Isaya 55
55
Bwami bwa-Leza buli afwaafwi. Bantu bayandaule Jehova
1 #
Joh 4:14; 7:37; 1 Kor 1:22; Mt 13:44; Ciy 21:6; 3:18; 22:17 Nyoonse nimufwa nyota, amuboole kumaanzi, Alakwe oyo uubula mali aze, Amuboole, muule, mulye, Amuboole, muule waini amalili, Zyoonse tazyuulwi mali, tazijisi muulo pe. 2Ino musoowelanzi mali kukuula zintu zitali cilyo? Mubelekelanzi kukujana zintu zitakutyi? Amuswiililisye majwi aangu, mulye cilyo cibotu, myoyo yanu ikondwe kukusaninwa zintu zilweela. 3#Mt 11:28; Is 54:8; 2 Sam 7:8; Int 89:28; Inc 13:34Amupempeke matwi aanu, muboole kulindime. Amuswiilile, lino myuuya yanu iyoopona. Nkabela njootanga anywe cizuminano citamani, nkukuti luzyalo lusyomeka ndundafwida Davida. 4#Mal 3:5; 1 Tim 6:13; Ciy 1:5; Ezk 34:23; Dan 9:25; Heb 2:10Ngonguwe ngundabika kuti abe kamboni kumisyobo yabantu, musolozi asilutwe kubantu. 5#Is 52:15; Ef 2:11,12; Inc 3:13Ncobeni uyooita bamu mbotezi, abantu batakuzi bayoozuzaana nkobede, nkaambo ka-Jehova Leza wako, akaambo ka-Uusalala wa-Israyeli, nkaambo kakuti wakulemeka.
6 #
Int 32:6; Am 5:4,14; Mt 5:25; Joh 7:34; 2 Kor 6:2; Heb 3:13 Amuyandaule Jehova naacijanika. Amumukwiilile naacili afwiifwi. 7#Zek 8:17; Jer 3:12Sizibi aleke inzila yakwe, asimilandu aleke miyeeyo yakwe, Aboole kuliJehova, kuti amufwide luzyalo, akuli-Leza wesu, nkaambo nguuinda kulekelela. 8Nkaambo miyeeyo yangu tiili miyeeyo yanu, anzila zyanu tazyeensi inzila zyangu, mbwaamba Jehova. 9Nkaambo mbubonya mbuli ijulu mbulisumpwidwe kwiinda nyika, mbubonya obo inzila zyangu zilisumpwidwe kwiinda inzila zyanu amiyeeyo yangu kwiinda miyeeyo yanu. 10#2 Kor 9:10Mbubonya mbuli imvula acivulamabwe mbuziloka kuzwa kujulu, alimwi tazipiluki nkuko, pele zilatilaila nyika akwiizyazya akwiisyusya, kuti ipe imbuto zyakubyala ansima yakulya, 11mbubonya obo mbuliyooba ijwi lyangu lizwa kumulomo wangu, Talikooyooboola kulindime cabuyo pe, liyoozuzikizya makanze aangu akucita kabotu makani ngendalitumina. 12Nkaambo muyoozwa alukondo akweenzegwa aluumuno. Zilundu atulundulundu zyoonse ziyoetalika kwiimba kubusyu bwanu, amisamu yoonse yamuzisaka iyookambilila. 13Mucibaka camamvwa muyoomena musamu wakupresi, amucibaka camutubetube muyoomena muzimbwa, nkabela aya makani ayooletela Jehova impuwo, ayooba citondezyo citamani citakonzya kuloba.
Currently Selected:
Isaya 55: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
