisi camumumpata balijisi inkalaki zyabutale, nkukuti abo bakede mu-Beteseani amutunzuuunzi twawo abaabo bakede mumumpata wa-Jezreeli boonse. 17Nkabela Joshua wakaambila mukowa wa-Josefa, bana baEfraimu abana ba-Manase, kuti, Muli bantu banji, alimwi muli anguzu zinji. Tamweelede kuba acaabilo comwe buyo pe. 18#Dt 20:1; Jos 11:4-6; 13:6; Rom 8:31; Heb 13:6Cilundu cilaba cako. Ntusakasaka ncobeni, nekubaboobo muyootutema, amanjililo aato ayooba aanu. Aba-Kanana muyoobatanda, nekuba kuti balijisi inkalaki zyabutale akuba anguzu.
Currently Selected:
Joshua 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
