Johane 11

Mbwaakabusya Lazaro kuzwa kukufwa

1 # Lk 10:38-39 Eno ku-Betaniya kumunzi waba-Mariya a-Marta mwanaakwabo, kwakali kuciswa muntu uutegwa Lazaro. 2#Joh 12:3Oyu ngu-Mariya ngu wenya uwakananika Mwami mafuta aanunka kabotu, akusyobya susu lyakwe kumatende aa-Jesu, ngowakali amucizi oyo Lazaro uwali kuciswa. 3Nkaambo kaako abo bacizi bakwe bakatuma kulinguwe bakati, O mwami, langa, oyo ngoyanda ulaciswa. 4#Joh 9:3Elyo Jesu naakamvwa obo wakati, Bulwazi obu tabuli bwalufu lwamuntu, pele mbwakulemeka Leza, kuti Mwana a-Leza alemezegwe ambubo. 5Eno Jesu wakali kuyanda Maata, amwanaakwabo, awalo Lazaro. 6Aboobo naakamvwa kuti ulaciswa, wakacilikede mazuba obile mpoonya awo mpaakali kubede. 7Naakamana aya mazuba wakabaambila basikwiiya bakwe kuti, Atubweede ku-Judaya. 8#Dt 15:11; Joh 8:59; 10:31Basikwiiya bakwe bakamwaambila kuti, Rabi, ba-Juda eneeno bazwa akuyanda kukufusa mabwe, sena ubweeda alimwi nkukonya? 9#Joh 9:4,5; 1 Joh 2:10Jesu wakavuwa wakati, Sena tazili ziindi izili kumi muzibili mubuzuba? Muntu anooenda isikati talifumpuli, nkaambo ulabona mumuni wenyika eyi, 10#Joh 12:35; 1 Joh 2:11Pele muntu anooenda masiku, ulalifumpula nkaambo tamukwe mumuni mulinguwe. 11#Mt 9:24; Lk 8:52Ngaaya ngaakaamba, nkabela munsi lyakooko wakabaambila kuti, Mulongweesu Lazaro uloona, pele ndainka mebo nkamusinsimune, 12Ncobakamwaambila basikwiiya kuti, Mwami, anooli uloona, uyoopona. 13Nokubaboobo Jesu wali kwaamba lufu lwakwe, pele balo bali kweezeezya kuti uamba kulyokezya kwaŋonzi. 14Nkabela Jesu wakabapandulwida kuti, Lazaro wazaya, 15#Zek 9:9Kwalo ndabosya kutabako nkaambo kanu, kuti muzuminisye, nokubaboobo katuya kulinguwe, 16#Mk 10:32; 14:31Nkaambo kaako Tomaso, uutegwa ngwamayanga, wakabaambila basikwiiyanyina kuti, Atweende aswebo, tukafwe awe.

