1 Petro 1
1
1 #
Jak 1:1
Ndime Petro, apostolo wa-Jesu Kristo, Ndamujuzya nyoonse nobasale nomumwaikide koonse ku-Ponto aku-Galatiya aku-Kapadokiya aku Asiya aku-Bituniya, 2#Rom 8:29; Heb 12:24nomwakasalwa kumakankilo kubukanze bwa-Leza Taateesu akusalazigwa kunguzu zya-Muuya Uusalala, kuti mumuswiililisye Jesu Kristo akusansailwa kubulowa bwakwe, Amuvuzizigwe luzyalo aluumuno.
Ulabaibalusya makani aalufutuko, kuti abayumye mumasukusyo aabo
3 #
Jak 1:18
Alumbwe Leza, Wisi wa-Mwami wesu Jesu Kristo! Nguwe wakatuzyalulula calweetelelo lwakwe lunji, kububuke bwa-Jesu Kristo kulufu, kuti tube abuumi bwabulangizi, 4#Kol 1:12kuti tukapegwe lukono lutafwiki, lutakwe kampenda, lutapusami. Ndulo lukono ndumuyobwedwa kujulu, 5#Joh 10:28; 17:11; Rom 5:3,4; Gal 3:23; 1 Kor 2:5nywebo nomuyamininwa kunguzu zya-Leza, nkaambo kalusyomo lwanu, kuti mube alufutuko olo ndomubambilidwe, luti kayubununwe kuciindi camamanino.
6 #
1 Pet 5:10; Heb 12:11; Jak 1:2; 2 Kor 4:17 Nkaambo kaako mulasekelela loko, nekuba kuti kuciindi ecino kweelede kuti mube abuusu kukaindi kaniini nkaambo kamasukusyo aamisyobo misyobo. 7#Tus 17:3; Mal 3:3; Rom 2:7,10; Jak 1:3Kwaba boobo kuti kusukusigwa kwalusyomo lwanu, mbokuli kuyandisi kwiinda ingolida iikulumpala niiba yakasukusigwa mumulilo, kamuletele lutembaulo abulemu alulemeko kuciindi cakuyubununwa kwa-Jesu Kristo. 8#Joh 17:20; 20:29; 2 Kor 5:7; 2 Tim 4:8Walo tamunamubwene pe nekubaboobo mulamuyandisya, nkabela nomutamuboni sunu mulamusyoma, aboobo mulakondwa alukondo lutaambiki luli abulemu, 9#Rom 6:22alimwi mulalijanina cintu eco neeluleta lusyomo lwanu, nkokuti lufutuko lwamyuuya yanu.
10 #
Mt 13:17; Lk 10:24 Nkubona olo lufutuko mbulubede ncibakali kuyandaulisya akufwemfweta basinsimi, mbambabo bakasinsima luzyalo luyoomusikila, 11#Int 22:1; Is 52:13–53:12; Lk 24:26Bakali kuyandisya kuziba kuti na ayo alaba lili, alaba buti, nkaambo Muuya waKristo mukati kabo wakabasinsimya aamapenzi aa-Kristo kaatana kubawo abulemu butobela ngao. 12#Ef 3:10; Lk 2:13Nkabela bakayubunwidwa kuti teensi mbabo beni bati gwasigwe kumakani aya, pe, ndinywe, Ngaonya makani ngomwaambilwa sunu kulimbabo bamukambaukila Makani Mabotu mu-Muuya Uusalala uutumwa kujulu. Aya makani ngengao ngobayandisya abaangelo kwaazibisya.
Ulabakombelezya kukakatila kulusyomo lwabo akweenda mbubeelede banaKristo
13 #
Lk 12:35; Ef 6:14 Nkaambo kaako amulyaangaange muzibuno zyakuyeeya kwanu, mukabe bapakamani, amukalulangilisye olo luzyalo ndomuyooletelwa kukuyubununwa kwa-Jesu Kristo. 14#Rom 12:2; Ef 2:3; 4:17Amube mbuli bana baswiilila. Ziyanza zyanu zitabi mbuli zisusi zyanu zyakalekale zyakuciindi cakutaziba kwanu, 15pele mbuli mbwasalala oyo uwakamwiita, anywebo nobeni amusalale mukweenda kwanu koonse, 16#Lev 11:44-45; 19:2; 20:7nkaambo kakuti kulilembedwe kuti, Amusalale, nkaambo ndasalala mebo. 17#Int 89:26; Jer 3:19; Mal 1:6; Mt 6:9; Rom 2:11Eno mbuli mbumumwaamba kuti ngu-Taateesu, uutalangi ciimo pele kufumbwa muntu ulamubeteka acamilimo yakwe, amukaende cakuyoowa ciindi coonse cabweenzu bwanu bwaansi ano. 18#Is 52:3; 1 Kor 6:20; 7:23Nkaambo mulizi kuti teensi zintu zikulumpala, mbuli insiliva niiba ingolida, nzimwakanunuzigwa kukweenda kwanu kwabuyo nkumwakasiilwa kumauso, pe, 19#Is 53:7; Heb 9:14mwakanunuzigwa abulowa buyandisi mbuli bwamwanambelele uutajisi akampenda nanka kabala, nkokuti bulowa bwa-Kristo. 20#Rom 16:25; Ef 1:4Walo ncobeni wakakanzwa kukusaanguna, nyika kiitana kulengwa, pele wakayubununwa kumamanino aaciindi nkaambo kandinywe. 21#Joh 14:6; Rom 4:24; Kol 1:27Kulinguwe mwaba basikusyoma Leza, uwakamubusya kulufu akumupa bulemu, kuti lusyomo lwanu abulangizi bwanu zikabe kuli-Leza
22 #
1 Joh 5:1
Lino mbuli mbomusalazizye myoyo yanu kukuswiililisya lusinizyo akukuleta luyandano lwabunyina lwinilwini, amukayandane camyoyo acanguzu, 23#Dan 6:26; Joh 1:13; Jak 1:18nkaambo oko kuzyalululwa nkumuzyalulwidwe takweensi kwambuto iifwika, pe, nkwambuto iitafwiki, nkokuti makani aa-Leza maumi aakalilide. 24#Is 40:6-8; Jak 1:10,11Nkaambo kakuti
Nyama yoonse ilikozyene amani,
Bulemu bwayo boonse bulikozyene amalangalanga aamusokwe,
Mani alayuminina, aalo malangalanga alakunkumuka,
25 #
Is 40:8
Pele makani aa-Jehova alakalilila lyoonse.
Ngangao Makani Mabotu ngomwakakambaukilwa.
Currently Selected:
1 Petro 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
