Hosea 12
12
1 #
2 Bam 17:4; Is 30:6 Efraimu uleembela luuwo, ulavwima kambizi, Ciindi coonse ulavuzya bubeji alweeno. Balatangana cizuminano a-Asuri, balatola zilumbyo zyamafuta ku-Egepita, 2Jehova ulijisi makani a-Juda, Ulapa Jakobo mulandu mbubonya mbuli inzila zyakwe, ulamubweedezya bubi bwamilimo yakwe. 3#Matl 25:26#Matl 32:24-26Naakacili mwida wakalebya munyina. Naakakomena, wakalwana a-Leza, 4#Matl 28:10-22eya, wakalwana aangelo, alimwi wakazunda. Wakalila, wakamufwida luzyalo, Ku-Beteli nkwaakamuswana, nkwaakaambaula aswe. 5Jehova ngu-Leza wamakamu, Jehova ndizina lyakwe. 6Lino kopiluka kuli-Jehova, kocita luzyalo abululami, alimwi kosyoma Leza wako mazuba conse.
7Ngusimakwebo I Zyeelesyo zyakweena zili mumaanza aakwe. Ulayanda kunyanzya bantu. 8Efraimu wati, Ndaba muvubi, ndaliianina lubono. Pele buvubi bwakwe boonse tabukooyoozulila kumanya mulandu wakwe. 9#Lev 23:42-43Ndime Jehova Leza wako mane kuzwa ku-Egepita, Nzookukazika muzilao mbubonya mbuli kuciindi capobwe. 10Ndakaamba kumilomo yabasinsimi, ndakavuzya zilengano. Ndime ndakali kwaamba zikozyano kumaanza aabasinsimi. 11#Am 4:4Mu-Gileadi balabisya, balacita zyabuyo zilike. Ncobeni mu-Giligala mubapaizya iŋombe, zipaililo zyabo ziyooba mbuli malwi aamabwe akati kamilongo yamumuunda.
12 #
Matl 29:1-20
Jakobo wakacijila musokwe lyaku-Aramu, Israyeli wakabelekela mwanakazi, kulijanina mwanakazi ncaakeembelela. 13#Kul 12:50-51Kujanza lyamusinsimi Jehova wakapozya ba-Israyeli kuzwa ku-Egepita, ajanza lyamusinsimi ndyaakababambya. 14#Dt 28:37; Dan 11:18Efraimu wandikalazya loko, lino mulandu wabulowa mbwaakatila uyoomucaalila, akusampaula kwakwe mwami wakwe uyookubweedezya kulinguwe.
Currently Selected:
Hosea 12: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
