Jobu 1
1
Jobu ulanyonyoonwa akutepaulwa kuti atame Leza
1 #
Matl 22:20; Jak 5:11; Matl 6:9; Tus 8:13; 1 Pet 3:11 Kaindi kwakali muntu munyika iitegwa Uzi, izina lyakwe wakali Jobu; wakali muntu uutakwe mulandu, uululeme; wakali kulemeka Leza akweeleba bubi. 2Wakalijisi bana balombe bali musanu ababili abana basimbi botatwe; 3alimwi wakali ambelele zyakali zyuulu zili musanu azibili, ankamele zyakali zyuulu zyotatwe, acuulu cabasune, anzyazi mbongolo zyakali myaanda yosanwe antoomwe ababeleki abazike banji; nkaambo oyo muntu wakali mupati kwiinda boonse bakali mumanyika aakujwe. 4Bana basankwa bakwe bakali kupobola antoomwe umwi aumwi kababamba bamwi mumalizi; alimwi bakali kutamba bacizi babo botatwe kuti bakalye akunywa ambabo. 5#Matl 8:20; Job 42:8; 2 Kor 11:2; 1 Bam 21:10,13Elyo nocakamana ciindi cakupobola cimwi acimwi, Jobu waka: tuma kuti baboole akusalazigwa, kafuma, kabacitila umwi aumwi cipaizyo cuumpe; nkaambo Jobu wakati, Atene bana bangu balibijide akusowelezya Leza mumyoyo yabo. Lyoonse Jobu wakali kucita boobo.
6 #
Matl 6:2; Job 2:1; 38:7; Dan 7:10; 1 Mak 21:1; Ciy 12:9 Bumwi buzuba baangelo bakeza kulimanala kunembo lya-Jehova, awalo Saatani wakaboola ambabo. 7#Mt 12:43; 1 Pet 5:8Jehova wakaamba kuli-Saatani kuti, Wali kuli? Saatani wakavuwa wati, Ndali kuzungazunga koonse koonse, nkenjendeenda munyika. 8Elyo Jehova wakati kuli-Saatani, Sena wakabona kuti taakwe muntu munyika uuli mbuli muntu wangu Jobu, muntu uutakwe mulandu, uululeme, uulemeka Leza akuyoowa cibi? 9#Ciy 12:10Saatani wakavuwa Jehova wati, Taakwe kaambo sena Jobu nkalemekela Leza? 10#Matl 15:1; Int 34:7; Is 5:2; Int 128:1Teewakamuyakilide kabotu, walo abaŋanda bakwe azyoonse nzyajisi? Wakamukupusya mumulimo wakwe, alimwi matanga aakwe avula munyika. 11Pele, kuti kotambika janza lyako akuguma ncajisi uzookusinga kubusyu bwako! 12Elyo Jehova wakamwaambila Saatani wati, Mbubo ndabika zyoonse nzyajisi munguzu zyako; pele utabiki janza kulinguwe mwini. Aboobo Saatani wakazwa kubusyu bwa-Jehova.
13 #
Muk 9:12; Lk 12:19,20 Buzuba bumwi bana balombe abasimbi bakali kukulya akunywa waini muŋanda yamupati wabo, 14sikutumwa wakaboola akumwaambila Jobu kuti, Basune bakali kulima, ambongolo zyakali kucela afwiifwi, 15#Matl 10:7Ba-Seba nibakavuumukila akuzitola; bakajaya basimilimo, ndime endike ndayokoka kuti nkwaambile. 16Wakacili kwaamba naakasika umwi wati, Lulabo lwakawa kujulu akuumpilila limwi mbelele abeembeli; ndime endike ndafutuka kuti nkwaambile. 17Kacaamba, umwi wakaboola wakati, Ba-Kasidi bakalicita nkamu zyotatwe kuti bafumpe nkamele; bakazitola, akujaya babeleki; ndime endike ndasyaala nkwaambile. 18Wakacili kucaamba naakeza aumwi wati, Bana balombe abasimbi bako bakali kukulya akunywa waini muŋanda yamupati wabo, 19nokakaboola kambizi kakazwa munkanda kakauma zyooko zyone zyaŋanda nkabela yakabawida bana; balifwide, ndime endilike ndafutuka kuti ndikwaambile. 20#Dt 9:18; Mt 26:39; 1 Pet 5:6Elyo Jobu wakanyamuka, wazapaula cikobela cakwe, wakalinyoola akuwida ansi kakomba cakulibombya, wakati, 21#Jak 1:17; Matl 45:5; Am 3:6; Ef 5:20Ndakazwa mwida lyabaama ndili acinswe, ndilajokela mumo nkendi ecinswe. Jehova wakapa, Jehova wanyanga-kalumbwa Jehova! 22Mulizyoonse ezi Jobu takwaakabija, takwaakakolomena Leza.
Currently Selected:
Jobu 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
