Jobu 36
36
Elihu ulatondezya Leza mbwaluleme munzila zyakwe, alimwi milimo yakwe mboyeelede kulumbaizigwa
1Elihu wakatalika alimwi wati,
2Kolindila buniini, njookutondezya
Mbokuli ndeelede kwaambilila Leza,
3Ndilalumba Mulengi wangu,
Akuleta kasimpe kangu kuzwa kumabazu oonse.
4Ncoonzyo, majwi aangu taali aakubeja;
Nguuno uujisi luzibo lumaninide!
5Kolanga, Leza uujisi nguzu zyamubusongo,
Tanyansyi naba omwe buyo,
6Tavuni babi,
Pele ulaiminina babisizigwa;
7 #
Int 113:8
Ulalumbula baluleme
Akubakalika antoomwe abami acuuno cabwami,
Kabasumpukide.
8 #
Int 107:10
Kuti kabaangidwe,
Akusungwa amapenzi,
9Ulabatondezya ncobacitide
Mukulisumpula amukuzanga.
10Ulabacita kuti balayigwe,
Akubaambila kuti basanduke kuzwa kucibi
11 #
Job 11:13-19; Is 1:19; 1 Tim 4:8; Jak 5:5 Kuti kabateelela akulibombya,
Mazuba aabo alaba ciindi cakuliiba;
Balajana myaka iisangalizya.
12Pele, kakutali boobo, balafwa apanga,
Balazimina mubufubafuba bwabo,
13Nkaambo kabatayeeyede Leza mumyoyo yabo, balamunyemena,
Akutalilila lugwasyo na kuti wabajalila,
14Balafwambaana kufwa
Mbuli bantu babisigwa abupilingani.
15Leza ulacita mapenzi kuti avune uupengede;
Akwiinga kuti kumuswiilizye.
16Pele, bulubusi bwako bulikucengede,
Akaambo kakulisenya kutapatidwe,
Akulya kubotu kwakali antafule yako.
17Elyo wajana lutundululo lwababi;
Lukosolo lwa-Leza lwakujatilide,
18Pele lunyemo lwakwe kalutakuciti kuti umukalalile;
Muulo walululamiko kalutakuleesyi.
19Sa buvubi bwako bunga bulakuvuna kakunyina mapenzi?
Neziba nguzu zyoonse nzojisi?
20Utalisumpuli mukuyandaula mapenzi anga alakucita
Kuti mikowa yoonse izimine.
21 #
Heb 11:25
Kocenjela, siila limwi yoonse miyeeyo mibi;
Nkaambo ulaiyanda eyi kwiinda kululamikwa.
22 #
Is 40:13; Rom 11:34; 1 Kor 2:16 Langa, inguzu zya-Leza nzipati,
Nguni muleli uuli mbuli nguwe?
23 #
Dt 32:4
Nguni uunga ulamwiisya ncaelede kucita?
Nguni uunga ulaamba kuti, Wacita citaluleme?
24 #
Int 33:4; Dan 4:37; Jer 9:24; 1 Kor 1:31; 2 Kor 10:17; Ciy 15:3 Utalubi kulumbaizya akaambo kabulengi bwakwe
Bwakacita bantu kuti baimbe,
25 #
Rom 1:19
Bantu boonse mbubayanda kubulanga,
Nekuba kuti tababumvwisisisyi.
26 #
1 Kor 13:12; Int 90:2; Heb 1:12 Leza mupati, tatumwizi mbwabede;
Alimwi kubala myaka yakwe takukonzeki.
27Ulakwela maanzi kuzwa kulwizi,
Akwaaceleka mbuli mvula mulisikunkwe wakwe;
28Elyo imvula iizwa kumakumbi
Ilawida bantu cakuvula.
29Ngwani uuzi mayoba mbwaayalika,
Alimwi Leza mbwazuma kuzwa kulingao?
30Ulalizingulusya amayoba
Akuvumba imitwe yamalundu angao.
31Angao ulasanina mikowa,
Akucita kulya kuti kube ceyo.
32Ulawaala lulabo ajanza litabonyi,
Kalulaya kuti luume mbaakani;
33Kuzuma kulamwaamba,
Kulatondezya kunyema kwakwe kubi.
Currently Selected:
Jobu 36: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
