Lwa-Jakobo 5

Wabakalalila bavubi bayumu myoyo

1 # Lk 6:24 Ikaka nywebo nobavubi! Amulile akweema nkaambo kamapenzi ngomuti sikilwe. 2#Mt 6:19Buvubi bwanu bwabola, zyakusama zyanu zyaligwa mapempya, 3#Tus 16:27ingolida yanu ansiliva yanu zyoonse zyafwa kulisenke, nkabela senke wazyo uyooba bumboni bwakumupa mulandu, uyoolya mibili yanu mbuli mulilo, Mwalundika lubono kumazuba aamamanino. 4#Dt 24:14-15; Lev 19:13; Mal 3:5; Is 5:9; Job 31:38-40Amulange, bulumbu bwabasimilimo bakamutebwida mumyuunda yanu, mbumwabanyanzya calweeno, buloongolola, eno kulila kwabatebuzi kwanjila mumatwi aa-Mwami wamakamu makamu. 5#Lk 16:19,25; Jer 12:3 Mwalinonya bula, mwalijanina misalo yakambotwembotwe, mwanonya myoyo yanu mbuli mubuzuba bwapobwe. 6Mwabeteka akujaya uululeme, watakamukazya.

Tuleelede kuba alukakatilo mbuli lwa-Jobo

7 # Dt 11:14; Joel 2:23; Zek 10:1; Jer 5:24; Lk 21:19; Heb 10:36 Bakwesu, amukazike myoyo mane kusikila kukuboola kwa-Mwami. Amubone, mukamwini muunda ulalindilila micelo miyandisi yaansi, waikazikila moyo mane ikawigwe imvula yakuntangilo ayabili. 8#Heb 10:25; 1 Tes 2:16; 3:13Anywebo amukazike myoyo yanu, amuliyumye, nkaambo kuboola kwa-Mwami kuli afwaafwi. 9Mutatongaukani nobakwesu, kuti mutabetekwi. Amubone, mubetesi uliimvwi amulyango. 10#Mt 5:12Nobakwesu, amulange basinsimi abakakambauka muzina lya-Jehova mbubakaliyumya akati kamapenzi akukazika myoyo yabo. Amutobele mbabo. 11#Job 1:21-22; 2:10; Int 103:8; 111:4; Dan 12:12Tulaamba kuti, Mbasicoolwe bakakatila, Mulimvwide kale aalukakatilo lwa-Jobo, alimwi mulizi mbwaakamucitila Jehova kumamanino. Mwabona kuti Jehova ngusibuuya, ngusiluzyalo,

Makani aakukonka

(Matayo 5:33-37)

12 # Mt 5:34-37 Pele kwiinda zyoonse, bakwesu, mutakonki. Mutakonki nekuba kujulu, naaba aansi, neciba cimwi cintu cili buti cakukonka, pele kwaamba kwanu akube Ii, ii, nanka Pe, pe, kuti mutabi amulandu.

Kukomba mbukugwasya

13 # Int 50:15; Kol 3:16 Sa kuli mupenzi akati kanu? Mupenzi akombe. Sa kuli uubotelwa? Uubotelwa aimbe intembauzyo, 14#Mk 6:13Sa kuli mulwazi akati kanu? Oyu aite baalu bambungano, kuti bamukombele, bamunanike mafuta muzina lyaMwami. 15#Mk 16:18Kukomba kwalusyomo kulamuponya mulwazi oyo, Mwami ulamubusya, nkabela kufumbwa zibi nzyaakacita zilajatilwa, 16Amulyaambe zibi zyanu umwi aumwi kumweenzinyina, alimwi amukombelane, kuti mukapone, Kuli anguzu zinji loko kukomba kwakusinizya kwamuntu uululeme. 17#1 Bam 17:1; 18:1; Lk 4:25; Inc 14:15Elija wakali muntu uulya maila mbubonya mbuli ndiswe. Wakakomba kuti imvula itawi, nkabela ncobeni teeyakawa ansi myaaka yotatwe amyeezi iili musanu muumwi. 18#1 Bam 18:42-45Alimwi wakakomba lwabili, elyo yakawa imvula, ayalo inyika yakazyala micelo yayo.

Uli acoolwe oyo uusandula mweenzinyina

19 # Gal 6:1 Nobakwesu, nakuli muntu akati kanu uwakaleya munzila yalusinizyo, elyo umwi amuboozye, 20#Tus 10:12; 1 Pet 4:8; Int 51:13amuzibe kuti uuboozya sizibi munzila yakuleya kwakwe uyooponya muuya wakwe kulufu, alimwi ulavumba zibi zinjizinji.

Currently Selected:

Lwa-Jakobo 5: Ibbaib63

Highlight

Copy