Jobu 3
3
Intongauko zya-Jobu
1 #
Jer 20:14-18
Elyo Jobu wakajula mulomo wakwe akusinga buzuba mbwaakazyalwa. 2Wakatalika wati,
3 #
Job 10:18,19; Jer 15:10 Bufwidilile buzuba mbundakazyalwa,
Abusiku mbundakategwa, Mulombe,
4Kabusia mbi,
Kumweka kakutabumunikili,
Leza abuleke butabalwi.
5 #
Job 16:16; Int 23:4; Is 9:2; Jer 13:16; Mt 4:16; Lk 1:79 Mudima aluubeube kalubutola;
Mayoba kaakala kulimbubo;
Cizima zuba kacibuyoosya.
6Mudima uusia mbi kaubujata buzuba obo,
Butabalwi amwi amazuba aamwaka,
Kabutajani cilao mumyezi.
7Ii, buzuba obo kabuba citawo,
Kabunyangwa ijwi lyakukondwa.
8 #
Jer 9:17
Basondi kababutukila buzuba obo,
Basondi abo bakonzya kubusya Zoka,
9Inyenyeezi zyakubucedo bwabo kazisia;
Kabuyandaula mumuni akutaujana.
Kabutaboni zikoye zyacifumofumo.
10Nkaambo teebwakandijalila ida,
Na kundisisila meso aangu bupenzi.
11Nkaambonzi nsendakafwa kukuzwa mwida,
Teendakafwidanzi kukuzyalwa?
12Akabedanzi mazwi aakunditambula;
Akaambonzi zyakaliwo nkolo zyakunyonka?
13Nindacilede siko,
Nindakali koona wi,
14Abami abasimutwe banyika
Bakaliyakilide nsaka mpati;
15Abaleli bavubide ngolida,
Bakazuzizye maanda ansiliva.
16Ndatekazikwa mbuli cisowe nkaambonzi,
Mbuli zifuntu zitaboni zuba?
17Oko ba sizibi bamana kupenzya,
Bakataazigwa bali aluumuno.
18Awo baange balalala antoomwe,
Tabamvwi jwi lyasikweenzya;
19Baniini abapati mpobali,
Alimwi muzike ulaangululwa kulisimalelaakwe.
20 #
Jer 20:18
Leza ulapedanzi bapenzegwa mumuni,
Abuumi kubalekede kulangila,
21 #
Ciy 9:6; Tus 2:4 Balilaukila lufu pele talusiki pe;
Balalusida kwiinda lubono lusisidwe;
22Baanga bakondwa kuzikwa
Akukomana kuti kabakonzya kujana kabanda?
23 #
Malo 3:7
Leza ulapedanzi mumuni kumuntu uleenzila iitaboneki
Muntu uuzingulukidwe nguwe?
24Kutweta kwangu ninsima yangu;
Zikulumo zilazwa mulindime mbuli maanzi;
25Eco ncinjoowa cilandiwida,
Cindiyoosya cilandiswenena
26Nsikalwi moyo, nsijani luumuno;
Nsipenguluki pele kupenzegwa buyo.
Currently Selected:
Jobu 3: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
