Isaya 60
60
Bulemu bwa-Jerusalemu mupya
1 #
Mal 4:2
Buka, umunike, nkaambo mumuni wako wasika, abulemu bwa-Jehova bwakupasukila. 2Nkaambo mudima ulavumba nyika, akumisyobo yoonse kulasia mbi, pele kulinduwe Jehova wapasula, abulemu bwakwe bulaboneka nkobede. 3#Ciy 21:24Nkabela bamasi balasika kuzoobona mumuni wako, abami kuzoobona kubekema kwakupasula kwako.
4Lanzya meso aako koonse koonse, ubone. Boonse bayoboloka, beza kulinduwe. Bana bako balombe baleza kuzwa kule, abana bako basimbi balayumunwa bubuketwe. 5Lino wabona buyo, meso aako ayoomunika, amoyo wako uyookankama cakukondwa, nkaambo imbono yalwizi ziyooba zyako, abuvubi bwamasi bayooboola kulinduwe. 6#Matl 25:4; Int 72:10; Mt 2:11Impumba yankamele iyoo za buvumba nyika yako; inkamele zya-Midyani azya-Efa azya-Seba zyoonse ziyoosika, ziliyumwide ingolida atununkilizyo; aboobo makani mabotu aa-Jehova ayootembaulwa. 7#Matl 25:13; Hag 2:7-9Imbelele zyoonse zya-Kedara ziyooyoboloka kulinduwe, bagutu ba-Nebayoti bayookumanina milimo, bayootuulwa acipaililo cangu akutambulika, aboobo njoolemeka iŋanda yabweebesi bwangu. 8Ino mbobani aba baya buuluka mbuli ijoba, mbuli inziba ziya kuzipulo zyazyo? 9#Gal 4:26; Zek 14:14; Jer 3:17; Is 55:5Nkaambo nyika zyakunkomwe yalwizi ziyoondilindila, aalo maato aa-Tarisi ayootaanguna, kuti balete bana bako kuzwa kule, baletelele ingolida yabo ansiliva yabo, zyoonse zibede izina lya-Jehova Leza wako a-Uusalala wa-Israyeli, nkaambo ngonguwe iwakakulemeka. 10#Zek 6:15; Ciy 21:24Nkabela bana babazwakule bayooyaka malambo aako, abami babo bayookumanina milimo, nkaambo mubukali bwangu ndakakuuma, pele mukukondwa kwangu ndakufwida luzyalo. 11#Ciy 21:25-26Milyango yako inoojulidwe lyoonse, tiikooyoojalwa abuniini isikati na masiku, kuti bakuletele imbono zyabamasi abami babo balabazulwida, 12#Int 2:12; Zek 14:17; Mt 21:44; Lk 19:27; Ciy 2:26,27Nkaambo kufumbwa musyobo na bwami bukaka kukumanina milimo buyoonyonyooka. Ee, ncobeni misyobo iili boobo iyoolobesegwa, 13#Is 35:2; 1 Mak 28:2; Heb 12:22Uyooletelwa bulemu bwa-Lebano, misamu yakupresi amisikili amizinibwa, kuti busena bwangu busalala bweebesegwe, aalo antu mpaakede maulu aangu njooalemeka, 14#Ciy 3:9; 14:1Bana babaabo ibakali kukupenzya bazoosika cakukukotamina, aboonse ibakali kukusampaula bazoovundama ansi kuma ulu aako. Nkabela bayookubanda kuti Munzi wa-Jehova, Zioni wa-Uusalala wa-Israyeli. 15Wakalisiidwe akusulwa, katakwe muntu iwakainda mulinduwe, pele sunu ndakubika kuti ube cibetezyo citamani, usekelelwe mumazyalani oonse, 16#Int 98:2; Is 43:3; Ezk 34:30; Ciy 5:9Uyoonyonka malili aabamasi, ncobeni inkolo zyabami uyoozinyonka, nkabela uyooziba kuti mebo nde-Jehova ndime Mufutuli wako a-Munununi wako Singuzu wa-Jakobo. 17Mucibaka camukuba njooleta ingolida, amucibaka cabutale njooleta insiliva; mucibaka cazisamu muzooba mukuba, amucibaka camabwe muzooba butale. Njoobika Luumuno lube simutwe wako, a-Bululami bube sikukubelesya, 18#Is 26:1Bucigebenga tabukooyoomvwigwa limbi munyika yako, amucisi cako coonse tamukooyooba lusaalo niluba lunyonyooko, pele uyooulika malambo aako kuti ndufutuko, amilyango yako iyootegwa kutembaula, 19#Zek 2:5; Ciy 21:23; 22:5Izuba talikooyooba limbi mumuni wako ciindi casikati, amwezi tuukooyookumunikila masiku, pele Jehova nguuyookubeda mumuni uutamani, a-Leza wako uyooba bweebesi bwako. 20#Am 8:9Izuba lyako talikooyoobbila limbi, amwezi wako tuukooyoogwisigwa, nkaambo Jehova uyookubeda mumuni uutamani, amazuba aakulila kwako ayoomaninina, 21#Int 37:11; Ef 2:10; Mt 5:5; 15:13Bantu bako boonse bayooba balulami, nkabela bayoovuba nyika lyoonse mane kukabe kutamani. Mbombabo mutabi Jehova nguwakasimpa, zibumbwa zyamaanza aakwe, kuti alemekwe. 22#Mt 13:31; Hos 1:10Kakamu kaniini kayooba cuulu, abantu bace bayooba mukowa mupati. Mebo nde-Jehova njoofwambya makani aya kuciindi cao ceelede.
Currently Selected:
Isaya 60: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
