Johane 12

Maliya mbwaakananika fesu

(Matayo 26:6-13; Marko 14:3-9)

1 # Mt 26:6-13; Mk 14:3-9 # Joh 11:1,43 Kwakalisyeede mazuba aali musanu mubumwi Pasika katanasika, elyo Jesu wakeza ku-Betaniya, ukwali Lazaro oyo ngwaakabusya Jesu kukufwa. 2#Lk 10:40Aboobo bakamujikila cilalilo, walo Mana ngowakali kubapa zyakulya, pele Lazaro wali umwi wabaabo abali kukede akulya awalo, 3#Lk 7:38Nkabela Maliya wakabweza nsazi yamafuta aanunka kabotu, aadulisya kwiindilila, wakananika matende aa-Jesu, wakasyobya susu lyakwe kumatende aakwe. Elyo muŋanda mwakazyula bwema bwamafuta ayo. 4Pele Judase Iskariote, umwi wabasikwiiya bakwe, uwakaakumwaaba wakati, 5Ino mafuta aya aba anzi naataulwa mpondo izili kumi, kuti mali apegwe bacete? 6#Lk 8:3Obuya mbwaakaamba tokwakali kuti uyeeya bacete, pele kuti wali mubbi, mbwaali ngonguwe uuyobola nkomo yamali, wakali kugwisya aabikwa mumo. 7Mpoonya Jesu wakati, Amumuleke, alibambile buzuba bwakuzikwa kwangu, 8#Dt 15:11Nkaambo bacete muli abalo lyoonse, pele mebo pe, tamuli amebo lyoonse.

Jesu mbwaakanjila mu-Jerusalemu

(Matayo 21:1-11; Marko 11:1-10; Luka 19:29-38)

9Eno nkamu mpati yaba-Juda bakamvwa kuti Jesu nkwali, Bakeza, tabakazidilide Jesu walo, pele kubona awalo Lazaro ngwaakabusya kukufwa, 10Pele bapaizi bapati bakakanza kujaya Lazaro awalo, 11nkaambo ba-Juda banji bakasyoma Jesu nkaambo kakwe.

12 # Mt 21:1-11; Mk 11:1-10; Lk 19:29-40 Nobwakaca makamu mapati aabantu aakazide kupobwe, nobakamvwa kuti Jesu uleza ku-Jerusalemu, 13#Int 118:25,26bakatola mitabi yatumvuma, bakainka kuyoomucinga, bakoompolola kuti,

Hosana:

Uli acoolwe uuboola muzina lya-Jehova,

Nguwenya ngo-Mwami waba-Israyeli,

14 # Zek 9:9 Jesu naakajana kambongolo, wakatanta mpawo, mbuli mbokulembedwe kuti,

Utayoowi, omwana musimbi wa-Zioni,

15Bona, Mwami wako uleza,

Ulitantide amwana ambongolo,

16 # Joh 7:39 Makani aya basikwiiya bakwe tabakaamvwide kusaanguna, pele Jesu naakalemezegwa, bakayeeya kuti majwi ayo aakalembwa aamba nguwe, alimwi kuti bamucitila zintu ezi nzizyonya. 17Mpoonya awo makamu aabantu abakali awalo naakaita Lazaro mucuumbwe akumubusya kulibafwide, bakaba bakamboni. 18Alimwi nkakaambo aka nkobakamwiinkila bantu banji kuyoomucinga, nkaambo bakamvwa malele aya ngaakacita. 19#Joh 11:48Nkabela ba-Farisi bakalyaambauzya beni bakati, Ino mumane uli? Kamulanga, ede inyika yoonse yamucilila.

