Joeli 1
1
Cilengano cacisozi
1 #
Heb 1:1; 2 Pet 1:21 Ngaaya majwi aa-Jehova aakasika kuli-Joelimwana wa-Petueli. 2#Dt 4:32; Is 7:17; Dan 12:1; Joel 2:2; Mt 24:21Amuswiilile, nubapati. Amuteelele nubantu boonse bamunyika. Sa kwa kaboneka makani aali boobu, kuciindi canu nanka kuciindi camauso? 3#Int 78:4Amwaambile bana banu makani, abalo bana banu baambile bana babo, abana babo baambile izyalani limbi. 4Eco cakasyaala kudiingo cakacilya cisozi, aceeco cakasyaala kucisozi yakacilya inswabanda, aceeco cakasyaala kunswabanda camusokonya nguwakacilya. 5#Is 32:10Amubuke nubakolwi, mulile. Amuwuule nyoonse nubasikunywa waini, nkaambo kambote, ikuti yanyanzigwa kumilomo yanu. 6#Tus 30:25; Ciy 9:8Nkaambo kuleza bantu kuzoosaala nyika yangu, Mbayumu, alimwi tababaliki. Meno aabo ali mbuli meno aamulavu, abakampanga babo bali mbuli basyuumbwa, 7#Is 5:6Banyonyoona musaansa wesu, amikuyu yesu baibisya. Kukupulula baikupulula akwiisowa, amitabi yayo baisonzoola, yasalala ngende.
8 #
Is 22:12; Tus 2:17 Amoomoke mbuli nakalindu uusamide masaka, uulila mulumi wakwe iwakamukwata lino lino. 9#Joel 2:14Nkaambo cituuzyo calesegwa, acipaizyo cakunywa coonse, kuŋanda ya-Jehova. Bapaizi basimilimo ba-Jehova balalila. 10#Jer 12:11; Is 24:7Myuunda ilisaalidwe, nyika ilalila, nkaambo maila alisaalidwe, awaini wayuminina, aalo mafuta alimanide. 11#Jer 14:3Balimi balyuuside, abasimisaansa balalila, nkaambo kabulotwe abbaale, nkaambo zitebulwa zyamumyuunda zilimanide. 12#Is 9:3; Jer 48:33; Hos 9:1,2Musaansa wapusama, mukuyu wafwa, misamu yapomegranite akakunka amibula, misamu yoonse yamusokwe, iliyumide. Lukondo loonse lwabamanina bantu.
13 #
Jer 4:8
Amusame zisamo zyakulila, nubapaizi. Amulile, nubasimilimo ba cipaililo. Kamuza kuzoolala azisani zyamasaka, nubasimilimo ba-Leza wangu, Nkaambo cituuzyo acipaizyo cakunywa zyoonse zyalesegwa kŋanda yaLeza wanu. 14#2 Mak 20:3,13Amubambe ciindi cakuliimya kulya, amucite imbungano, mubunganye banene abantu boonse bamunyika kuŋanda ya-Jehova Leza wanu, mukwiile kuli-Jehova. 15#Jer 30:7; Joel 2:3; Am 5:16-18; Is 13:6Maawe! Buzuba bulaca! Buzuba bwaJehova buli afwaafwi. Buleza mbuli lunyonyooko kuzwa kujanza lyaSinguzuzyoonse. 16#Dt 12:7,12; 16:11Sa zilyo teezyakasigwa kumeso esu? Lukondo alutangalo sa teezyamana kuŋanda ya-Leza wesu? 17Inseke zyanyana kunsi lyamaganko aazyo. Zibambilo zilisaalidwe, amatala alimwaikide, nkaambo maila abola. 18#1 Bam 18:5; Hos 4:3Banyama balatongela, matanga aaŋombe alalila, nkaambo taakwe bwizu bwaku cela. Aalo matanga aambelele apenga. 19O Jehova! Ndakwilila nduwe! Nkaambo mulilo wamana kutenta mweemvwe wamumabanda, mabangabanga atenta misamu yoonse yamusokwe. 20#Job 38:41; Int 104:31; 1 Bam 17:7Abalo banyama bamusokwe balalilila nduwe, nkaambo tulonga twamaanzi twayuminina nta, amulilo wamana kutenta mweemvwe wamumabanda.
Currently Selected:
Joeli 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
