Joeli 2

Buzuba bwa-Jehova

1 # My 10:5; Int 87:1; Ob 1:15 Amulizye mweembo mu-Zioni, amuume mubila mucilundu cangu cisalala. Bantu boonse bamunyika bakankame, nkaambo buzuba bwa-Jehova bwasika, buli afwaafwi. 2#Am 5:18; Joel 1:6; Kul 10:14Mbuzuba bwamudima abwakusia, mbuzuba bwamayoba abwamakumbi aasia mbi. Buli mbuli igonta lyakumalundu, Kwaboneka bantu banji basinguzu. Taakwe nicakabonekede cili boobo kuzwa kumatangunino, alimwi tacikooyooba limbi mane kumazyalani-zyalani. 3#Zek 7:14Kubusyu bwabo kulapya mulilo, amusule lyabo kulayaka mabangabanga. Nyika iili kunembo lyabo ili mbuli muunda waEdeni, pele nyika iili musule lyabo ilisaalidwe, ninkanda buyo. Taakwe naba omwe uukonzya kuloboka. 4#Ciy 9:7-9Bwiime bwabo buli mbuli bwiime bwambizi, akucijaana balacijaana mbuli basimbizi. 5Nibasotoka, balamvwigwa mbuli inkalaki zili atala azilundu. Balamvwigwa mbuli mabangabanga aamulilo uutenta sokwe. Bali mbuli basilumamba bayumu babambilidwe inkondo. 6#Jer 8:21Myoyo yabantu ilanyona kukubabona, masyu oonse alabalangaluka, 7Balazuzaana mbuli basintaze, balatanta malambo mbuli basilumamba. Baleenda boonse cakululama, taakwe uumwaya milonge. 8Taakwe uutonta mweenzinyina, pe, baleenda boonse buyo munzila iiluleme. Basike kuzilwisyo, balainda buyo alinzizyo, tabamwaiki pe. 9Balasotokela mumunzi, balacijaana abulambo, balanjila mumaanda akwiinda muzipulo mbuli mubbi. 10#Ciy 8:12Mukusika kwabo nyika ilandindima, alyalo ijulu lilakankama. Izuba amwezi zyoonse zilasizigwa, anyenyeezi zyaleka kumweka, 11#Jer 50:34; My 24:23; Mal 3:2; Ciy 6:17Alakwe Jehova ulalizya ijwi lyakwe kunembo lyampi yakwe, nkaambo inkamu yakwe nimpati loko, ayooyo uucita milazyo yakwe uli anguzu. Nkaambo buzuba bwa-Jehova mbupati, bulayoosya loko. Nguni uunga ulabukonzya?

Lubebo ndoluyandwa

12 # Jer 4:1; Hos 12:6 Nekubaboobo alino mbuboobu mbwaamba Jehova. Amupiluke kulindime camoyo woonse, cakuliimya kulya acakulila acakoomoka. 13#2 Bam 22:19; Int 34:18; Is 57:15; Mt 5:3,4; Kul 34:6; Joh 4:2Amudeluule myoyo yanu, mutadeluuli zyakusama zyanu zilike. Amupiluke kuli-Jehova Leza wanu, nkaambo ngusiluse, ngusiluzyalo, tafwambi kukalala, ulizwiide buuya, akuleka bukali cakutabisizya bantu. 14#Jos 14:12; Zef 2:3; Is 65:8; Hag 2:19Ngwani uuzi na ulaboola kumulekelela akumusiila coolwe, mube azituuzyo azipaizyo zyakunywa zyakuletela Jehova Leza wanu?

15Amulizye mweembo mu-Zioni, amubambe ciliimyo cakulya, amucite imbungano. 16#Kul 19:10; 2 Mak 20:13; 1 Kor 7:5Amuyobolole bantu, amusalazye imbungano. Amubunganye bapati, akwiita abalo banike abaabo bacinyonka, Sibwiinga azwe muŋanda yakwe, anabwiinga apole mucikalilo cakwe. 17#Mt 23:35; Kul 32:11; Is 37:20Bapaizi, basimilimo ba-Jehova, balile akati kamanjililo aacikombelo acipaililo. Baambe kuti, Kobafwida luzyalo bantu bako, O Jehova. Utaabi cisi cako kuti cisampaulwe akuba kasimpi buyo akati kabamasi. Sa ncibotu kuti bamasi baambe kuti, We! Leza wabo uli kuli?

