Jeremiya 4
4
1 #
Joel 2:12
Na wayanda kuboola, O Israyeli, mbwaamba Jehova, boola kulindime. Na wazumina kugwisya zisesemyo zyako kubusyu bwangu, na waleka kutamauka, 2#Dt 10:20; Gal 3:8; Is 45:23; 48:1; 45:25; 1 Kor 1:31#Tit 1:16na kukonka kwako kwakuti “Jehova mbwali muumi” nkwalusinizyo akwalubeta akwabululami, elyo bamasi bayoojana coolwe mulinguwe akumutembaula. 3#Hos 10:12; Mt 13:7#2 Mak 16:9; Is 1:5; Jer 7:28; Zef 3:2Nkaambo mbuboobu Jehova mbwaambila bantu ba-Juda abaku-Jerusalemu. Amulipandile cipande canu, mutabyali akati kamamvwa. 4#Dt 10:16; Kol 2:11; Zef 2:2#Jer 8:7Amulipalule kuli-Jehova akugwisya lulomo lwamyoyo yanu, nubantu ba-Juda anywebo nomukede mu-Jerusalemu, nkaambo, mwatacita obo, bukali bwangu buyoobuka mbuli mulilo uutenta uutakwe muntu wakuuzimya, nkaambo kabubi bwamilimo yanu.
Mapenzi aati sikile ba-Juda
5 #
Mik 3:1; Int 2:3 Amukambauke mucisi ca-Juda akulwiida Jerusalemu makani. Amwaambe kuti, Amulizye mweembo moonse munyika, amoonzomoke, mwaambe kuti, Amuyoboloke, tunjile muminzi iizyungulukidwe mabaya. 6#Jer 1:13#Jer 4:7; Hab 1:8; Hos 13:7Amusumpwide Zioni citondezyo. Amucije, mutaimi pe, nkaambo kuzwa kulubazu lwakunyika njooleta mapenzi alunyonyooko lupati. 7#Dan 7:4#Jos 23:7; Jer 12:16; Am 8:14; Gal 4:8; Dt 32:15Kwanyamuka mulavu kuzwa kulusaka lwakwe, kwainka sikunyonyoona zisi kuzwa kubusena bwakwe. Uyoosaala nyika yako, aminzi yako iyooba matongo aabula bantu bakede mumo. 8#Is 22:12#Ezk 22:11; 2 Sam 11:2-4; Jer 13:27Nkaambo kako amusame zisani zyamasaka, mulile akoomoka, nkaambo bukali buyoosya bwa-Jehova tabuna kutuleka.
9 #
Is 1:24; Jer 44:22; Ezk 7:9 Lino mubuzuba obo, mbwaamba Jehova, moyo wamwami amyoyo yabasinkuta bakwe yoonse iyoolengauka; abalo bapaizi bayoogamba, abasinsimi bayookankama. 10#Is 63:17; Ezk 14:9; 2 Tes 2:11#Jer 39:8Mpoonya awo ndakati, Akaka Mwami Jehova! Ncobeni bantu aba a-Jerusalemu wabeena kumajwi aakuti, Muyoojana luumuno, anukuti ipanga lilabakataazya akusika akumyoyo yabo.
