Popular Bible Verses from 1 Petro 1

Share

Alumbwe Leza, Wisi wa-Mwami wesu Jesu Kristo! Nguwe wakatuzyalulula calweetelelo lwakwe lunji, kububuke bwa-Jesu Kristo kulufu, kuti tube abuumi bwabulangizi, kuti tukapegwe lukono lutafwiki, lutakwe kampenda, lutapusami. Ndulo lukono ndumuyobwedwa kujulu

Nkaambo kaako mulasekelela loko, nekuba kuti kuciindi ecino kweelede kuti mube abuusu kukaindi kaniini nkaambo kamasukusyo aamisyobo misyobo. Kwaba boobo kuti kusukusigwa kwalusyomo lwanu, mbokuli kuyandisi kwiinda ingolida iikulumpala niiba yakasukusigwa mumulilo, kamuletele lutembaulo abulemu alulemeko kuciindi cakuyubununwa kwa-Jesu Kristo.

pele mbuli mbwasalala oyo uwakamwiita, anywebo nobeni amusalale mukweenda kwanu koonse, nkaambo kakuti kulilembedwe kuti, Amusalale, nkaambo ndasalala mebo.

Amube mbuli bana baswiilila. Ziyanza zyanu zitabi mbuli zisusi zyanu zyakalekale zyakuciindi cakutaziba kwanu

Nkaambo kaako amulyaangaange muzibuno zyakuyeeya kwanu, mukabe bapakamani, amukalulangilisye olo luzyalo ndomuyooletelwa kukuyubununwa kwa-Jesu Kristo.

Nkaambo kakuti Nyama yoonse ilikozyene amani, Bulemu bwayo boonse bulikozyene amalangalanga aamusokwe, Mani alayuminina, aalo malangalanga alakunkumuka, Pele makani aa-Jehova alakalilila lyoonse. Ngangao Makani Mabotu ngomwakakambaukilwa.