Lwa-Jakobo 2

Tacili cibotu kulangilila ziimo zyabantu

1 # 1 Kor 2:8 Bakwesu, sa ncobeni mulijisi kulusyomo lwa-Jesu Kristo, Mwami wesu uulemekeka, na mulalangilila ziimo zyabantu? 2#Heb 10:25Na kwanjila muntu mumbungano yanu uusamine inwenwe yangolida azyakusama zyeebesi, alimwi kwanjila muntu mucete uusamine zizapaukide, 3nkabela mwamulanga oyo uusamine kabotu, mwaamba kuti, Kala awa abotu, pele mucete mulamwaambila kuti, Yebo, ima okuya, na kkala awa mpentandabalide maulu aangu— 4na mwacita boobo, sa takuli kusalulula? Sa teemwaba basikuyeeya miyeeyo mibi?

5 # 1 Kor 1:26; Lk 12:21 Amuswiilile nobakwesu bayandwa. Sa Leza takabasalide baambwa kuti mbacete ansi ano, kuti bakabe bavubi kulusyomo abaswaana babwami mbwaakasyomezya baabo bamuyanda? 6Pele nywebo mwamuubaula mucete. Sa bavubi embo mbobamupenzya akumutola beni kuzibetekelo? 7Sa tabalisampauli izina idemu elyo ndemwaambwa alyo? 8#Lev 19:18Ncobeni na mwatobela mulao wa-Mwami uujanwa mumagwalo mujwi eli lyakuti, Yanda mweenzinyoko mbuli mboliyanda omwini, elyo mwacita kabotu. 9#Dt 1:17Pele na mwalanga zi ziimo zyabantu, mwabisya, nkaambo mulikonedwe kumulao kuti muli basotosi,

10 # Mt 5:19 Kufumbwa muntu uutobela milao yoonse, pele alubya cintu comwe, ulijisi mulandu kuli yoonse. 11#Kul 20:13,14; Dt 5:17,18Nkaambo oyo uwakaamba kuti, Utabi simamambe, ngonguwe wakaamba alyalo ijwi lyakuti, Utabi nojaya, Eno wataba simamambe pele wajaya, nkokuti wasotoka mulao. 12#Jak 1:25Amwaambe akucita lyoonse mbuli mbubeelede bantu bayandoobetekwa kumulao wabulubusi. 13#Mt 5:7; 18:30,34; 25:45,46Nkaambo lubeta talujisi lweetelelo kuliyooyo uuteeteleli mweenzinyina, Lweetelelo lulalilumbaizya amulubeta.

Lusyomo luleelede kuba antoomwe amilimo

14 # Mt 7:21; 21:29 Ino kulagwasya buti, nobakwesu, na muntu waamba kuti, Mebo ndijisi lusyomo, pele tajisi milimo? Sa lusyomo olo luyoomufutula? 15Na musyominyina mwaalumi naba mwanakazi wabula zyakusama azilyo zyakulya, 16#1 Joh 3:17lino umwi akati kanu abaambila kuti, Kamuya aluumuno, mujane zyakulivumba azilyo zyakumukutya, nekubaboobo tabapi zintu nzyuuyanda mubili, ino kulagwasyanzi? 17Mbubonya obo lusyomo lutajisi milimo mbululi lulike, lulifwide buyo.

18 # Gal 5:6 Ncobeni muntu inga ulaamba kuti, Yebo ulijisi lusyomo, ambebo ndijisi milimo, Unditondezye lusyomo lwako lwaanzeene amilimo yako, mebo kumilimo yangu nkwenti kutondezye lusyomo mbulubede. 19#Mk 5:7Wazumina kuti Leza ngumwi luzutu na? Mbukubede. Abalo badaimona balazumina obo, balakankama, 20Pele yebo omuntu wabuyo, sa ulayanda kuziba kuti lusyomo lwaanzeene kumilimo lulifwide buyo? 21#Matl 22:1-14Abrahamu taateesu sa takakalulamikwa kumilimo, mbwaakatuula Izaka mwanaakwe acipaililo? 22#Heb 11:17Sa toboni kuti lusyomo lwakabeleka antoomwe amilimo yakwe, nkabela milimo yakwe njeyakamulondweda lusyomo. 23#Matl 15:6; 2 Mak 20:7; Is 41:8; Rom 4:3Mbuboobo mbulyakasinizigwa elyo ijwi lyamumagwalo lyakuti, Abrahamu wakasyoma Leza, nkabela lusyomo lwakwe lwakeelezegwa mbuli bululami, alimwi wakaulikwa kuti mulongwaakwe Leza. 24#Joh 8:39; Rom 4:12Mwabona kuti nkumilimo nkwalulamikwa muntu, teensi kulusyomo luike pe. 25#Jos 2:1-21; 6:17; Heb 11:31Mbubonya obo alakwe Rahabi sibwaamu sa teewakalulamikwa kumilimo awo naakasamausya batumwa akubapilula kunzila imbi? 26#Jak 2:17Nkaambo mbuli mubili uuanzeene amuuya mbuufwide, alwalo lusyomo lwaanzeene amilimo lulifwide mbubonya.

Currently Selected:

Lwa-Jakobo 2: Ibbaib63

Highlight

Copy