Hosea 14
14
Leza mbati fwide luzyalo bapiluka
1 #
1 Sam 7:3,4; Hos 12:6; Is 55:6,7 O Israyeli, kopiluka kuli-Jehova Leza wako, nkaambo zibi zyako nzezyakulebya. 2#Joel 2:17; Rom 8:26; Heb 13:15Amubweze majwi, mupiluke kuli-Jehova, mu mwaambile kuti, Kotulekelela milandu yesu yoonse, kotutambula caluzyalo, elyo tuyookuletela micelo yamilomo yesu. 3Asuri takooyootuvuna. Tatukooyootanta ambizi, alimwi tatukooyooamba limbi zibumbwa zyamaanza esu kuti mbaleza besu, nkaambo mulinduwe bamucaala mobajana luzyalo.
4Njooponya kuluba kwabo, njoobayandisya buyo, nkaambo bukali bwangu bwabaleka. 5Njooba mbuli mume kuli-Israyeli, Uyoosonsa mbuli impana, uyoosimpa miyanda mbuli zisamuzyaku-Lebano, 6Mitabi yakwe iyooyandalala; bweebesi bwakwe buyooba mbuli bweebesi bwaolifa, abweema bwakwe mbuli bweema bwaku-Lebano. 7Bayooboola kukala muceenzule cakwe, bayoobuka mbuli maila akusonsa mbuli musaansa, alimwi bweema bwabo buyooba mbuli waini waku-Lebano.
8 #
Jer 31:18; Jak 1:17 Efraimu uyooti, Ndijisi makaninzi amituni? Ndime ndakamubombya, ndime ninjoomuvuna. Ndi mbuli musamu uusizya matu. Kulindime micelo yako nkwiiyoojanwa.
9 #
Joh 18:37; Mt 11:19 Ngwani musongo? Ngonguwe uuti kaswiilile aya makani. Ngwani uucenjede? Ngonguwe uuti kaazibisye, Nkaambo inzila zya-Jehova zililuleme, abantu baluleme mbibati ende kabotu mulinzizyo, anukuti basizibi bayoolebwa mulinzizyo.
Currently Selected:
Hosea 14: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
