Jobu 24
24
1 #
Inc 1:7
Nkaambonzi Singuzuzyoonse tajisi ziindi zyeelede zyakubeteka?
Nkaambo bamucilila nkobataboni kukosola kwakwe?
2 #
Dt 19:14
Bantu babi balagwisya migaano
Akusaala matanga antoomwe abeembeli bao,
3 #
Dt 24:6,10,12,17 Balapozya mbongolo zyabamucaala,
Balabweza mpwizi yamukamufu nkaambo kacikwelete;
4 #
Tus 28:28
Balatanda batajisi bamunyika,
Abacete baleelede kuyuba;
5Abaaba balazunga munkanda mbuli mbongolo zyamusokwe,
Kabayandaula cakulya,
Nkaambo ndisokwe lisanina bana babo.
6Balajana maila mumyuunda masiku,
Akubba masaansa aabavubi.
7 #
Kul 22:26; Dt 24:12; Is 58:7 Busiku boonse baloona zintanda,
Kabatajisi zyakulivumba kumpeyo;
8 #
Malo 4:5
Alimwi balaugwa imvula iizwa kumalundu,
Akulimanikizya kumandomba kuti balisitikilizye,
9Bafwidwa mawisi balakwempwa kuzwa kulukolo;
Bavwanda beni balatolwa kukuliya cikwelete,
10Bamwi baleenda azinswe kabatajisi zyakusama;
Balafwa nzala nebatebwida bamwi,
11Nebatyanka mafuta akati kamaolifa,
Akusina waini kuzwa kumisaansa, balafwa nyota.
12 #
Muk 8:11
Amumagunzi kulamvwigwa kutongela kwabafwa
Akulila kwabayaswa,
Pele Leza talipenzyi amilandu.
13Bamwi balayuba kuzwa kumumuni
Kabatayandi inzila zyanguwo;
Balakaka kweenda mulinzizyo.
14Sikujaya bantu ulabuka kabutanaca,
Kuti ajaye bacete abateteete.
15Liso lyasimamambi lilalindila lubundubundu,
Ulavumba busyu bwakwe kaamba kuti,
Taakwe uuzoondibona!
16 #
Joh 3:20
Sikubba ulaswenenena masiku
Katulula maanda mumudima.
Babbi balayuba isikati
Nkaambo tabayandi mumuni.
17Akati kamasiku nciindi cabo;
Balizibide ziyoosya zyamumudima.
18Balakukulwa akufuta kwamaanzi,
Lubono lwabo lwamunyika lwasingwa,
Taakwe uulyata mumasaansa aabo.
19Lunyonyoolwa adanga akupya,
Akukukulwa acaanda ceenzemukide.
20 #
Tus 10:7
Imbuwa zyamobakazyalilwa zyabaluba;
Izina lyabo taliyeegwi;
Bazyulwa mbuli musamu uubolede,
21Abo bapenzya mukamufu
Akuteengelela bana bakwe.
22Nekubaboobo Leza ulabaleka kabapona, kabajisi nguzu;
Babuka nekuba kuti bakalilekede kulangila buumi.
23Ulabazumizya kuti basyome, akulikwaya;
Ulabalondola.
24 #
Int 37:35,36 Balisumpukide; camana ciindi bayakufwa
Kabaongomezegwa akuceswa mbuli makunka aamaila.
25Ngwani uunga ulacikazya?
Ngwani uukonzya kusinizya kuti ndabeja,
Akutondezya kuti majwi aangu ngabuyo?
Currently Selected:
Jobu 24: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
