Isaya 37
37
Hezekiya mbwaakabuzya makani kuli-Isaya
1 #
2 Bam 19:1; 2 Mak 6:24; Int 50:15; Zek 13:9; Lk 18:1; Rom 12:12; 1 Tes 5:17 Mpawo mwami Hezekiya naakamvwa, wakazapaula zyakusama zyakwe, wasama zisani zyamasaka, akunjila muŋanda ya-Jehova. 2#2 Bam 22:14Alimwi wakatuma Eliyakimu mupati wabasiŋanda a-Sebina mulembi abapaizi bapati, balisamide zisani zyamasaka, kuli-Isaya musinsimi mwana wa-Amozi. 3#2 Bam 19:3; Hos 5:9; Int 39:11; 50:15Bakamwaambila kuti, Mbuboobu mbwaamba Hezekiya. Sunu mbuzuba bwamapenzi abwakutapatilwa abwabweeme, nkaambo bana bali mwida pele taakwe inguzu zyakubazyazya. 4#1 Sam 7:8; 2 Bam 19:4; Jak 5:14,18Ambweni Jehova Leza wako wamvwa majwi aa-Rabisake, mwami wa-Asuri simalelo wakwe ngwaakatuma kuti asampaule Leza muumi. Ambweni Jehova Leza wako uyootapatila majwi ngaamvwide. Lino cikombyo cako ciye kujulu cakukombela bantu basyeede.
5Lino balanda bamwami Hezekiya nibakasika kuli-Isaya, 6Isaya wakabaambila kuti, Mbuboobu mbumweelede kwaambila simalelo wanu. Mbuboobu mbwaamba Jehova. Utayoowi nkaambo kamajwi ngomvwide, balanda bamwami wa-Asuri ngebasampauzya ndime. 7Amubone! Ndamubikila muuya, nkabela uyoomvwa impuwo akupiluka kucisi cakwe. Omo mucisi cakwe mwini njoomujazya ipanga.
Rabisake mbwaakasampaula Leza
8 #
Jos 15:39,42; 2 Mak 11:9; Neh 11:30; Jer 34:7 Mpawo Rabisake naakapiluka, wakajana mwami wa-Asuri ulalwisya Libina, nkaambo kamvwide kale kuti mwami waleka Lakisi. 9Wakamvwa impuwo ya-Tirihaka mwami wa-Etiopiya yakuti, Bona! Weza kuzookulwisya. Elyo naakamvwa wakatuma batumwa kuli-Hezekiya, wabaambila kuti, 10Mbuboobu mbumweelede kwaambila Hezekiya mwami wa-Juda. Leza wako ngosyoma atakweeni cakwaamba kuti, Jerusalemu tokooyooabwa mumaanza aamwami wa-Asuri. 11Ulimvwide bami ba-Asuri ncibacitila zisi zyoonse, mbubazinyonyoona. Lino uwe uyoovunwa buti? 12#Matl 11:31Elyo zisi bamatata nzibakanyonyoona, sa ba-Leza bazyo bakazivuna? Nkukuti zisi mbuli Gozani a-Harani a-Resefi abana ba-Edeni ibakakede mu-Telesara. 13#Jer 49:23Uli kuli mwami wa-Hamati, amwami wa-Aripadi, amwami wamunzi wa-Safaravaimu, awa-Hena, awa-Iva?
Hezekiya mbwaakakomba kuti Leza amugwasye
14Lino Hezekiya naakatambula lugwalo kumaanza aabatumwa, wakalubala, nkabela ndilyonya Hezekiya wakainka kuŋanda ya-Jehova akuluvungulula kumeso aa-Jehova, 15Elyo Hezekiya wakakomba Jehova nkukonya oko, wati, 16#Kul 25:22O Jehova Leza wa-Israyeli nokede akati kabakerebimu, nduwe Leza olike wamasi oonse aanyika. Nduwe wakalenga ijulu anyika. 17#Dan 9:18Koteya matwi aako, O Jehova, uswiilile. Kobika meso aako, O Jehova, ubone. Koswiilila majwi oonse aa-Sanakeribu ngaatuma kukusampaula Leza muumi. 18Ncobeni, O Jehova, bami ba-Asuri basaala misyobo yabantu anyika yabo. 19Ba-Leza babo bakabawaala mumulilo, nkaambo tabali ba-Leza pe, nzilengwa zyamaanza aabantu, zisamu amabwe, nciceeco ncibakabanyonyweeda. 20O Jehova Leza wesu, utuvune kumaanza aakwe, kuti zisi zyoonse zyaansi zizibe kuti nduwe Jehova olike.