Ba-Helene mbobakayanda kubona Jesu. Mumuni wenyika

20 # Joh 7:35; 11:55 Eno kwakali ba-Helene bamwi akati kabaabo abali kuya kukukomba kupobwe, 21#Joh 1:44; Lk 19:3; 23:8aba bakeza kuli-Fili po, waku-Betsaida uwaku-Galilaya, bakamukumbila kuti, O mwami, tuyanda kubona Jesu, 22Filipo wakainka, waakwaambila Andreya, Andreya baakuboola a-Filipo, bamwaambila Jesu, 23Walo Jesu wakabavuwa wakati, Ciindi casika ncati lemezegwe Mwana a-Muntu. 24#Rom 14:9; 1 Kor 15:36Ncobeni ndamwaambila kasimpe, Kuti nseke yabulotwe yatawida mwivu, akufwida mumo, inookede buyo ilike, pele kuti yafwa, ilazyala zilyo Zinji. 25#Mt 10:39; Lk 14:26; 17:33Oyo uuyandisya buumi bwakwe ulabusweekelwa, awalo uusulide buumi bwakwe ansi ano, uyoobuyobola kubuumi ubutamani. 26#Joh 14:3; 17:24Muntu uuli buti uundibelekela andicilile, eno nkwembede mebo, awalo simulimo wangu uyooba nkuko. Muntu uundibelekela awalo Taata uyoomulemeka, 27#Int 6:3; 42:5; Mt 26:38Eno muuya wangu ulipengede, nandilatinzi? Taata, undivune kuciindi cino. Nokuboobo, ncendazida kuciindi cino. 28#Joh 1:51; 5:37; Mt 3:17; 17:5Taata, lemya zina lyako. Mpoonya awo kwakazwa ijwi kujulu ilyakati, Ndalilemya kale, ndiyoolilemya alimwi. 29#Lk 22:43Bantu abakali kwiimvwi mpawo abakamvwa ijwi eli, bakaamba kuti, Lyazuma. Bamwi bati, Angelo waamba awalo. 30#Joh 11:42Jesu wakavuwa wakati, Eli jwi talizidide ndime, lyazida ndinywe. 31#Joh 14:30; 16:11; Lk 10:18Eno inyika ino ilabetekwa, eno mwami wenyika ino uyootandwa. 32#Joh 8:28Mebo kuti ndasumpulwa kuzwa ansi, ndilakwela bantu boonse kulindime. 33Pele obuya mbwaakaamba, wakatondezya lufu ndwati kafwe. 34#Int 110:4; Is 9:7; Dan 7:14Mpoonya bantu bakamuvuwa bakati, Tulimvwide mumulao kuti Kristo unookede lyoonse, eno yebo uamba buti kuti Mwana a-Muntu ulyeelede kusumpulwa? Ino Mwana a-Muntu nguni? 35#Joh 8:12; 9:5; 11:10Nkaambo kaako Jesu wakabaambila kuti, Mumuni ucikede anywebo kaindi kaniini buyo. Kamweenda nomuci amumuni, kuti mudima utamweenzyi; uuenda mumudima tezi nkwaya.

36 # Ef 5:8; Mt 23:39 Nomucijisi mumuni amusyome mumuni, kuti muzoobe bana bamumuni.

Jesu naakaamba aya makani, mpoonya wakainka wakalisisa kulimbabo.

37Pele nokuboobo nacita malele manjimanji kubusyu bwabo, tabamusyomi,

38 # Is 53:1; Rom 10:16 kuti ijwi lya-Isaya musinsimi lizyulile ndyaakaamba kuti,

Jehova, nguni uwakasyoma makani ngotwakaamba?

Nguni uwakatondezegwa kuboko kwa-Jehova?

39 # Is 6:9,10; Mt 13:14,15 Nkakaambo aka ncobatali kusyoma, mbuli mbwaakaamba alimwi Isaya kuti,

40Wakoofwaazya meso aabo, wakayumya myoyo yabo,

Kuti bataboni ameso aabo, batamvwi mumyoyo yabo,

Batasanduki,

Kuti nkabaponye.

41 # Is 6:1 Isaya wakaamba obo nkaambo wakabona bulemu bwakwe, wali kwaamba aanguwe. 42#Joh 7:48; 9:22Nokuboobo abeendelezi banjibanji bakasyoma nguwe, pele nkaambo kaba-Farisi tabali kulyaamba, kuti batatandwi mucikombelo. 43#Joh 5:44Nkaambo bali kuyanda kulumbaizigwa bantu kwiinda kulumbaizigwa Leza.

44 # Mt 10:40 Jesu wakoompolola wakati, Oyo uundisyoma, tasyomi ndime, pele wasyoma nguwe uwakandituma. 45#Joh 14:9Awalo uundibona, ubona nguwe uwaku-ndituma, 46#Joh 8:12; 12:35Ndeza ansi ndi mumuni, kuti umwi umwi uundisyoma atakali mumudima. 47#Joh 3:17; 8:15; Lk 9:56Anooli uumvwa majwi aangu, pele taabambi, nsimubeteki pe, nkaambo nsizide kubeteka nyika, pele kunununa nyika. 48#Heb 4:12; Ciy 19:15Oyo uundikaka, akutatambula majwi aangu, ulijisi uumubeteka, ijwi ndendakali kwaamba, ndendilyo iliti kamubeteke mubuzuba bwakumamanino. 49Nkaambo nsilyaambilide ndemwini, pele Taata uwakandituma, nguwakandilailila mbwenjeelede kwaamba ambwenjeelede kukanana, 50#Joh 8:26,28Alimwi ndilizi kuti kulailila kwakwe mbobuumi ubutamani, nkaambo kaako makani ngenamba, ndaamba mbubonya mbwaakandyaambila Taata.

Currently Selected:

Johane 12: Ibbaib63

Highlight

Copy