Joshua 18
18
Itente lyakubunganina mbulyakasimpikwa ku-Silo
1 #
Jos 19:51; 21:2; Bab 21:19; 1 Sam 14:3; Int 78:58-60; Bab 18:31; 1 Sam 1:3,24; 4:3,4 Lino imbungano yoonse yabana ba-Israyeli yakabungana ku-Silo, akusimpika nkuko itente lyakubunganina. Nkabela bantu boonse banyika bakabomba kulimbabo.
Misyobo imwi iili musanu aibili mbuyakaabilwa nyika
2Lino kwakasyaala misyobo iili musanu aibili akati kabana ba-Israyeli iyakatalina kwaabilwa zyaabilo zyayo. 3#Bab 18:9; Tus 2:2-6; Zef 3:16; Mt 20:6; Joh 6:27; Flp 3:13,14Nkabela Jeshua wakaambila bana ba-Israyeli kuti, Ino mulasowa ciindi cili buti kukunelela kwanu? Mulaya lili kukuvuba nyika Jehova Leza wamausowanu njaamupa? 4Amulisalile bantu botatwe botatwe kumisyobo yanu, nkabatume kuya bweendeenda munyika yoonse, bailembe nyika yakuvuba mbwiibede, akuboola alimwi kulindime. 5#Jos 15:1; 16:1-4Bayooiaba muzyaabilo zili musanu azibili. Bana ba-Juda basyaale kucisi cabo nkubabede kumusanza, amukowa wa-Josefa usyaale mucisi cawo cakunyika, 6#Jos 14:2Amulembe nyika mbwiibede muzyaabilo zili musanu azibili, akuleta cilembelo okuno kulindime, elyo njoomuwaalila cisolo okuno kubusyu bwa-Jehova Leza wesu. 7#Jos 13:33; My 18:20; Dt 10:9; 18:1; Ezk 44:28; Jos 13:8Ba-Levi tabakonzyi kupegwa caabilo akati kanu, nkaambo bupaizi bwa-Jehova ncecaabilo cabo, alimwi ba-Gadi aba-Rubeni acisela camukowa wa-Manase batambula kale caabilo cabo mutala lya-Jordano lyakujwe, ncencico Musa mulanda waJehova ncaakabapa.
8Lino abo bantu bakanyamuka akwiinka, nkabela nibakainka Joshua wakabalailila kuti balembe nyika yoonse. Wakati, Kamuya bweendeenda munyika, mwiilembe, akuboola alimwi kulindime, nkamuwaalile cisolo kumeso aa-Jehova okuno ku-Silo, 9Mpawo bantu bakainka, bakainda moonse munyika, bakailemba aminzi yayo mubbuku, muzyaabilo zili musanu azibili, elyo bakaboola kuli-Joshua kuzilao nkwaakabede ku-Silo. 10#Tus 16:33Nkabela Joshua wakabawaalila cisolo kumeso aa-Jehova ku-Sile. Nkonkuko Joshua nkwaakaabilila bana ba-Israyeli nyika muzipanzi zyabo.
Caabilo ca-Benjamini
11Lino caabilo camukowa wabana ba-Benjamini muziinga zyabo nceeci. Nyika yabo njibakawaalilwa cisolo yakali akati kabana ba-Juda abana baJosefa. 12#Jos 16:1Mugaano wabo wakunyika wakazwa ku-Jordano, wakainda kubbazu lya-Jeriko kunyika, alimwi wakainda kuzilundulundu zyakumbo, amagolelo aawo akali kunkanda ya-Beti-aveni, 13#Matl 28:19; Bab 1:23; Jos 16:3Elyo kuzwa oko mugaano wakainda ku-Luzi, wakatana kubbazu lyakumusanza lya-Luzi (ngonguwo Beteli), akuzwa oko wakainda ku-Atarotu-adara kucilundu cakumusanza wa-Beti-horoni waansi. 14#Jos 9:17; 1 Mak 13:6Lino kuzwa kucilundu cili kubbazu lyakumusanza lya-Beti-horoni, mugaano wakumbo wakanyona kumusanza akugola ku-Kiriyati-baala, ngonguwo Kiriyati-Jearimu, munzi wabana ba-Juda. Mbuubede mugaano wakumbo. 15#Jos 15:9Amugaano wakumusanza wakazwa kumamanino aa-Kiriyati-Jearimu, akuzwa kumbo wakainda kukasensa kamaanzi ka-Nefiwa. 16#Jos 15:8; 2 Bam 23:10; 2 Mak 28:3; 33:6; Is 30:33; Jer 19:2; 32:35Alimwi mugaano wakasika kumamanino aacilundu cili kunembo lyamumpata wamwana wa-Hinomu, nkokuti munyika mumumpata waba-Refai, akwiinda moonse mumumpata kusikila kumusanza kukalundu kaba-Jebusi, akusikila ku-Eni-rogeli. 17#Jos 15:6Oko wakanyona kuya kunyika akwiinda ku-Eni-semesi, alimwi wakainda ku-Gelilotu, uulangene amantantilo aa-Adumi, akusika kundomba lya-Bohani mwana wa-Rubeni. 18Kuzwa oko wakainda kukalundu kalangene a-Araba kunyika, akusika ku-Araba, 19Alimwi mugaano wakainda kubbazu lyakunyika lyakalundu ka-Beti-hogila, amagolelo aawo akali kumusundila wakunyika wa-Lwizi lwamunyo, nkokuti kumamanino aakumusanza wa-Jordano, Mbuboobo mbuubede mugaano wakumusanza. 20Nkabela mulonga wa-Jordano nguwakali mugaano wakujwe.
Nciceeco caabilo cabana ba-Benjamini amigaano yabo muziinga zyabo. 21#Jos 2:1; 6:26; 1 Bam 16:34; Lk 10:30; 19:1; Jos 15:6Nkabela minzi yamukowa wabana ba-Benjamini muziinga zyabo njeeyi: Jeriko a-Beti-hogila a-Emekikozizi, 22a-Betiaraba a-Zemaraimu a-Beteli, 23a-Avimu a-Para a-Ofira, 24#Jos 21:17; Bab 19:12-16; 1 Sam 15:34; Ezr 2:26; Is 10:29a-Kefara-amoni a-Ofini a-Geba, minzi iili ikumi aibili atunzuunzi twayo. 25A-Gibeoni a-Rama a-Beeroti, 26aMizipe a-Kefira a-Moza, 27a-Rekemu a-Iripeeli a-Tarala, 28#2 Sam 21:14; Matl 46:21; 1 Mak 7:6; 8:1; Inc 17:26a-Zela a-Elefi, a-Jebusi (ngonguwo Jerusalemu), a-Gibeati a-Kiriyati, minzi iili ikumi aine atunzuunzi twayo. Nciceeco caabilo cabana ba-Benjamini muziinga zyabo.
Currently Selected:
Joshua 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
