Jobu 4
4
Elifazi ulasinsa Jobu
1Elyo Elifazi mu-Temani wakaingula wati,
2Sena uyootukalalila kuti katusola kwaamba?
Pele ngwani uunga ulaliiata kuti kataambi?
3Yebo omwini ulilailide banji,
Akuyumya bateteete;
4Majwi aako akajata bantu kuti batawi,
Batuntuma wakabapa inguzu.
5 #
Tus 24:10; Lk 4:23 Lino kuti bwasika bulizi bwako ulateta;
Cakuguma yebo ulawa.
6 #
Job 1:1; Tus 3:26 Lusyomo lwako muli-Leza kalukukotamuna;
Buumi bwako bululeme kabukwiimika.
7Koyeeya, muntunzi uutakwe mulandu wakaiwidilila?
Baluleme mbani bakakukululwa?
8 #
Int 7:14
Mbondibona ime, bantu balatebula bubi mbubalima,
Alimwi amapenzi ngebasyanga;
9Balafwa muluyoyo lwa-Leza,
Kuunga kwakukalala kwakwe kulabasukutya,
10 #
Job 29:17; Int 3:7 Balavu balavuluma,
Ijwi lyamulavu uuyoosya lilatyola meno abana babalavu;
11 #
Int 34:10
Balavu balafwa nkaambo kakubula kulya,
Bana bamulavu muzyazi balamwaisigwa,
12Lino kwakeza kumbali kulindime ijwi,
Kuvwiyavwiya kwalyo kwakasikila kukutwi kwangu.
13 #
Job 33:15
Bantu ciindi nebalyoonena masiku,
Ndakalijisi ziloto;
14Kuyoowa akukankama kwakandijata
Kuti zizo zyangu zyakalebuluka;
15 #
Int 104:4; Mt 14:26; Heb 1:14 Muzimo wakaculuulika kunembo lyangu
Mane ndakafwa maswiswili.
16Ngooyo kauimvwi! Pele teendakaumvwisisya kuti ninzi;
Ciimo eco cakali kunembo lyameso aangu,
Elyo mulubatamo ndakacimvwa kacaamba kuti,
17Kunembo lya-Jehova muntu uufwika inga ulalulama sena?
Sa muntu ulasalala na kubusyu bwa-Mulengi wakwe?
18 #
2 Pet 2:4
Takonzyi kusyoma balanda bakwe,
Abaangelo bakwe ulabajanina milandu;
19Elyo uyeeyanzi kulibaabo babumbwa abulongo,
Bajisi intalisyo zyabulongo,
Bapwaika mbuli pempe,
20Banga balakuntwa mubuzuba bomwe buyo,
Balafwidilila akutayeeyegwa limbi,
21Intali yabuumi bwabo kuti yadunsulwa
Balafwa kabatanajana luzibo.
Currently Selected:
Jobu 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
