Lwa-Jakobo 1

1 # Mt 13:55; Mk 6:3; Inc 15:13,23; 1 Pet 1:1; Gal 1:19 Ndime Jakobo, muzike wa-Leza awa-Mwami Jesu Kristo. Ndajuzya mikowa iili ikumi aibili iimwaikide koonse koonse.

Aamasukusyo

2 # Rom 5:3-5; 1 Pet 1:6 Bakwesu, amuyeeye kuti ncoolwe cipati na mwasikilwa masukusyo aamisyobo misyobo, 3#1 Pet 1:7nkaambo mulizi kuti kusukusigwa kwalusyomo lwanu nkokuleta lukakatilo. 4Eno lukakatilo alukalondole mulimo walo woonse, kuti mube balondosi akuba aciimo cizulide cakutabula cintu.

5 # Tus 2:3-6 Pele na nkwali akati kanu uubula busongo, akumbile kuli-Leza, uubaabila boonse cabuuya acakutatongauka, nkabela ulabupegwa. 6#Mk 11:24Pele akumbile cakusyoma, atalimbululi akaniini, nkaambo uulimbulula ulikozyene amankwisita aalwizi aaululuka akutontwa amuuwo. 7Muntu uuli boobo atayeeyi kupegwa cintu ku-Mwami, pe, 8nkaambo ulijisi myoyo yobile, ulapilauka mukweenda kwakwe koonse.

9 # Jak 2:5 Lino mukwesu mucete abotelwe asumpulwa, 10#Is 40:6-7; 1 Pet 1:24pele muvubi abotelwe kukucesegwa kwakwe, nkaambo kakuti bavubi bayoomaninina mbuli malangalanga aamusokwe, 11Nkaambo izuba lyapasula acisansa, cilayumya mani, nkabela malangalanga aao alayuminina, abweebesi bwao bulamaninina, Mbubonya obo amuvubi ulanyana mukweenda kwakwe.

12 # Dan 12:12; 2 Tim 4:8; 1 Pet 5:4; 1 Kor 9:25; Ciy 2:10 Ngusicoolwe oyo muntu uukakatila mumasukusyo, nkaambo na wabonwa kuti muyumu, ulapegwa musini wabuumi, ngwaakasyomezya Mwami kulibaabo bamuyanda. 13Na muntu watepaulwa, ataambi kuti, Ndatepaulwa kuli-Leza, nkaambo Leza tatepauliki kucibi, alimwi walo mwini tatepauli muntu pe. 14#Rom 7:7-10Muntu ulatepaulwa na alengawidwa akoongwa kuzisusi zyakwe mwini. 15Eno zisusi zyamita buyo, zilazyala zibi, azyalo zibi zyakomena zilatumbuka lufu. 16Muteeneki, nobakwesu bayandwa. 17#1 Joh 1:5; Mt 7:11Zipego zibotu zyoonse azyoolwe zyoonse zilondokede zilazwa kujulu, zilaseluka kuzwa kuli-Wisi wamimuni, uutasanduki, uutajisi acenzule cakusanduka, 18#Joh 1:13; 1 Pet 1:23Mbukanze bwakwe mwini mbwaakatuzyalila mumakani aalusinizyo, kuti tukabe mbuli bakabalwebalwe babaabo mbalengede.

Kuswiilila kulike takugwasyi, kucita nkokujisi makani

19 # Muk 7:9 Muleezi kale makani aya, nobakwesu bayandwa. Pele muntu woonse abe amutwe muuba, amuke kwaamba, amuke kunyema, 20#Ef 4:26nkaambo bukali bwamuntu tabucityi ziluleme zya-Leza. 21#Kol 3:8; 1 Pet 2:1Nkaambo, kaako, amusowe busofwaazi boonse abubi bufwasukide mumyoyo yanu, mwaatambule cakulibombya makani ngemuzikilidwe mukati, aali anguzu zyakufutusya myuuya yanu.

22 # Mt 7:26; Rom 2:13 Pele amube basikucita makani, mutabi basikuswiilila buyo balyeena. 23Ikuti na muntu ngusikuswiilila buyo, pele tali sikucita makani, ulikozyene amuntu uulilanga mucimboni kubusyu mbwaakalengwa abo, 24nkaambo amana kulilanga, ulainka, elyo ulafwambaana kuluba mbwabede. 25#Jak 2:12; Rom 8:2; Joh 13:17Anukuti uusondela mumulao mulondosi wabulubusi, akukakatila kulinguwo, mbwaatali sikuswiilila amatwi buyo uuluba pele sikumana mulimo, ngonguwe uuti longezegwe mukucita kwakwe.

26 # Int 34:13 Na nkwali uuliyeeya kuti musyomi, nekubaboobo taangi lulimi lwakwe pele walyeena mumoyo wakwe mwini, busyomi bwayooyo mbwabuyo. 27Busyomi busalala butakwe kampenda mumeso aa-Leza Taateesu mbombuboobu, bwakuti muntu aswaye bamusyaala abamukabafu mumapenzi aabo, akuliyobola cakutaba akabala nikaba komwe kaansi.

Currently Selected:

Lwa-Jakobo 1: Ibbaib63

Highlight

Copy