Popular Bible Verses from Isaya 6

Share

Elyo ndakamvwa ijwi lya-Mwami lilabuzya kuti, Ino nguni ngunti tume? Nguni uukonzya kutwiinkila? Mpawo ndakaamba kuti, Mpendi! Unditume mebo!

Nkabela umwi aumwi wakoongolola akwaambila mweenzinyina kuti, Ulasalala! Ulasalala! Ulasalala Jehova wamakamu! Nyika yoonse ilizwide bulemu bwakwe.

Mpawo ndakaamba kuti, Maawe mebo! Ndanyonyooka! Nkaambo ndi muntu uusofweede kumilomo, alimwi ndikede akati kabantu basofweede kumilomo, lino meso aangu alibwene Mwami Jehova wamakamu.

Mumwaka ulya naakafwa mwami Uziya, ndakabona Mwami Leza ulikede acuuno cabwami, ulisumpwidwe loko, nkabela malogwe aakwe akazuzya intempele.

Wakalyaampya mulomo wangu, wandaambila kuti, Bona! Eci caampa milomo yako, lino milandu yako yamana, azyalo zibi zyako zyasalazigwa.

Ajulu lyakwe kwakaliimvwi baangelo baserafimu. Umwi aumwi kajisi mababa aali musanu alimwi, obile aakulivumba kubusyu, obile aakulivumba kuma ulu, obile kaali aakuulusya.

Elyo kwakanduulukila umwi wabaserafimu, mujanza lyakwe kajisi ikala lyamulilo ndyaakabwezede alumano kuzwa kucipaililo.

Wakati, Koya ukaambile bantu aba kuti, Kumvwa amumvwe pele mutaswiililisyi. Kubona amubone pele mutabonesyi.

Neneesya moyo wabantu aba, lemezya matwi aabo akulamba kumeso aabo, kuti bataboni kumeso aabo nikuba kumvwisya kumatwi aabo nikuba kuswiililisya mumyoyo yabo, batasanduki akuponesegwa.