Jobu 2
2
1Alimwi, buzuba bumwi, baangelo bakaboola kunembo lya-Leza kulitondezya, alakwe Saatani wakeza. 2Jehova wakati kuli-Saatani, Wazwa kuli? Saatani wakavuwa wati, Ndakali kweendeenda munyika nkenzelengana koonse koonse. 3#Job 27:5,6; Jak 1:12; 1 Pet 1:7; Matl 22:1; Mt 7:11; Joh 9:2Elyo Jehova wakaamba kuli-Saatani wati, Sena wakabona muntu wangu Jobu kuti taakwe muntu uuli mbuli nguwe munyika, muntu uutakwe mulandu, uululeme; uulemekezya Leza akucija bubi? Ucisyomekede nekuba kuti wakandilengawida kuti ndimunyonyoone. 4Pele Saatani wakaingula wati, Wakalivuna lukanda lwakwe mwini! Muntu uyakupa zyoonse kuti akabe abuumi bwakwe mwini. 5#Job 19:20; Int 32:3,4Pele kuti kotambika janza lyako akuguma nyama azifuwa zyakwe uzookusinga kubusyu bwako! 6Aboobo Jehova wakati kuli-Saatani, Mbubo uli munguzu zyako; pele buumi bwakwe kabulekwa. 7Elyo Saatani wakazwa kunembo lya-Leza, wakacita Jobu kuti azwe zilonda kuzwa kumaulu kusikila kukatwikilo, 8#2 Sam 13:19; Job 42:6; Mt 11:21mane wakabweza lukaye kuti alikwaambe. Kacikede acibbunta, 9#Matl 3:6; 2 Bam 6:33; Mal 3:14; Job 21:15banakwe bakati kulinguwe, Ucisyoma na? Mutukile Leza kuti ufwe! 10#2 Sam 19:28; Job 1:21; Malo 3:38-41; Joh 18:11; Rom 12:12; Heb 12:9-11; Int 39:1; Jak 1:12Pele wakamwaambila kuti, Ulaamba mbuli mufubafuba. Sena tatweelede kutambula bubotu kujanza lya-Leza abubi? Kuli zeezi zyoonse Jobu takwaakabija amilomo yakwe.
Beenzinyina botatwe baboola kuti bayeemune anguwe
11 #
Matl 36:11; Jer 49:7; Matl 25:2; Job 42:11; Rom 12:15 Lino bazwalani botatwe ba-Jobu nebakamvwa mapenzi aakamuwidide, bakeza umwi aumwi kuzwa kumunzi wakwe, Elifazi waku-Temani, Bilidadi waku-Suwa alimwi a-Zofari waku-Naama; bakalibambila kuti bainke kuyoomulizya akumuumbulizya. 12#Neh 9:1; Malo 2:10Pele nebakamubona kulaale akutamuziba, bakalila kapati; boonse bakazapaula zikobela zyabo akulilundumwida kasuko mitwe. 13#Matl 50:12Mazuba amasiku aakali musanu mwaabili bakakala ansi anguwe; katakwe wakaamba jwi kulinguwe, nkaambo bakabona kuti wakali kuciswa kapati mumoyo.
Currently Selected:
Jobu 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