Leza mbwati bape coolwe bantu bakwe babeba

18 # Is 42:13; Zek 1:14; Dt 32:36; Int 103:13 Mpawo Jehova wakabukila cisi cakwe, wakafwida bantu bakwe luzyalo. 19#Mal 3:10Jehova wakavwiila bantu bakwe kuti, Amubone! Ndamutumina maila awaini amafuta, nkabela muyookuta. Nsikooyoomwaaba limbi kukusampa ulwa akati kabamasi. 20#Kul 10:19; Dt 11:24Ayooyo uuzwa kunyika njoomusakanya kuzwa kulindinywe, njoomutandila mucisi ciyumu citakwe maanzi. Basimpi bakwe bakunembo njoobatontela mulwizi lwakujwe, abasimpi bakwe baku-sule njoobatontela mulwizi lwakumbo. Nkabela cinunko cakwe cilabuka, abweema bwakwe bulazwa, nkaambo wacita malweza,

21 # 1 Joh 4:18 Utayoowi, O nyika, Sekelela akukondwa, nkaambo Jehova wacita malele, 22#Zek 8:12Mutayoowi, nubanyama bamusokwe, nkaambo mweemvwe wamumabanda wasonsa. Misamu ilajata micelo yayo, mukuyu amusaansa zyoonse zilazyala. 23#Int 28:7; Is 12:2-6; Hab 3:17,18; Zek 10:7; Lev 26:4; Jak 5:7Nubana ba-Zioni, amusekelele akukondelelwa Jehova Leza wanu, nkaambo wamwaabila imvula cakululama, Wamuwisizya imvula, nkukuti imvulantuluka amvula yakusule, mbubonya mbuli kukutaanguna. 24Lino zipolelo zilazula bulotwe, aziyobwedo ziyooata waini amafuta. 25Nkabela njoomuboozezya myaka niicakalya cisozi, adiingo answabanda acamusokonya, impi yangu impati njindakatuma kuzoomulwisya. 26#Mik 6:14Lino kulya muyoolya cakukuta, muyootembaula izina lya-Jehova Leza wanu uwakamucitila malele, nkabela bantu bangu taakwe nibayoousa insoni pe. 27#Lev 26:11; Is 45:5Lino muyooziba kuti mpondi akati kaba-Israyeli, alimwi ndime Jehova Leza wanu, taakwe umbi. Bantu bangu taakwe nibayoousa insoni pe.

Muuya Uusalala mbwazootilwa

28 # Is 44:3; Joh 7:39; Is 54:13; Inc 2:17-21; 21:9 Lino aya aakumana, njootila Muuya wangu abantu boonse, Bana banu balombe abasimbi bayoosinsima, banene banu bayoolota ziloto, abaalumi banu banike bayoobona zilengaano, 29#1 Kor 12:13; Gal 3:28Abalo bazike abacinkombwa njoobatilila Muuya wangu. 30#Mk 13:24Nkabela njootondezya malele mujulu aansi, bulowa amulilo asikunku wabusi. 31#Mt 24:29; Mk 13:24-25; Lk 21:25; Ciy 6:12-13Izuba liyoosanduka kusia, amweezi uyooba bulowa, kabutanasika buzuba bwa-Jehova obo bupati buyoosya, 32#Int 50:15; Jer 33:3; Inc 2:21; 1 Kor 1:2; Is 46:13; 11:11; Ob 1:17; Rom 10:13; 9:27Pele umwi umwi uukomba muzina lya-Jehova uyoofutulwa, nkaambo mucilundu ca-Zioni amu-Jerusalemu muyooba lufutuko, mbubonya mbwaamba Jehova, aakati kabaabo bacisyeede Jehova mbaita.

Currently Selected:

Joeli 2: Ibbaib63

Highlight

Copy