Hosea 11
11
Leza mbwaakalela mwanaakwe Israyeli
1 #
Kul 4:22; Mt 2:15 Israyeli naakacili mwana, ndakamuyandisya, ndakaita mwanaangu kuzwa ku-Egepita. 2#2 Bam 17:16Pele nindakali kuya bubaita, kabaya bwiinka buyo. Kabapaila ba-Baala akutentela zikozyano zibezedwe tununkilizyo. 3#Is 46:3; Kul 15:26Nekubaboobo ndime ndakaiisya Efraimu kweenda. Ndakali kubeenzyaenzya mumaanza aangu, pele kabatezi kuti ndime ndakabaponya. 4#Int 78:25Zyaanzyo nzindakabaanzya zyakali zyabuuya, intambo zyangu zyakali zyaluyando. Ndakali mbuli basikugwisya ijoko kunsingo zyabo, ndakali kubalisya zilyo. 5#2 Bam 17:13; Jer 8:4-6; Hos 6:1; Am 4:6; Zek 1:4Takooyoopiluka mucisi ca-Egepita, pe, Asuri uyooba mwami wakwe, nkaambo kakuti bakakaka kuboola. 6Ipanga liyoouma minzi yabo, liyoomanisya kulya mankolo aamilyango yayo, nkaambo kamiyeeyo yabo.
7Bantu bangu balizibide kuleya kuzwa munzila iiluleme. Nekuba kuti baitwa kuliyooyo uuli kujulu, taakwe naba omwe akati kabo uumulemeka. 8#Jer 9:7; Matl 19:25; Jer 31:20; Dt 29:23Maawe Efraimu! Nkakuleke buti? Maawe Israyeli! Nkakwaabe buti? Sa ndakonzya kukucitila mbundakacitila Adima? Sa ndakonzya kukubika mbuli Zeboimu? Ne! Moyo wangu wakaka! Luzyalo lwangu lwa buka, 9#My 23:19; Is 55:8,9; Mal 3:6; Rom 11:19Nsikooyoocita lunyemo lwangu lukali, nsikooyooboola limbi kunyonyoona Efraimu, pe, nkaambo ndime Leza, nsili muntu buyo, ndime Uusalala akati kanu, nsili muntu waansi. 10Jehova ulalila mbuli syuumbwa, ulavuuluma mbuli mulavu. Lino alila buyo, bana bazooboola bukankama kuzwa kumbo. 11Bazooboola bukankama mbuli tuyuni kuzwa ku-Egepita, bazooboola mbuli inziba kuzwa kucisi ca-Asuri, Njoobakazika mumaanda aabo beni, mbwaamba Jehova.
Ba-Israyeli mbubeeneena akutamauka
12Efraimu wandizyungulusya lweeno, luzubo lwa-Israyeli lwandibejela. Juda ucitamauka a-Leza, ucitamauka a-Uusalala Uusyomeka.
Currently Selected:
Hosea 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
