Joshua 16
16
Caabilo cabana ba-Efraimu
1 #
My 33:45
Lino caabilo cabana ba-Josefa nceeci. Mugaano wakatalika kujordano ku-Jeriko, kubbazu lyakujwe lyamaanzi aaku-Jeriko kunkanda, elyo kuzwa ku-Jeriko wakainda kuzilundu zyaku-Beteli, 2#Matl 28:19; Jos 18:13; Bab 1:26alimwi kuzwa ku-Beteli wakainda ku-Luzi akusika kumugaano waba-Ariki baku-Atarotu. 3#Jos 18:13; 21:22; 2 Mak 8:5; 1 Mak 7:28; 1 Bam 9:15Kuzwa oko wakainda kumbo kusikila kumugaano waba-Jafeleti akumugaano wa-Beti-horoni wamukuti aku-Gezeri, nkabela mamanino aawo akali kulwizi lupati. 4#Jos 17:14Mbuboobo mbubakaabilwa bana ba-Josefa, nkukuti ba-Efraimu aba-Manase.
5 #
Jos 18:13; 2 Mak 8:5 Nkabela caabilo cabana ba-Efraimu, muziinga zyabo, nceeci. Mugaano wabo wakujwe wakazwa ku-Atarotu-adara kusikila ku-Beti-horonu waatala. 6#Jos 17:7Akumbo mugaano wakainda ku-Mika-metatu kunyika, akuzwa oko wakazyunguluka kujwe mane kusikila ku-Taanatu-silo, akubbazu lyakujwe lyaJanoa, 7#1 Mak 7:28alimwi kuzwa ku-Janoa wakainda ku-Atarotu aku-Naara, akusikila ku-Jeriko akugola ku-Jordano. 8#Jos 17:9; 19:28Elyo kuzwa ku-Tapua mugaano wakainda kumbo kusikila kukalonga ka-Kana, amagolelo aawo akali kulwizi lupati. Nciceeco caabilo camukowa wabana ba-Efraimu muziinga zyabo, 9antoomwe aminzi bana ba-Efraimu njibakaabilwa akati kacisi cabana ba-Manase, minzi yoonse atunzuunzi twayo. 10#Bab 1:29; Jos 15:63; 1 Bam 9:16,20,21; Matl 9:25; Jos 17:12,13Pele teebakatanda ba-Kanana ibakakede mu-Gezeri. Ba-Kanana bakalikede akati kabana ba-Efraimu, mbubacikede asunu, akuba basicibbalo babo.
Currently Selected:
Joshua 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
