Jobu 23
23
Jobu ulayanda kulyaambilila kunembo lya-Leza uuzi inzila zyakwe
1Nkabela Jobu wakaingula, wati,
2Asunu kutongooka kwangu nkwakuzanga;
Munsi lyajanza lyakwe lilemu ndavuluma buyo.
3Nendilizi nkondinga ndamujana,
Kuti ndisike kubbetekelo lyakwe,
4Nendabika kaambo kangu kunembo lyakwe,
Akulizumananina.
5Ndayanda kuziba mbwanga ulandiingula,
Nditeelele ncaelede kwaamba kulindime.
6 #
Job 9:19; Is 27:4 Sena naakundizunda anguzu zyakwe zilemu?
Pe, naakundiswiilila.
7Oko nendakanana anguwe mbuli uutakwe mulandu,
Akululamikilwa kuya kutamani amubetesi wangu.
8 #
Int 10:1; 1 Tim 6:16 Langa, ndaya kunembo, tako,
Ndaya munsi pele nsimuboni;
9Ndamulangaula cabuyo kulumwesi:
Ndasandukila kululyo pele talibonyi.
10 #
Int 17:3; Jak 1:12 Nekubaboobo ulizi mbonjenda;
Kuti kandisunka njoopoleela mbuli ngolida.
11 #
Int 44:18
Ndilitobede mano aakwe afwaafwi,
Nsinaleya kunzila yakwe.
12Nsinapilukide kuzwa kumilazyo yakwe,
Amalailile aakwe alakalilila mumoyo wangu.
13 #
Job 34:29; Muk 3:14; Rom 9:19; Jak 1:17 Pele ngwani uukonzya kumucita kuti as and ule muyeeyo wakwe?
Ulacita coonse ncayanda.
14 #
1 Tes 3:3
Mbombuboobo ulamanizya coonse cindibikilidwe,
Alimwi nkozili zinji zili boobo mumuyeeyo wakwe.
15 #
Int 119:120
Aboobo ndilizulungene kunembo lyakwe;
Nendamuyeeya ndayoowa.
16Nkaambo Leza wandinetusya moyo,
Singuzuzyoonse wandityompya.
17 #
Job 6:9
Ndayoowesegwa akaambo kamudima;
Ndaintizigwa mukusia mbi.
Currently Selected:
Jobu 23: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
