Joshua 15
15
Caabilo ca-fuda
1 #
My 34:3; 33:36 Lino caabilo camukowa wabana ba-Juda, muziinga zyabo, nceeci, Cakasika kumugaano wa-Edomu, kunkanda ya-Zini kumusanza, kumusanza loko. 2Nkabela mugaano wabo wakumusanza wakali kuzwa kumamanino aalwizi lwamunyo, kuzwa kumusundila uulanga kumusanza. 3Wakali kwiinda kubbazu lyakumusanza lyamatantilo aatubanze, elyo kuzwa oko wakainda ku-Zini, alimwi kumusanza wa-Kadesi-Barinea kusikila ku-Hezironi, elyo wakainda ku-Adara akuzyunguluka kuya ku-Karika, 4#My 34:5; Matl 15:18; 1 Bam 8:65nkabela kuzwa oko wakainda ku-Azimoni akuya kumulonga wa-Egepita. Magolelo aamugaano akali kulwizi, Ngooyu mugaano wanu wakumusanza. 5Lino mugaano wakujwe ndwizi lwa-Munyo mane do kumatililo aa-Jordano. Amugaano wakunyika wakatalikila kumusundila wakulwizi uuli kumatililo aa-Jordano. 6#Jos 18:17Lino mugaano wakainda ku-Beti-hogila, wakainda kubbazu lyakunyika lya-Beti-Araba, elyo kuzwa oko wakainda kubbwe lya-Bohani mwana wa-Rubeni. 7#Jos 7:26; Is 65:10; Hos 2:15; 2 Sam 17:17Alimwi mugaano wakainda ku-Dibiri kuzwa kumumpata wa-Akori, elyo wakainda kunyika akulanga ku-Giligala uulangene amatantilo aa-Adumi mutala lyamusanza lyakalonga. Elyo mugaano wakainda kumaanzi aa-Enisemesi, nkabela magolelo aawo akali ku-Eni-rogeli. 8#Jos 18:16,28; 2 Bam 23:10; Jer 19:2,6; Bab 1:21; 19:10; 2 Sam 5:18Lino mugaano wakainda kumumpata wamwana wa-Hinomu kuya kubbazu lyakumusanza lyatulundulundu twaba-Jebusi, nkukuti Jerusalemu. Kuzwa oko wakainda amutwe wacilundu cilangene amumpata wa-Hinomo kumbo, ncencico cili kumamanino aakunyika aamumpata wa-Refaimu. 9#1 Mak 13:6; Bab 18:12Elyo kuzwa awo atala acilundu mugaano wakaseluka kukasensa kamaanzi kakuNefiwa akuya kuminzi yakucilundu ca-Efroni, alimwi wakainda ku-Baala, ngonguwo Kiriyati-Jearimu. 10#Matl 38:13; Bab 14:1Elyo kuzwa ku-Baala mugaano wakazyunguluka kumbo kuya kucilundu ca-Seiri, akwiinda kubbazu lyakunyika lyacilundu ca-Jearimu, ncencico Kesaloni, elyo wakaseluka kuya ku-Betisemesi akwiindilila ku-Timina. 11#Jos 19:43; 1 Sam 5:10Lino mugaano wakainda kukalundu kaEkroni kali kunyika, alimwi kuzwa oko wakazyunguluka kuya ku-Sideroni, wakainda kucilundu ca-Baala, akusika ku-Jabineli, amamanino aawo akali kulwizi. 12#My 34:6; Dt 11:24; Ezk 47:20Nkabela mugaano wakumbo kuuli kulwizi lupati. Nciceeco caabilo coonse cabana ba-Juda muziinga zyabo,
13 #
Jos 14:13; Matl 23:2 Alakwe Kalebe mwana wa-Jefune wakamupa caabilo akati kabana baJuda, mbubonya Jehova mbwaakalailila Joshua, Wakamupa munzi waAriba wisi Anaki, ngonguwo Hebroni. 14#Bab 1:10; My 13:22Nkabela Kalebe wakatanda bana botatwe ba-Anaki ibakali mumo, Sesai a-Ahimani a-Talimai bana ba-Anaki, 15#Jos 10:38Alimwi kuzwa oko wakainka kuyoolwana abana ba-Dibiri, Izina itaanzi ya-Dibiri kalili Kiriyati-Seferi. 16Lino Kalebe wakati, Kufumbwa muntu uuti zunde Kiriyati-Seferi akuusaala, njoomupa Akisa mwanaangu musimbi, amukwate, 17#Bab 3:9; My 32:12; Jos 14:6Mpawo Otiniyeli mwana wa-Kenazi munyina Kalebe wakauzunda, aboobo wakamupa mwanaakwe musimbi Akisa kuti amukwate. 18#Bab 1:14; Matl 24:64; 1 Sam 25:23Nkabela musimbi, naakeza kuŋanda yakwe, wakamusungilizya kuti akumbile muunda kuliwisi. Wakaseluka kuzwa ambongolo yakwe, elyo Kalebe wakamubuzya kuti, Waba anzi? 19#Matl 33:11Wakati, Kondipa cipo, Wandipa nyika yankanda yakumusanza, lino kondipa tusensa twamaanzi. Elyo wakamupa tusensa twaatala atusensa twaansi.
