Isaya 36
36
Sanakeribu mbwaakapenzya cisi ca-Juda
1 #
2 Mak 32:1
Lino mumwaka wakumi aine wabwami bwa-Hezekiya, Sanakeribu mwami wa-Asuri wakeza kuzoolwisya minzi yoonse ya-Juda iili ambaya, waizunda. 2#Jos 10:3,5; 2 Bam 14:19; Mik 1:13Lino mwami wa-Asuri wakatuma Rabisake ampi impati kuzwa ku-Lakisi kuya kumwami Hezekiya ku-Jerusalemu, Nkabela wakaima kumufolo waziba lyakutala mumugwagwa wamuunda wabasikusanzya. 3Elyo kwakainka kulinguwe Eliyakimu mwana wa-Hilikiya mupati wabasiŋanda, a-Sebina mulembi, a-Joa mwana wa-Asafu sikulemba makani. 4Nkabela Rabisake wakabaambila kuti, Amwaambile Hezekiya kuti, Mbuboobu mbwaamba mwami mupati, mwami wa-Asuri, Ncinzi olu lusyomo lwako ndosyomya? 5Ulayeeya kuti majwi aamilomo buyo alyeelene abusongo anguzu zyakugwasya munkondo. Lino nguni ngonga ulasyoma kuti wandipapila? 6#Ezk 29:6-7Ncobeni ulasyoma oyu musako uuli mbuli itete liti fukide, ulasyoma Egepita, itete liyasa ijanza lyakwe kufumbwa uulifunkizya. Mbwabede Farao mwami wa-Egepita kuliboonse bamusyoma. 7#2 Bam 18:4Pele na wandaambila kuti, Tulasyoma Jehova Leza wesu, sa teensi nguwe Hezekiya ngwaakagwisizya tukombelo twakuzilundu azipaililo, akwaambila bantu ba-Juda abaku-Jerusalemu kuti, Muleelede kukomba kucipaililo eci. 8Lino kopana asimalelo wangu mwami wa-Asuri. Njookupa mabbiza aali zyuulu zyobile na uwe ulakonzya kujana basikwaatanta. 9Ulakonzya buti kusampaula silutwe naba umwi naba muniini akati kabalanda basimalelo wangu. Ulasyoma buti ba-Egepita kuti bakugwasye inkalaki abasimabbiza. 10Alimwi, sa ndeza kuzoonyonyoona nyika eyi cakutazumizigwa Jehova? Jehova nguwakandaambila kuti, Koya ukalwisye cisi eci akucinyonyoona.
11Mpuwo Eliyakimu a-Sebina a-Joa bakaambila Rabisake kuti, Utwaambile tubalanda bako muci-Aramu, nkaambo tulamvwa. Utatwaambili muci-Juda mumatwi aabantu bali kubulambo. 12Pele Rabisake wakabaambila kuti, Sa mwami wangu wandituma kuzooambila mwami wako and uwe majwi aya? Sa teendakatumwa kuzooambila bantu bakede abulambo abalo, kuti balye mazyu aabo akunywa minsyu yabo beni?
13Mpawo Rabisake wakaima, wakoongolola ajwi ipati muci-Juda, Amuswiilile majwi aamwami mupati, mwami wa-Asuri. 14Mbuboobu mbwaamba mwami. Hezekiya atamweeni, nkaambo takooyookonzya kumuvuna. 15Hezekiya atamusyomyi Jehova cakwaamba kuti, Jehova ncobeni uyootuvuna, aboobo munzi uno tuukooyooabwa mumaanza aamwami wa-Asuri. 16#Mik 4:4; Zek 3:10Mutaswiilili Hezekiya pe, nkaambo mbuboobu mbwaamba mwami waAsuri, Amutangane ambebo luumuno akuzwa kumunzi kuza okuno kulindime, elyo muyoolya umwi aumwi micelo yamusaansa wakwe mwini amicelo yamukuyu wakwe mwini akunywa umwi aumwi maanzi aamukalo wakwe mwini, 17mane nkaze kuzoomutola kunyika iikozyene anyika yanu, nyika yamaila ayawaini, nyika yazinkwa ayamyuunda yamisaansa, 18Amucenjele kuti Hezekiya atamweeni cakwaamba kuti, Jehova uyootuvuna, Sa nkwali naba omwe akati kaba-Leza babamasi iwakavuna nyika yakwe mumaanza aamwami wa-Asuri? 19#My 34:8; Jos 13:5Bali kuli ba-Leza ba-Hamati abaAripadi? Bali kuli ba-Leza ba-Safaravaimu? Sa bakavuna Samariya mumaanzanza aangu? 20#2 Mak 32:15; Int 50:21; Is 37:23; Dan 3:15Nguuli Leza akati kaba-Leza bamasi aya oonse iwakavuna nyika yakwe mumaanza aangu? Lino Jehova ulavuna buti Jerusalemu mumaanza aangu?
21 #
Int 38:13; Tus 9:7; Am 5:13; Mt 7:6 Pele bantu bakaumuna buyo, teebakamuvwiila ijwi niliba lyomwe, nkaambo mwami wakalilailide kuti, Mutakamuvwiili pe. 22#Matl 37:34; 1 Sam 4:12; 2 Sam 1:11; 2 Bam 18:18,37; Job 1:20; Is 33:7Elyo Eliyakimu mwana wa-Hilikiya mupati wabasiŋanda a-Sebina mulembi a-Joa mwana wa-Asafu sikulemba makani bakaboola kuli-Hezekiya azyakusama zyabo zilizapaukide, bamulwiida majwi aa-Rabisake.
Currently Selected:
Isaya 36: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
