1 Petro 2
2
1 #
Ef 4:22; Jak 1:21 Nkaambo kaako amuleke bubi boonse alweeno loonse akuupaupa ameso amabbivwe aluvwiyu loonse, 2#1 Kor 3:2; Heb 5:12,13; Mt 18:3Amukozye mbuli bavwanda kukuyandisya mukupa wamuuya uutavwelwi acintu, kuti mukomene anguwo mulufutuko. 3#Int 34:8Mbuli mbumwalabila kale buuya bwa-Mwami, 4#Int 118:22; Is 28:16; Mt 21:42; Inc 4:11eno amuswenenene kulinguwe, uukonya ibbwe igumi, lisowegwa kubantu pele lisale kuli-Leza, ndiyandisi, 5#Ef 2:21,22; Rom 12:1kuti anywebo mube mbuli mabwe maumi, mukayakwe kuba iŋanda ya-Muuya, akuba bapaizi basalala, kuti mukatuule zipaizyo zyamuuya zitambulika kuli-Leza muli-Jesu Kristo. 6#Is 28:16; Rom 9:33Nkaambo mumagwalo kulaambwa kuti,
Amubone! Ndasitikizya mu-Zioni ibbwe lyakucizwi caŋanda, lisale, liyandisi,
Nkabela uumusyoma takooyoousigwa bweeme.
7 #
Int 118:22; Mt 21:42 Lino obu buyandisi mbobwanu, nywebo nomusyoma, pele kulibaabo batasyomi lilisinizye eli ijwi lyakuti, Ibbwe ndibakasowa bayaki ndendilyo mutwe wacooko, 8#Is 8:14-15; Rom 9:33alimwi, Lyaba ibbwe lilebya bantu amwala uufumpuzya. Balalebesegwa kulindilyo nkaambo kakutaswiililisya Makani. Ncencico ncibakakanzilwa kale. 9#Kul 19:5-6; Is 43:20-21; Dt 4:20; 7:6; 14:2; Tit 2:14; Is 9:2; Inc 26:18; 2 Kor 4:6; Ef 5:8; Flp 2:15; Ciy 1:6Pele nywebo muli musyobo musale, bapaizi bami, cisi cisalala, bantu bavubidwe kuli-Leza kuti mukatondezye milimo iitembaulika yayooyo uwakamwiita kuzwa mumudima akumunjizya mumumuni wakwe uugambya. 10#Hos 1:6,9; 2:1,23; Rom 9:25Kalekale teemwakali cisi, pele sunu muli cisi ca-Leza. Kalekale teemwakafwididwe lweetelelo, pele sunu mulifwididwe lweetelelo.
Baleelede kukoma zisusi zyamubili
11 #
Int 39:12; Gal 5:17,24; Ef 2:19; Jak 4:1 Nomuyandwa, mbuli mbutuli beenzu buyo bamwaikide ansi ano, ndamukumbila kuti mulilesye kuzisusi zyabunyama zilwanya muuya lumamba. 12#Is 10:3; Mt 5:16; Jak 3:13Amujatisye kweenda kwanu kubotu akati kabamasi, kuti nobamusendaula sunu kuti muli babi, bakamulemye Leza kubuzuba bwakulingula nkaambo kakulangilila milimo yanu mibotu.
Makani aakulemeka bami
13 #
Rom 13:1-7; Tit 3:1 Amulibombye kubwami boonse bwabantu nkaambo ka-Mwami, nokuba kumwami wacisi, mbwali mupati, 14nokuba kubeendelezi bakwe mbobali batumwa nguwe kuti babeteke babisya akulumbaizya bacita ciluleme. 15#1 Pet 3:16Nkaambo ndondulo luyando lwa-Leza, kuti mukucita kabotu mukaumuzye bantu bafubafuba batezi makani. 16#Gal 5:13Mbomuli balubusi, mutasanduli bulubusi bwanu kuba bwakusisa bubi, pele amucite mbuli bazike ba-Leza, 17#Rom 12:10; Tus 24:21; Mt 22:21Amubalemeke bantu boonse. Amuyande babunyina, Amumuyoowe Leza, Amumulemye mwami wacisi.
Zyeelelo zyabalanda
18 #
Ef 6:5; Tit 2:9 Nobalanda, amubaswiilile basimalelo aanu akuyoowa koonse, nkabela teensi kwaamba kuti babotu abatontozi balike, pele basikakomokomo abalo. 19Nkaambo kulalumbika, na muntu ayumina mapenzi akuyeeya Leza, nokuba kuti wapenzegwa aatamweelede. 20#1 Pet 3:14,17; 4:13,14; Mt 5:10Ino kuli amilimonzi na mwayumina lukomo lwakubisya kwanu? Pele na mwayumina kupenzegwa ciindi cakucita kabotu, eco ncecilumbika kuli-Leza. 21#Mt 16:24; Joh 13:15Nciconya eco ncimwakaitilwa, nkaambo Kristo alakwe wakamucisilwa, wakamusiila cibonesyo, kuti mukatobele mumikondo yakwe.
22 #
Is 53:9; Joh 8:46; 2 Kor 5:21 Walo teewakacita zibi, pe,
Alimwi teemwakajanwa lweeno mumulomo wakwe.
23 #
Is 53:7
Wakatukilwa pele takakabweedezya matusi,
Naakapenzegwa takakabbodola, pe,
pele makani aakwe wakaasia mumaanza aamubetesi mubotu. 24#Is 53:5,12; 1 Joh 3:5; Rom 6:11; Heb 9:28Zibi zyesu wakazilemenenwa mumubili wakwe mwini acisamu, kuti tuzwe muzibi, tuponene bululami, Mibunda yakwe njiimuponya. 25#Is 53:6; Ezk 34:5; 1 Pet 5:4; Joh 10:12Nkaambo mwakalikozyene ambelele izyakasweeka, pele sunu mulipilukide kumweembezi wanu, sikulingula myuuya yanu.
Currently Selected:
1 Petro 2: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
