Isaya 56
56
Jehova ulalongezya abo balemeka Sabata
1 #
Mt 3:2; Rom 13:11 Mbuboobu mbwaamba Jehova. Amubeteke kabotu akucita cabululami, nkaambo lufutuko lwangu lwaamba kusika, abululami bwangu buti yubununwe. 2#Kul 20:11; Is 58:13Uli acoolwe muntu uucita obo ayooyo uubika moyo wakwe kumakani, uulikasya kusofwaazya buzuba bwa-Sabata akukasya maanza aakwe kucita bubi. 3#Dt 23:1; Inc 8:27; 1 Pet 1:1Alakwe muzwakule uuliswangaanya a-Jehova ataambi kuti, Ncobeni Jehova ulandaandaanya abantu bakwe, Alakwe muzibe ataambi kuti, Mebo ndi musamu uuyumide buyo. 4Nkaambo mbuboobu Jehova mbwaambila bazibe balemeka masabata aangu akusala zintu zindibotezya akujatisya cizuminano cangu. 5#Ef 2:22; 1 Tim 3:15; Heb 3:6; Joh 1:12; Ciy 3:12Muŋanda yangu amukati kamalambo aangu njoobapa ciibalusyo azina ibotu kwiinda bana balombe abasimbi. Njoobapa izina litamani litakonzya kuloba. 6Nkabela bazwakule baliswangaanya a-Jehova kuti bamumanine milimo, kuti baya ndisye izina lya-Jehova akuba balanda bakwe, nkukuti boonse balikasya kusofwaazya buzuba bwa-Sabata akujatisya cizuminano cangu, 7#1 Pet 1:1; 2:5; Int 4:5; Mal 1:11; Rom 12:1; Heb 13:15; Mt 21:13; Mk 11:17; Lk 19:46nzoobaleta kucilundu cangu cisalala akubasekelezya muŋanda yangu yakukomba. Zituuzyo zyabo azipaizyo zyabo zyoonse ziyootambulika acipaililo cangu, nkaambo iŋanda yangu iyootegwa niŋanda yakukombela yamisyobo yoonse. 8#Matl 49:10; Is 43:6; Ef 1:10Mbuboobu mbwaamba Mwami Jehova uubunganya batandidwe bacisi ca-Israyeli. Nzoobunganya kulinguwe abamwi kutaamba abo babungikidwe kale.
Basolozi bacisi mbubabisya
9Nubanyama boonse bamusokwe amuboole kuzoolya. Nubanyama boonse bamuzisaka amuboole. 10#Mt 15:14; Flp 3:2Basikulindila bakwe mboofu, boonse babula luzibo, boonse mba bwa bataambi batezi kukuwa. Balalota buyo, baloona, balayandisya ŋonzi. 11Aba babwa mbasyacivulamwangu, tabakonzyi kukuta. Abalo beembeli tabaswiilili, batola umwi aumwi inzila yakwe mwini, boonse buyo balayeeya kulijanina impindu buyo. 12Bati, Amuboole, tulete bukoko, tunywe cakukolwa. Alyalo junza liyooba mbubonya mbuli buzuba obuno, buzuba bupati loko.
Currently Selected:
Isaya 56: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