Jehova mbwaakamuvwiila kumulomo wa-Isaya
21Mpawo Isaya mwana wa-Amozi wakatumina Hezekiya ijwi lyakuti, Mbuboobu mbwaamba Jehova Leza wa-Israyeli. Mbuli mbondipailila aamakani aa-Sanakeribu mwami wa-Asuri, 22ngaaya majwi Jehova ngaamba aanguwe.
Mwana musimbi nakalindu wa-Zioni wakusampaula, wakudika.
Mwana musimbi wa-Jerusalemu waguna-guna mutwe kusule lyako.
23Nguni ngosampaula akumuubya?
Nguni ngolisumpwida mumajwi aako akumututulwida meso? Ngu-Musalali wa-Israyeli.
24Kumulomo wabatumwa bako wasampaula Mwami.
Wakati, Inkalaki zyangu zinji ndatanta azyo amutwe wazilundu.
Ndasika kumagolelo aakataazya aa-Lebano,
Misamu yaco milamfu yakedari mdaitema,
Amisamu yaco mibotu yakupresi.
Ndasika kumagolelo aaco mulusaka Iusinkide,
25Ndasya mikalo akunywa maanzi.
Milonga yoonse ya-Egepita ndaiyuminizya mukweendeenda kwangu.
26Ma! Sa tomvwide mbundakakanza kalekale?
Ndakabamba ciindi ncincita sunu.
Ndakakubika kuti ukanyonyoone minzi iizyungulukidwe lubaya,
Ibe matongo buyo.
27Bantu bayo bamaninwa inguzu,
Balatuntuma akufwa insoni.
Baba mbuli zisyu zyamusokwe ambuli mweemvwe,
Mbuli bwizu bumena atala aciluli,
Bunyonyooka nibutana kukomena.
28Ndizi mbokala,
Ndizi mboendeenda akuboola, Ambondikalalila.
29 #
Job 41:2; Int 32:9; Is 30:28; Ezk 29:4; Am 4:2; Jak 3:3 Mbuli mbondikalalila,
Alimwi kulisumpula kwako mbukumvwigwa mumatwi aangu,
Njoobika kalobyo kangu mumpemu yako,
Alubulo lwangu mukanwa lyako,
Njookupilusya munzila eyo njiyonya njowakaleta.
30Lino eci ciyookubeda citondezyo. Mwaka uno muyoolya izyakalimeneka zilike, amumwaka wabili muyoolya zizwa mulinzizyo, elyo munwaka watatu muyoobyala akutebula, muyoobyala myuunda yamisaansa akulya micelo kulinjiyo. 31Nkabela cipanzi caluzubo lwa-Juda cicisyeede ciyooboola kusimpa miyanda ansi akuzyala micelo ajulu, 32#2 Bam 19:31nkaambo mu-Jerusalemu mulazwa basyeede, amucilundu ca-Ziyoni mulazwa inkamu yabalobosi. Busungu bwa-Jehova wamakamu mbobuyoocita obo.
33Nkaambo kako mbuboobu mbwaamba Jehova aamwami wa-Asuri. Takooyoonjila mununzi uno, nikuba kufusa muvwi mulinguwo, nikuba kulibonya kunembo lyawo antobo, nikuba kuyaka citantilo cavu kulinguwo. 34Inzila eyo njiyonya njaakaleta ulapiluka mulinjiyo. Takoozoonjila mumunzi uno pe, mbwaamba Jehova. 35#2 Bam 20:6; Is 27:3Nzootabilila munzi uno akuuvuna nkaambo kangu ndemwini akaambo kamulanda wangu Davida.
Basilumamba baba-Asuri mbubakanyonyooka
36 #
2 Bam 19:35
Lino angelo wa-Jehova wakainka kuyoojaya kuzilao zyaba-Asuri zyuulu zyabantu zili mwaanda amakumi aali musanu aatatu amusanu, nkabela bantu nibakafuma kubuka bajana kuti boonse mitunta iifwide. 37Mpawo Sanakeribu mwami wa-Asuri wakanyampuka, wapiluka kuyookala ku-Nineve. 38Nkabela naakali kukomba muŋanda ya-Nisiroki Leza wakwe, Adrameleki a-Sarezere bana bakwe bakamujaya apanga. Lino bakalobokela kucisi ca-Ararati, nkabela mwanaakwe Esari-hadoni wakalya izina lyakwe.
Currently Selected:
Isaya 37: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
