Isaya 38
38
Hezekiya mbwaakaciswa akupona
1 #
2 Bam 20:1; 2 Mak 32:24 Kuciindi eco Hezekiya wakaciswa, wakali afwaafwi kufwa, Mpawo Isaya musinsimi mwana wa-Amozi wakamusikila, wakati, Mbuboobu mbwaamba Jehova. Bamba makani aako, nkaambo ulafwa, tokoozoopona pe. 2Lino Hezekiya wakafutata busyu bwakwe, walanga kubulambo, wakomba kuli-Jehova. 3#Neh 5:19Wakati, O Jehova, koibaluka lino mbundakeenda kubusyu bwako mubuswini acamoyo uululeme, akucita zibotu kumeso aako. Nkabela Hezekiya wakalila akulila kupati. 4Lino ijwi lya-Jehova lyakasikila Isaya, liti, 5Piluka alimwi, ukaambile Hezekiya kuti, Mbuboobu mbwaamba Jehova Leza wauso Davida. Ndamvwa mupailo wako, ndabona misozi yako, lino njooyungizizya buumi bwako myaka iili ikumi amusanu. 6#Is 37:35Alimwi njookuvuna, webo amunzi uno, kumaanza aamwami wa-Asuri. 7#2 Bam 20:8; Is 37:30Nkabela eci ciyookubeda citondezyo cizwa kuli-Jehova cakukuzibya kuti Jehova uyoocita ncobeni ncaakasyomezya, 8Bona! Ndapilusya cenzule intaamu ezyo nzicatola kunembo mucipimyo ca-Ahazi, Izuba lilapiluka intaamu zili ikumi, Nkabela izuba lyakapiluka ncobeni intaamu zili ikumi, nzenzizyo nzyaakatolede kunembo.
Lwiimbo lwa-Hezekiya lwakulumba
9Ngaaya majwi ngaakalemba Hezekiya mwami wa-Juda aakuciswa kwakwe nikwakamana.
10 #
Int 102:24
Ndakaamba kuti, Izuba lyabuumi bwangu nilicili amutwe, ndati njile mumilyango yakabanda.
Ndabbidwa myaka yangu iicisyeede.
11 #
Job 35:14; Int 27:13; 31:22; 116:9 Ndakaamba kuti, Nsikooyoobona Cilenga, nsikooyoobona Cilenga munyika yabaumi.
Nsikooyoobona limbi bantu oko akati kabasangu,
12 #
Job 7:6; 2 Kor 5:4; Int 102:11,23,24 Cikalilo cangu cazyulwa, cilaya bukunkulusigwa mbuli cilao camweembeli.
Ndavunga buumi bwangu mbuli sikoosa; ulandikosola kuzwa kucoosyo.
Mubuzuba bomwe buyo ulandimaninizya.
13Ndakalila masiku oonse mane bwaca,
Cili mbuli mulavu, cilapwayaula zifuwa zyangu zyoonse.
Mubuzuba bomwe buyo ulandimaninizya.
14 #
Is 59:11
Mbuli sikamembya na nakasakwe, ndakali kununauka.
Ndakavuluvuta mbuli inziba.
Meso aangu akataala kuululala.
O Jehova, ndapenga. Koba cisyomyo cangu.
15 #
Job 7:11
Nkaambe buti? Ngonguwe wandaambila akucicita.
Ŋonzi yangu yoonse yaciia nkaambo kakupenga kwamoyo wangu.
16O Mwami, zintu ezi nzeziponya bantu.
Mulinzizyo mobubede buumi bwamuuya wangu.
Kondisilika akundiponya.
17Kupenga kwangu ndakakupegwa kuti kundigwasye.
Pele wakasya muuya wangu kuwida mucilindi calunyonyooko,
Nkaambo zibi zyangu zyoonse wazisowela kusule lyako.
18 #
Int 6:5; 30:9; Muk 9:10 Nkaambo kabanda takakonzyi kukulumba, alufu talukonzyi kukutembaula.
Abo baseluka mucikalilo cabafu tabakonzyi kusekelela lusyomo lwako.
19 #
Dt 4:9; Int 78:3 Muumi, ncobeni muumi nguukulumba,
Mbuli mbuncita mebo buzuba obuno,
Banene balalwiida bana babo bwini bwako.
20 #
Int 9:13; 46:1; 66:12 Jehova nguuyoondifutula,
Lino tulaimbya tuntimbwa inyimbo zyangu
Muŋanda ya-Jehova mazuba oonse aabuumi bwangu.
21 #
2 Bam 20:7
Nkabela Isaya wakaamba kuti, Babweze cikoto cankuyu, bacinanike acuute, kuti apone. 22Alakwe Hezekiya wakabuzya kuti, Ncinzi citondezyo cakuti njoonjila muŋanda ya-Jehova?
Currently Selected:
Isaya 38: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
