Isaya 61
61
Munanike wa-Jehova mbwazoocita milimo
1 #
Mt 11:5; Lk 7:22; 4:18; Is 11:2; Joh 1:32; Int 34:18; Hos 6:1; Zek 9:12; Joh 8:32-36 Muuya wa-Mwami Jehova mpuuli alindime, nkaambo Jehova wandinanika kuti nkambaukile bacete makani mabotu, wandituma kuzooanga batyokede mumyoyo, kuzooletela bazike mulao wabulubusi akujalwida baange intolongo, 2#Mt 5:4; Lev 25:9; Mal 4:1-3kukambauka makani aamwaka uutambulika wa-Jehova abuzuba bwakuliya inkoto bwa-Leza wesu, kuumbulizya boonse balila, 3#Int 30:11; Is 60:21; Joh 15:8kugwasya baabo balila mu-Zioni, bapegwe ingala mucibaka catwe, amafuta aabusekelezi mucibaka cakulila, cikobela cakutembaula mucibaka camoyo uulemedwe, kuti bategwe mibanga yabululami njaakasimpika Jehova, kuti alemekwe, 4#Ezk 36:33Lino bayooyakulula matongo aakalekale akubukulusya masena aakataanguna kusaalwa; bayoomamika minzi iimwayikide iibulide bantu ciindi cilamfu loko.
5 #
Ef 2:12
Lino beenzu bayooima akusanina matanga aanu, abazwakule bayooba basikulima banu abasimuunda banu, 6#Kul 19:6pele inywe muyooambwa kuti bapaizi ba-Jehova, muyooambwa kuti basimilimo ba-Leza wesu. Muyoolya imbono zyabamasi akulikankaizya mubulemu bwabo. 7#2 Bam 2:9; Is 40:2; Zek 9:12Mucibaka cansoni yanu muyooba acaabilo acimwi cabili. Mucibaka cakufwa bweeme bayoosekelela lukono lwabo, Munyika yabo beni bayoovuba caabilo acimwi cabili, nkabela bayooba alukondo lutamani. 8#Is 55:3Nkaambo mebo nde-Jehova ndayandisya lubeta lubotu, ndasula kubba abubi. Njoobapa bulumbu bwabo cakusyomeka akutangana abo cizuminano citamani. 9Lunyungu lwabo luyoozibwa akati kabamasi, abana babo akati kamisyobo yabantu. Boonse bababona bayoozumina kuti ncobeni ndunyungu Jehova ndwaakalongezya.
10 #
Ciy 21:2
Kusekelela njoosekelela muli-Jehova, amoyo wangu uyookondwa muliLeza wangu, nkaambo wandisamika zyakusama zyalufutuko akundivumbya cikobela cabululami, mbubonya mbuli sibwiinga mbwalisamika ingala, ambuli nabwiinga mbwalisakatizya malungu aakwe. 11#Int 72:3; Is 60:18Nkaambo mbubonya mbuli nyika mbwiisyuusya insyuuko zyayo, ambuli muunda mbuumeneka zibyedwe mulinguwo, mbubonya obo Mwami Jehova uyoomeneka bululami alutembaulo kumeso aamasi oonse.
Currently Selected:
Isaya 61: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
