Jobu 29
29
Jobu ulalilila kukala kwakwe kubotu kwaciindi
1Elyo Jobu wakaamba alimwi, wati,
2Necali cibotu nokwali mbuli myezi yamana,
Naakaliwo mazuba Leza naakali kundivuna;
3 #
Job 18:6; Int 18:28 Lambe lyakwe nelyakandimunikila,
Nendakeenda mumudima amumuni wakwe;
4 #
Int 25:14; Tus 3:32 Mbuli mbondakabede mukukupuka kwangu,
Leza naakali kusitikila ŋanda yangu;
5Singuzuzyoonse naakacili ambebo,
Abana bangu nebacili ambe;
6 #
Matl 49:11; Dt 32:13; Int 81:16 Malili naka cili ceyo mucisi cangu,
Mafuta naakali kupoomoka kuzwa mucityankilo cangu!
7Nendakali kuya kunkuta,
Akukala mulubuwa,
8Balombe bakandisosolokela,
Abacembeede bakaima;
9Banene bakaleka kwaamba,
Bakaumuna;
10 #
Int 137:6
Bami bakatulumana,
Ijwi lyabo lyakabakacila kwaamba.
11Bantu bakandilongezya nebakandibona;
Abo bakandibona bakazumina bubotu bwangu;
12 #
Int 72:12; Tus 21:13 Nkaambo ndakali kuvuna bacete nebakakumbila,
Abalo bamucaala ababula mugwasyi mbubonya.
13Bayanda kufwa bakali kundipa luleleko lwabo;
Ndakali kucita moyo wamukamufu kuti ukakondwe.
14 #
Int 132:9; Rom 13:14; Ef 6:14 Ndakali kusama cikobela cabululami,
Kululama kwangu kwakali zyakusama angoani yangu.
15 #
My 10:31
Ndakali meso kuboofu,
Ndakali maulu kulibacilema;
16 #
Tus 29:7
Ndakali mbuli wisi kubacete kubavuna;
Nekuba kuti teendakali kubaziba ndakali kweena twaambo twabo.
17Ndakali kutyola myeebo yabataluzi,
Akucita meno aabo kuti alosye ncobakali kulya.
18 #
Int 30:6
Aboobo ndakali kuyeeya kuti,
Ndiyoofwa akati kabana bangu,
Mazuba aangu ayooba mbuli musec;
19 #
Int 1:3; Jer 17:8 Miyanda yangu ilatandabala kuya kumaanzi,
Mume uloona amitabi yangu masiku conse,
20 #
Matl 49:24
Bulemu bupya bulaboola kulindime,
Anguzu zyangu zilakomena.
21Baalumi bakali kundiswiililisya;
Muluumuno bakali kulindila kulaya kwangu;
22Majwi aangu akali kubawida mbuli mvula,
Teebakali kwaamba limbi.
23Mbuli mbobakalangila mpumpaluya ayalo imvula ya-Muyoba, Bakalangila ndime.
24Ndakabamwemwetela nebakali kubula busicamba
Alimwi taakwe wakasandula lukaliko lwabusyu bwangu.
25Ndakalikede mbuli mwami,
Akwaamba nzila njebakeelede kutola;
Ndakali kulailila mbuli mweendelezi walumamba.
Currently Selected:
Jobu 29: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