11 #
Is 27:8; Jer 51:1; Ezk 17:10; Hos 13:5 #
Jer 3:20
Kuciindi eco bantu aba a-Jerusalemu bayooambilwa kuti, Kwaunga muuwo uupisya uuzwa kulibalubulansuki bamunkanda, ulaungila mwana musimbi wabantu ba ngu. Tuuli muuwo wakupupulula nuuba wakusalazya pe. 12#2 Mak 36:16; Is 28:15; Jer 14:13Muuwo uundisikila muyumu kwiinda muuwo wamilimo iili boobo. Ndime ndasika kuzoobetekana abo. 13#Is 5:28; Dt 28:49; Malo 4:19; Hos 8:1; Hab 1:8Amubone! Uleza mbuli mayoba, ankalaki zyakwe zili mbuli kambizi. Imbizi zyakwe zili aluno kwiinda basikwaze. Maawe! Twapenga! Twanyonyoonwa! 14#Is 1:16; Jak 4:8#Jer 1:9; Hos 6:5; Ciy 11:5Salazya bubi bwamoyo wako, O Jerusalemu, kuti ufutulwe, Miyeeyo mibi ilaleka lili kukala mulinduwe? 15#Jer 8:16#Dt 28:49; Is 5:26; Jer 1:15; Is 39:3Nkaambo ijwi nkulili lilungulula makani kuzwa ku-Dani, lisinsima mapenzi kuzwa kucilundu ca-Efraimu. 16#Jer 5:15Amucenjezye bamasi kuti uleza. Amulwiide Jerusalemu makani. Kwasika basikusinkinizya kuzwa kunyika iili kule! Balangwalamunina minzi yacisi ca-Juda! 17#2 Bam 25:1#Lev 26:16; Dt 28:31; Bab 6:3,4Balamuzinguluka koonse koonse mbubonya mbuli bantu balindila myuunda, nkaambo kakuti wapapila ndime, mbwaamba Jehova. 18#Job 20:6-11; Int 107:17; Tus 1:31; Is 50:1; Jer 2:17Inzila zyako amilimo yako nzezyakuletela mapenzi aya. Ngengao mapenzi ngewabikilwa! Alalula luu! Alasika akumoyo wako!
19 #
Is 16:11; Lk 19:41,42 #
Dt 29:24; 28:48; 1 Bam 9:8; Jer 13:22 Maawe! Maawe! Bwapya bula! Ndamvwa kucisa mukati kamoyo wangu! Moyo wangu ulakankama, nsikonzyi kuumuna, nkaambo ndimvwide ijwi lyamweembo, cicenjezyo cankondo! 20#Int 42:7; Jer 10:20Luumo lulasika atala lyaluumonyina, nkaambo nyika yoonse ilisaalidwe. Boongomoka kundijayila itente lyangu, azisitilizyo zyangu zyafwamba kudeluulwa. 21Nkaleke lili kubona indembela akumvwa ijwi lyamweembo? 22#Rom 1:22; 16:19; 1 Kor 14:20Nkaambo bantu bangu bafubaala, tabazi ndime, Mbana bamazinzili, tabajisi busongo, Kucita bubi balicenjede loko, pele kucita bubotu tabakubwene pe.
23 #
Is 24:19; Matl 1:2 Ndakabona nyika, nkabela yakalipilingene akubula zintu, alyalo ijulu kalitajisi mumuni. 24#Ezk 38:20Ndakabona zilundu nkabela zyakali kukankama, atulundulundu toonse twakali kuzungaana-zungaana. 25#Zef 1:3Ndakabona kuti taakwe muntu, abalo bayuni bakujulu boonse bauluka. 26Ndakabona kuti nyika yambolezi yaba inkanda, aminzi yayo yoonse yamwaika kubusyu bwaJehova nkaambo kabukali bwakwe buyoosya. 27#Jer 5:10Nkaambo mbuboobu mbwaamba Jehova, Nyika yoonse iyoosaalwa, nekubaboobo nsikooyooimaninizya. 28#Is 33:9; 50:3; Jer 12:4; Hos 4:3; My 23:19Nkaambo kako nyika iyoolila, akoonse kujulu kuyoosia mbi. Mbuboobo mbundakaamba, mbundakakanza, nkabela nsina kweempwa, nsikooyooleka makani pe.
29 #
2 Bam 25:4
Limvwigwe buyo ijwi lyabasimbizi alyabasimata, bantu boonse baminzi bacija. Balanjila mulusaka akutanta mumpangala. Minzi yoonse ilisiidwe, taakwe muntu uukala mulinjiyo. 30#2 Bam 9:30; Malo 1:2,19Lino uwe oosiidwe, ulacitanzi? Cilagwasya buti kusama zikobela zisalala pyu, akulisakatizya zisakatilo zyangolida, akulamba meso aako acisila? Kulibotya kwako nkwabuyo, nkaambo basimamambe bako bakusampaula, balayanda kukujaya. 31#Is 1:15; Malo 1:17Nkaambo ndimvwide ijwi mbuli ijwi lyamwanakazi uutumbuka, mbuli kupenga kwayooyo uuzyala mwanaakwe mutaanzi, Ndijwi lyamwana musimbi wa-Zioni ulafweketa akutandabika maanza aakwe. Maawe kulindime! Ndawizuka kunembo lyabasikujaya.
Currently Selected:
Jeremiya 4: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
