Isaya 6
6
Isaya mbwaakapegwa milimo yabusinsimi
1 #
1 Bam 22:19; Ezk 10:1; Joh 12:41; Ciy 4:2; 2 Bam 15:7; 2 Mak 26:23 Mumwaka ulya naakafwa mwami Uziya, ndakabona Mwami Leza ulikede acuuno cabwami, ulisumpwidwe loko, nkabela malogwe aakwe akazuzya intempele. 2Ajulu lyakwe kwakaliimvwi baangelo baserafimu. Umwi aumwi kajisi mababa aali musanu alimwi, obile aakulivumba kubusyu, obile aakulivumba kuma ulu, obile kaali aakuulusya. 3#Ciy 4:8Nkabela umwi aumwi wakoongolola akwaambila mweenzinyina kuti, Ulasalala! Ulasalala! Ulasalala Jehova wamakamu! Nyika yoonse ilizwide bulemu bwakwe. 4#Ciy 15:8Lino intalisyo zyazikunguzyo zyakazungaana kujwi lyayooyo iwakoongolola, ayalo iŋanda yakazula busi. 5Mpawo ndakaamba kuti, Maawe mebo! Ndanyonyooka! Nkaambo ndi muntu uusofweede kumilomo, alimwi ndikede akati kabantu basofweede kumilomo, lino meso aangu alibwene Mwami Jehova wamakamu. 6#Lev 16:12; Heb 13:10Elyo kwakanduulukila umwi wabaserafimu, mujanza lyakwe kajisi ikala lyamulilo ndyaakabwezede alumano kuzwa kucipaililo. 7Wakalyaampya mulomo wangu, wandaambila kuti, Bona! Eci caampa milomo yako, lino milandu yako yamana, azyalo zibi zyako zyasalazigwa. 8#Matl 1:26Elyo ndakamvwa ijwi lya-Mwami lilabuzya kuti, Ino nguni ngunti tume? Nguni uukonzya kutwiinkila? Mpawo ndakaamba kuti, Mpendi! Unditume mebo! 9#Mt 13:14-15; Mk 4:12; Lk 8:10; Joh 12:40; Inc 28:26-27Wakati, Koya ukaambile bantu aba kuti, Kumvwa amumvwe pele mutaswiililisyi. Kubona amubone pele mutabonesyi. 10Neneesya moyo wabantu aba, lemezya matwi aabo akulamba kumeso aabo, kuti bataboni kumeso aabo nikuba kumvwisya kumatwi aabo nikuba kuswiililisya mumyoyo yabo, batasanduki akuponesegwa. 11Elyo ndakaamba kuti, Mane kusikila ciindi nzi, O Mwami? Wakavuwa kuti, Mane lumwi minzi iyoosaalwa akubula bakede mumo, aalo maanda ayoobula bantu, ayalo nyika iyoosaalwa cakugambya. 12#Dt 28:64Jehova uyoosakanya bantu kule, aalo masena aasaalidwe ayoovula mukati kanyika. 13#Rom 11:5Nekuba kuti cipanzi cakumi mucicili mulinjiyo, ciyootentwa alimwi, mbubonya mbuli mubanga na muzwamalowa mbuusyaalilwa cisindi kuciindi cakugonkwa, Lunungu lusalala ncecisiko caco.
Currently Selected:
Isaya 6: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
