Popular Bible Verses from Isaya 60

Share

Buka, umunike, nkaambo mumuni wako wasika, abulemu bwa-Jehova bwakupasukila.

Nkabela bamasi balasika kuzoobona mumuni wako, abami kuzoobona kubekema kwakupasula kwako.

Nkaambo mudima ulavumba nyika, akumisyobo yoonse kulasia mbi, pele kulinduwe Jehova wapasula, abulemu bwakwe bulaboneka nkobede.

Kakamu kaniini kayooba cuulu, abantu bace bayooba mukowa mupati. Mebo nde-Jehova njoofwambya makani aya kuciindi cao ceelede.

Izuba talikooyooba limbi mumuni wako ciindi casikati, amwezi tuukooyookumunikila masiku, pele Jehova nguuyookubeda mumuni uutamani, a-Leza wako uyooba bweebesi bwako.

Izuba lyako talikooyoobbila limbi, amwezi wako tuukooyoogwisigwa, nkaambo Jehova uyookubeda mumuni uutamani, amazuba aakulila kwako ayoomaninina

Lino wabona buyo, meso aako ayoomunika, amoyo wako uyookankama cakukondwa, nkaambo imbono yalwizi ziyooba zyako, abuvubi bwamasi bayooboola kulinduwe.

Lanzya meso aako koonse koonse, ubone. Boonse bayoboloka, beza kulinduwe. Bana bako balombe baleza kuzwa kule, abana bako basimbi balayumunwa bubuketwe.

Bantu bako boonse bayooba balulami, nkabela bayoovuba nyika lyoonse mane kukabe kutamani. Mbombabo mutabi Jehova nguwakasimpa, zibumbwa zyamaanza aakwe, kuti alemekwe.

Bucigebenga tabukooyoomvwigwa limbi munyika yako, amucisi cako coonse tamukooyooba lusaalo niluba lunyonyooko, pele uyooulika malambo aako kuti ndufutuko, amilyango yako iyootegwa kutembaula

Milyango yako inoojulidwe lyoonse, tiikooyoojalwa abuniini isikati na masiku, kuti bakuletele imbono zyabamasi abami babo balabazulwida

Impumba yankamele iyoo za buvumba nyika yako; inkamele zya-Midyani azya-Efa azya-Seba zyoonse ziyoosika, ziliyumwide ingolida atununkilizyo; aboobo makani mabotu aa-Jehova ayootembaulwa.

Nkabela bana babazwakule bayooyaka malambo aako, abami babo bayookumanina milimo, nkaambo mubukali bwangu ndakakuuma, pele mukukondwa kwangu ndakufwida luzyalo.

Wakalisiidwe akusulwa, katakwe muntu iwakainda mulinduwe, pele sunu ndakubika kuti ube cibetezyo citamani, usekelelwe mumazyalani oonse

Uyoonyonka malili aabamasi, ncobeni inkolo zyabami uyoozinyonka, nkabela uyooziba kuti mebo nde-Jehova ndime Mufutuli wako a-Munununi wako Singuzu wa-Jakobo.