Hosea 13
13
Zibi zyaba-Israyeli
1 #
Tus 18:12; 2 Bam 17:16 Efraimu naakaamba, bantu kabakankama, nkaambo kali mwami muIsrayeli. Pele wakajana mulandu mumakani aa-Baala, aboobo waka fwa. 2Lino sunu bacibisya akubisya, balalicitila zikozyano zyansiliva, zileza-leza nzibayeeya beni, bafuzi nzibacita zyoonse. Nzenzizyo nzibaamba kuti Leza. Balazipaila, balamyonta boombe babezedwe. 3Nkaambo kako bayooba mbuli mayoba aacifumofumo, mbuli lume lufwambaana kumwaika, mbuli buungu bupepuka mucipolelo, ambuli busi buzwida acipulo.
4Pele ndime Jehova Leza wako iwakakupozya kuzwa kucisi ca-Egepita, Taakwe muzimu mweenzu ngozi, taakwe muvuni umbi kumbali lyangu pe. 5#Dt 8:11-17Ndakalikuzi munkanda, munyika iitakwe imvula. 6Pele bakajana zilyo akukuta, elyo mukukuta kwabo myoyo yabo yakalisumpula, aboobo bakandiluba, 7Lino ndakababeda mbuli mulavu, ndabalangila munzila mbuli siluwe. 8Njoobaswana mbuli cinyama cabbidwa bana baco, njoodeluula lulyananga lwamoyo wabo, njoobalidilila mbuli syuumbwa, amunyama wamusokwe uyoobakwamauna.
9Ciyookunyonyoona, O Israyeli, nciceeci. Wandisampaula, mebo ndi sikukugwasya. 10#1 Sam 8:5-6Mwami wako uli kuli lino? Sa nkwali uuti kakuvune muminzi yako yoonse. Abalo babetesi bako bali kuli? Mbembabo mbiwakaamba kuti, Kondipa mwami abasilutwe, 11#1 Sam 10:17-24; 8:7; 15:26Ndakupa mwami mukunyema kwangu, amubukali bwangu ndamugwisya. 12#Dt 32:34Milandu ya-Efraimu ilibikilidwe, zibi zyakwe zililondwedwe. 13Wasikilwa kuciswa kwakutumbuka, pele ngumwana mufubafuba, nkaambo taimikili muzyalilo kuciindi ceelede.
14 #
Is 25:8; 26:19; 1 Tes 4:14-17; Ciy 21:4; Rom 11:29; 1 Kor 15:55 Sa nkabavune kujanza lyacuumbwe? Sa nkabanunune kulufu? Ne! Leta mapenzi aako, O cuumbwe? Koza alumoola lwako O lufu? Nsikonzyi kweempwa pe.
15Nekuba kuti Efraimu acite micelo akati kabakwabo, kuyoosika muuwo wakujwe, iguwo lya-Jehova lizwa munkanda, liyoomanizya kasensa kakwe akuyuminizya cikala cakwe. Uyoosaalilwa ziyandisi zyakwe ambono zyakwe zyoonse zibotezya. 16#2 Bam 18:12Samariya uyoopegwa mulandu, nkaambo kakuti wakasampaula Leza wakwe. Bayoojazigwa apanga, atwana twabo tuyoopwayigwa, abalo banakazi babo bamitide bayooandulwa.
Currently Selected:
Hosea 13: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
