Jeremiya 3

1 # Dt 24:4; Hos 14:1,2; Jer 2:20; 4:1; Zek 1:3; Lk 15:16,24 Na muntu walekana amukaakwe, elyo wazwa kulinguwe akukwatwa kumbi, sa ulakonzya kumupilusya alimwi? Sa mwanakazi uuli boobo tasofwaazigwi loko? Lino webo wakali kuya buvuula abasimamambe banji, Sa ulayeeya kuboola kulindime alimwi? 2#Dt 12:2; Matl 38:14; Tus 23:28Lanzya meso aako kulibalubulansuki, ukabone. Sa kuli busena nibuba bumwi nkotana kulalikwa? Wakali kukala akubalindila kumbali lyanzila mbubonya mbuli mu-Arabiya munkanda, Wasofwaazya nyika mubwaamu bwabubi bwako. 3#Lev 26:19; Zef 3:5Nciceeco lusuunsu ncilwakakakilwa, amvula yamainza tiina kuloka. Ulijisi inkumu yasibwaamu, wakaka kuusa bweeme. 4#Tus 2:17; Mal 2:14; Jer 2:2; Hos 2:15Sa tona kundiita lino lino cakwaamba kuti, Taata, nduwe muzolwani wakubwanike bwangu? 5Sa ulajatisya lyoonse bukali bwakwe? Sa ulakalala akutamani? Ncobeni waamba obo, nekubaboobo wacita bubi boonse mbokonzya.

Ba-Juda aba-Israyeli boonse mbubakabisya. Balaitwa kulubebo

6 # 2 Bam 22:1–23:30; 2 Mak 34:1–35:27 Lino mumazuba aamwami Josiya, Jehova wakandaambila kuti, Sa tobwene mbwaacita oyo Israyeli uutasyomeki? Sa tobwene mbwaakaya kuzilundu zyoonse zilamfu amucenzule camisamu yoonse mitete kuya buvuula? 7#2 Bam 17:13Ndakali kuyeeya kuti, amane kucita milimo eyi yoonse inga uzooboola kulindime. Pele takwe naakaboola pe, Lino mucizi wakwe silweeno Juda wakabona. 8#Ezk 23:11Wakabona kuti Israyeli uutasyomeki, mbwaakacitide mamambe manji, ndakamutanda akumupa lugwalo lwakulekana. Nekubaboobo mucizi wakwe silweeno Juda naakabona obo, takwakayoowa pe, wakaya kuya buvuula alakwe. 9Kuvuula kakutakwe makani mumeso aakwe pe, aboobo wakasofwaazya nyika akucita bumambe mukukomba mabwe azisamu. 10#Hos 7:14Amucizi wakwe silweeno Juda, nekuba kuti wakabona aya makani oonse, taakwe naakapiluka kulindime camoyo wakwe woonse, wakapiluka cakuupaupa ameso buyo, mbwaamba Jehova,

11Lino Jehova wakandaambila kuti, Israyeli uutasyomeki walilulamika kwiinda Juda silweeno. 12#Is 44:22; Jer 4:1Koya ukakambauke majwi aya kunyika. Koamba kuti, Boola, O Israyeli uutasyomeki, mbwaamba Jehova, lino nsikooyookulanga cabukali, nkaambo ndisiluzyalo, mbwaamba Jehova; nsikooyookukalalila lyoonse pe. 13#Lev 26:40-42; Tus 28:13; Jer 31:18-20; Lk 15:18-21Kolyaamba buyo mulandu wako wakuti wakapapila Jehova Leza wako, waabila beenzu luyando lwako mucenzule camisamu yoonse mitete, alimwi tamuna kuswiilila ijwi lyangu, mbwaamba Jehova. 14#Rom 11:5Amuboole nubana batasyomeki, mbwaamba Jehova, nkaambo ndime simalelo wanu. Njoomubweza, njoosalaula omwe omwe mumunzi umwi aumwi, bobile bobile muluzubo lumwi alumwi, nkamulete ku-Zioni. 15#Jer 23:4; Ef 4:11; Inc 26:28Lino njoomupa beembeli mbubonya mbuuyanda moyo wangu, nkabela bayoomusanina luzibo abusongo. 16#Joh 4:21-24Lino mumazuba ayo aaza, mwamana buyo kuzyalisya akuvula, mbwaamba Jehova, tabakooyooamba limbi ibbokesi lyacizuminano ca-Jehova. Talikooyooyeeyegwa limbi, tabakooyooliibaluka nikuba kulisukama, alimwi talikooyoocitwa limbi. 17Kuciindi eco Jerusalemu uyooambwa kuti ncecuuno cabwami ca-Jehova, Bantu bamisyobo yoonse bayooyobololwa nkukonya ku-Jerusalemu kukulemeka izina lya-Jehova, nkabela tabakooyooenda limbi muzinguni zyamyoyo yabo mibi. 18#Is 11:13; Hos 1:11; Am 9:15Mumazuba ayo luzubo lwa-Juda luyooswanaana aluzubo lwa-Israyeli, nkabela boonse bayooboola antoomwe kuzwa kucisi cakunyika kusikila kunyika njindakapa bamausowanu kuti baivube.

19 # Is 63:16 Mebo ndakali kuyeeya kuti, Nkakubike mbuli mwanaangu, nkakupe nyika imbotu, caabilo cibotu kwiinda zyaabilo zyoonse zyabamasi! Ndakayeeya kuti ulandiita Taata, alimwi tokooyooleka kunditobela. 20Ncobeni mbuli mwanakazi uubula lusyomo mbwazwa kumulumaakwe, mbubonya obo mbumwazwa kulindime, O luzubo lwa-Israyeli, mbwaamba Jehova.

21 # Is 15:2 Kwamvwigwa ijwi atala lyazilundu zyalunkulu! Bana ba-Israyeli balalila akukomba nkaambo kakuti bakaleya munzila zyabo akuluba Jehova Leza wabo. 22#Hos 14:1; 6:1Amuboole nubana babula lusyomo, nkaponye kutasyomeka kwanu! Ncobeni tulaboola kulinduwe, nkaambo nduwe Jehova Leza wesu. 23#Int 121:1; 3:8; Is 12:2Kasimpe lugwasyo bantu ndubalindila kuzwa kumalundu akulupyopyongano lwakutulundu ndwabuyo. Kasimpe muli-Jehova Leza wesu molusi janwe lufutuko lwa-Israyeli. 24#Hos 9:10Pele kuzwa kuciindi cabwanike bwesu cintu eco cuusya insoni ncecamanisya zyoonse bamatata besu nzibakabelekela, niziba imbelele zyabo niziba iŋombe zyabo, nibaba bana babo balombe nibaba bana babo basimbi. 25#Ezr 9:7Atulale mubweeme bwesu, ansoni yesu ituvumbe, nkaambo twabisizya Jehova Leza wesu, iswe abamatateesu, kuzwa kubwanike bwesu mane kusikila kubuzuba obuno. Tatuna kuswiilila ijwi lya-Jehova Leza wesu.

Currently Selected:

Jeremiya 3: Ibbaib63

Highlight

Copy