Jobu 39
39
1Sena ulizi ziindi zyampongo zyamumalundu?
Sa wabona mbobazyala bazyazi bazyo?
2Sena ulizi myezi njobajisi mada,
Amwezi ngobeelede kuzyala?
3Balakotama, cizyalilo cilajaluka,
Balalosya bana babo;
4Mbabana bapona, bakomena musokwe,
Batija kufwambaana akutajoka kubutanga.
5Nguni wakacita mbongolo yamusyokwe kuti yaanguluke?
Wakasungulula mbongolo iilaaluno yeempenkane nguni?
6 #
Job 24:5; Jer 2:24; Hos 8:9 Nkwiikala nkundakiicitila zibanda, Azikula,
7Ilanyansya kuyobeka kwamugunzi,
Alimwi tiimvwi koompolola kwamweenzyi.
8Macelelo aayo milundu
Mwiiyandaula coonse cimwemvwe,
9Musune wamusyokwe ulazumina kukubelekela sa?
Ulakala muluba lwako na?
10Sena ulakonzya kumusunga antambo kujamba lyako?
Ulakuhalila myeezi na?
11Ulamusyoma sena nkaambo inguzu zyakwe nzipati,
Kuti akubelekele mumyuunda?
12Sa uyoomusyoma kuti aze kumunzi
Kaleta maila kulubuwa lwako?
13Impye ilavwapauka mukulisumpula,
Pele alaaluse mapepe aayo sena?
14Nkaambo ilasia mai aayo mumavu,
Kuti akasaale akukonkolwa mulusuko,
15Kiilubide kuti kuulu inga kulaapwaya,
Atene munyama inga ulaalyata.
16 #
Lev 26:29; Is 49:15; Jer 19:9; Malo 2:20; Ezk 5:10 Njiinga simoyo muyumu kubana bayo kubaanga tabali bayo;
Tiilipenzyi nekuba kuti mulimo waya ngwabuyo.
17 #
Job 35:11
Nkaambo Leza takwaakiipa maanu;
Wakaiima busongo.
18Pele na kuti yalivundumusya,
Ulanyansya bbiza amutanti walyo,
19Sa ulapa bbiza lyalumamba nguzu nzolijisi,
Na kusamya nsingo yalyo amwaala?
20Sa ulalisotosya mbuli cisozi,
Kalivwitima cabukali?
21 #
Jer 8:6
Lilapala mumweezi cakulidunda,
Kalilangene amasumo.
22Lilanonga kuyoowa, talityompwi;
Taliciji ipanga;
23Intimbwa ilacokola kubbazu lyalyo,
Asumo linaima, apanga,
24Pele, lilaya buvuumuka cabukali,
Kalitaimi akulila kwanyeele.
25Yalila buyo nyeele, lilati, Ha!
Lilanunkuzya lumamba kulaale
Nkobazuma akoompolola bami.
26Sa sikakonze ulaya mujulu
Akubaamina kumusanza mababa aakwe akaambo kabusongo bwako?
27 #
Jer 49:16
Ndijwi lyako sena liulusya nsika
Kuti iyake cikumbilo cayo mumulundu?
28Iŋanda yayo ili mumajeleele malamfu,
Amutwe wamulundu mpakala.
29Ulasompa cakulya cakwe kuzwa kujulu
Ameso aacibona kulaale;
30 #
Mt 24:28; Lk 17:37 Twana twayo tulanywa bulowa;
Nkokujanwa zijayigwa nkukonya nkwiibede.
Currently Selected:
Jobu 39: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