17Elyo Jesu naakasika, wakajana kuti uzikidwe kale mazuba one, 18Eno Betaniya kwakali kufwaafwi aku-Jerusalemu, kubaanga bamaile bobile, 19aba-Juda banjibanji bakali kusikide kuli-Marta a-Mariya, kuzoobakazika myoyo aalufu lwamwanaakwabo, 20Mpoonya Maata, naakamvwa kuti Jesu uleza, wakainka kuyoomucinga, pele Maliya wali kucikede muŋanda. 21#Joh 3:32Nkabela Maata wakaambila Jesu kuti, O mwami, kuti nowakali kokuno, mwanaakwesu naatakafwa. 22Aneeno ndilizi kuti kufumbwa ncokumbila kuli-Leza, inga Leza ulakupa ncico, 23Jesu wakamwaambila kuti, Mwanaakwanu ulabuka. 24#Joh 5:29; 6:40; Lk 14:14Maata wakamwaambila kuti, Ndilizi kuti uyoobuka mubuzuba bwakubuka bwakumamanino, 25Jesu wakamwaambila kuti, Ndime kubuka abuumi, Oyo uusyoma ndime, naanooli wakafwa, unooli muumi, 26#Joh 5:24; 8:51naba uli buti muumi uusyoma ndime, takooyoofwa pe. Wazumina obo na? 27#Joh 6:69Wakamwaambila kuti, Ii, Mwami, ndazumina kuti nduwe Kristo, Mwana a-Leza, nguwenya oyo uutegwa uleza muno munyika, 28Naakaamba obo wakainka, waakwiita Maliya mwanaakwabo kumbali wati, Mufundisi mpali, ulakwiita. 29Awalo naakamvwa obo, wakanyamuka cakufwamba, wakainka kulinguwe. 30#Joh 11:20(Jesu walo taakalinanjila mumunzi, wakacili kwiimvwi nkukonya oko nkwaakamucingila Maata.) 31Eno ba-Juda mbaakali abo muŋanda, abali kumukazika moyo, nobakabona Maliya mbwaakafwambaana kuzwa anze, bakamucilila, bacita anga uya kucuumbwe kuyoolilila nkuko. 32#Joh 11:21Mpoonya awo Maliya, naakasika oko ukwali Jesu, naakamubona, wakawida ansi kumatende aakwe wakati, O mwami, nowakali kokuno, mwanaakwesu naatakafwa. 33#Joh 13:21Eno Jesu naakamubona ulalila, abalo ba-Juda abakali kumucilide balalila, moyo wakwe wakalenda, wakeetela, 34wakati, Ino nkuli nkomwakamuzikila? Bakamwaambila kuti, O mwami, koboola ubone. 35#Lk 19:41Jesu wakalila. 36Aba-Juda neebakaambila kuti, Amubone mbwaali kumuyanda. 37Pele bamwi babo bakati, Kai oyu nguwakabonya meso aamoofu, sena takakonzya kucita oyu muntu kuti atafwi? 38#Is 53:1; Mt 27:60Nkaambo kaako moyo wa-Jesu wakalenda alimwi, wasika kucuumbwe. Eno yakali mpangala iisinkidwe ebbwe. 39#Joh 20:1Jesu wakati, Amugwisye bbwe, Maata, mwanaakwabo uwakafwa, wakamwaambila kuti, O mwami, kuciindi cino ulanunka, nkaambo ulifwide mazuba one. 40#Is 6:10; Joh 4:23,25,26Jesu wakamwaambila kuti, Sena nsikwe nendakwaambila kuti, Na wasyoma ulabona bulemu bwa-Leza? 41Mpoonya bakagwisya bbwe. Nkabela Jesu wakalanga kujulu wakati, Taata, ndakulumba nkaambo kakuti wandimvwa. 42#Joh 12:30Kwalo ndali kuzi kuti ulandimvwa lyoonse, pele ndaamba obo nkaambo kamakamu aandizingulukide, kuti bazumine kuti nduwe owakandituma. 43Naakamana kwaamba obo, wakoompolola ejwi pati kuti, Lazaro, kozwa omo. 44Mpoonya oyo uwakafwide wakazwa, ulizambaidwe kumaboko akumaulu ezisani zyakuzikwa azyalo, ulaangidwe isila kubusyu. Jesu wakabaambila kuti, Amumwaangunune, mumuleke aende.

45 # Lk 16:31; Joh 10:42; 12:42 Nkaambo kaako ba-Juda banji, abakazide kuli-Mariya akubona ncaakacita Jesu, bakasyoma nguwe. 46Pele bamwi bambabo bakainka kuba-Farisi kuyoobaambila ncaakacita Jesu.

47Elyo bapaizi bapati aba-Farisi bakabunganya babetesi bakati, Tucite buyani? Nkaambo muntu oyu ulacita malele manji. 48Kuti twamuleka buyo, boonse balasyoma nguwe, abalo ba-Roma balasika bazootunyanga busena bwesu amusyobo wesu. 49Pele umwi wambabo, uutegwa Kayafa, mbwaakali mupaizi mupati kulooyo mwaaka, wakabaambila kuti, Tamukwe ncomuzi, 50#Joh 18:14nokuba kweezeezya kuti ncibotu kulindinywe kuti muntu omwe afwide bantu, kuti musyobo woonse utafwidilili. 51#Matl 50:20; Kul 28:30; My 27:21Eno eci ncaakaamba, takalyaambilide lwakwe mwini, pele mbwaali mupaizi kulooyo mwaaka, wakasinsima kuti, Jesu uyoofwida musyobo oyo, 52#Joh 10:16; 1 Joh 2:2; Mt 12:30alimwi tuuli musyobo oyo walo, pele kuti akabunganye antoomwe boonse bana ba-Leza abamwaikide. 53Nkaambo kaako kuzwida buzuba obo bakakanza kuyoomujaya.

54Nkaambo kaako Jesu takacili kweendeenda antangalala akati kaba-Juda, pele wakaakuzwa oko wakainka kucisi icibambene ankanda, kumunzi uutegwa Efraimu, wakakala nkuko abasikwiiya bakwe, 55#2 Mak 30:17; Mk 10:32; Inc 21:24,26Eno Pasika waba-Juda wakali afwaafwi, Bantu banji abakazwa muzisi bainka ku-Jerusalemu kuti bukalisalazye, Pasika katanasika, 56Aboobo bakamuyandaula Jesu, bakali kwaambaula umwi amweenzinyina nebakali kwiimvwi muntempele bakati, Ino mweezeezya buti? Sena takoozoosika kupobwe? 57Eno bapaizi bapati aba-Farisi bakalailila kuti, anooli kuli muntu uumubwene nkwabede, atwaambile kuti tukamujate.

Currently Selected:

Johane 11: Ibbaib63

Highlight

Copy