Jobu 37
37
1Ndilakankama,
Moyo wangu uladuntauka.
2Amuteelele kundindima kwajwi lyakwe,
Mumvwe kukalauka kumilomo yakwe.
3Ulaguluma mujulu lyoonse;
Lulabo lwakwe lulaya kumasimpilo aanyika.
4Munsi lyakulaba kwaba kuzuma;
Ngu-Leza ulandindima mubwami bwakwe; Alimwi tamusyi mvula nilyazuma ijwi lyakwe.
5Leza ulatutondezya zigambya zyakwe;
Ulacita zintu zikankamanisya nzotutakonzyi kumvwa.
6Nkaambo ulalailila caanda kuti ciwide nyika;
Ayalo imvula mpati mbubonya;
7 #
Int 111:2
Imvula ezyo zijalila muntu muŋanda
Kuti bantu boonse bakabone nguzu zyakwe,
8Elyo banyama banjila mumaseenengo aabo,
Akukala mumpako zyabo.
9Myuuwo ilazwa kumusanza,
Ayalo mpeyo kuzwa kunyika.
10Mankaakamba alacitika kukuyoya kwakwe;
Maanzi aakwazeme alazwiimya.
11Ulalemena joba pati acivulamabwe,
Akumwaya ndabo zyakwe kuzwa kumayoba,
12Kaziya kooku akooko bunyonauka mbuli mbwazitozya;
Kazicita ncalailila neciba cili buti
Koonse koonse munyika yakwe,
13Lino kazyuuma alusingo,
Alino kazitumwa muluse.
14Koswiilila, O Jobu. Koima cakuumuna
Akuyeeyesya milimo iigambya ya-Leza,
15Nacita cintu ulizi sena mbwacicita
Mbuli mbwacita lulabo lumunike mumayoba?
16 #
Job 36:4
Sa ulizi makumbi mbwaalengwa,
Ayo atila mvula nyingi nokuyuma?
17Sa ulizi nkaambonzi zyakusama zyako zyakasaazya,
Nabatamika nyika neluyanda kusika luuwo lwakumusanza?
18 #
Matl 1:6; Job 37:11-18 Ulakonzya sena mbuli mbwacita walo,
Kuyala talabalanga lyakujulu kalili liyumu
Mbuli cimboniboni calubulo?
19Undaambile, inga tulatinzi kulinguwe?
Tuyooamba buti amiyeeyo yesu yoomfokede?
20Nsikonzyi kuti ndindulule kujwi lyakwe,
Cita ndazibaanisigwa.
21Bantu tabakonzyi akulangisya mujulu zuba litowa,
Mayoba naamwaikide aluuwo.
22Mumuni uutowa nouzwa kujulu lyakunyika,
Bulemu bwa-Leza bulayoosya.
23 #
Kul 33:20; Mt 11:27; Joh 1:18; Job 36:5; Int 99:4; Jer 10:12; Malo 3:33; Heb 12:10 Singuzuzyoonse tamvwiki kumiyeeyo yesu;
Ulimaninide munguzu, uliluleme mukubeteka,
Tanjilili mulizyeelede muntu,
24 #
Mt 10:28; 11:25 Aboobo bantu balamulemenezya,
Pele talangi abo baliyeeya kuti mbasongo.
Currently Selected:
Jobu 37: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