20 #
Matl 49:8-12; Dt 33:7 Mbuboobo bana bamukowa wa-Juda mbubakaabilwa nyika muziinga zyabo.
21 #
Matl 35:21
Lino njeeyi minzi yamukowa wabana ba-Juda. Minzi yakumusanza iibambene acisi caba-Edomu njeeyi:— Kabizeeli a-Ederi a-Jaguri, 22a-Kina a-Dimona a-Adada, 23a-Kedesi a-Hazori a-Itinani, 24#1 Sam 15:4a-Zifi a-Telemu a-Bealoti, 25a-Hazori-hadata, a-Kerioti-hezironi, ngonguwo Hazori, 26a-Amamu a-Sema a-Moloda, 27a-Hazara-gada a-Hesimoni a-Beti-peleti, 28a-Hazara-suala a-Beereseba a-Bizioti, 29a-Baala a-Iyimu a-Ezemu, 30a-Elitoladi a-Kesili a-Horima, 31#Jos 19:5; 1 Sam 27:6; 30:1; 1 Mak 12:1a-Zikilaga a-Madimana a-Sanasana, 32#Neh 11:29a-Lebaoti a-Siliimu a-Ayini a-Rimoni. Minzi eyi yoonse ili makumi obile aali amusanu aine, atunzuunzi twayo.
33 #
Jos 19:41; My 13:23 Aminzi yamutulundulundu njeeyi:— Esitaoli a-Zora a-Asina, 34aZanoa a-Eni-ganimu a-Tapua a-Enamu, 35#Jos 10:3,5; 12:15; 1 Sam 17:1; Jos 10:10a-Jarimuri a-Adulamu a-Soko a-Azeka, 36#1 Sam 17:52a-Saaraimu a-Aditaimu a-Gedera a-Gederotaimu, minzi iili ikumi aine atunzuunzi twayo.
37Zenani a-Hadasa a-Migidala-gadi, 38#2 Bam 14:7a-Dilamu a-Mizipe a-Jokiteeli, 39#Jos 10:3; 2 Bam 18:14; 19:8; 2 Mak 11:9; 2 Bam 22:1; Jos 12:12a-Lakisi a-Bozikatu a-Egiloni, 40a-Kaboni a-Lamami a-Kitilisi, 41a-Gederoti a-Beti-dazoni a-Naama a-Makeda, minzi iili ikumi amusanu aumwi atunzuunzi twayo.
42Libina a-Eteri a-Asana, 43a-Ifita a-Asina a-Nezibi, 44a-Kcila a-Akizibi a-Maresa, minzi iili musanu aine atunzuunzi twayo.
45Ekroni aminzi yawo atunzuunzi twawo, 46#Jos 13:3; 1 Sam 5:1,6kuzwa ku-Ekroni mane kusikila kulwizi, yoonse iibambene a-Asidodo atunzuunzi twayo.
47 #
Matl 15:18; My 34:6 Asidodo aminzi yawo atunzuunzi twawo, Gaza aminzi yawo atunzuunzi twawo, mane kusikila kukalonga ka-Egepita, nkabela mugaano kuuli lwizi lupati.
48Akuzilundu Samiri a-Jatiri a-Soko, 49a-Dana a-Kiriyati-sana, ngo-nguwo Dibiri, 50a-Anabi a-Estimoa a-Animu, 51#Jos 10:41; 11:16a-Goseni a-Holoni a-Gilo, minzi iili ikumi aumwi atunzuunzi twayo.
52Arabu a-Duna a-Esana, 53a-Jarimu a-Beti-tapua a-Afeka, 54#Matl 23:2; Jos 14:15; Bab 1:10a-Humita a-Kiriyati-ariba, ngonguwo Hebroni, a-Ziori, minzi iili musanu aine.
55Maoni-Karimeli a-Zifu a-Juta, 56a-Jezreeli a-Jokideamu a-Zanoa, 57a-Kaini a-Gibea a-Timina, minzi iili ikumi atunzuunzi twayo.
58Haluli a-Beti-zuri a-Gedoro, 59a-Maaratu a-Beti-anotu a-Elitekoni, minzi iili musanu aumwi atunzuunzi twayo.
60 #
Jos 18:14; 1 Sam 7:1,2; 1 Mak 13:6 Kiriyati-baala, ngonguwo Kiriyati-Jearimu, a-Raba, minzi yobile atunzuunzi twayo.
61Munkanda kakuli Beti-araba a-Midini a-Sekaka, 62#1 Sam 23:29a-Nibisani aMunzi-wamunyo a-En-gedi, minzi iili musanu aumwi atunzuunzi twayo.
63 #
Bab 1:8,21; 19:10-12; My 13:29; 2 Sam 5:6; 24:16,18; 1 Mak 11:4; 2 Mak 3:1; Zek 9:7 Pele ba-Jebusi ibakede mu-Jerusalemu, bana ba-Juda bakakacilwa kubatanda; ba-Jebusi bakakede antoomwe aba-Juda mu-Jerusalemu, mbubacicita asunu.
Currently Selected:
Joshua 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
