Isaya 16
16
1 #
2 Bam 3:4
Amutume tubelele kuliyooyo uuendelezya nyika yoonse kuzwa ku-Sela kulangene inkanda kusikila kucilundu camwana musimbi wa-Ziyoni. 2#My 21:13Nkabela mbuli bayuni batuntulika, ambuli tuyuni tumwaikide kuzwa kuciteente, mbubonya obo mbubayooba bana basimbi ba-Moabu kuzito zya-Arinoni. 3Bati, Mutulaye, mutukoswede makani. Cenzule cako cibe mbuli masiku izuba nilibala ciindi casikati. Sisa batandidwe, Utayubununi basimutuntuli. 4Batandidwe bangu bakale-kale kulinduwe. BaMoabu, kobabeda ciyubilo cakubavuna kubasikusaala. Nkaambo kunyanzya kwamana, kusaala kwalesegwa, abalo basikupenzya banyonyoonwa mucisi. 5#Int 89:14; Tus 20:28; Dan 7:14Lino cuuno cabwami ciyooimikwa aluzyalo, nkabela kuyooba uukala alincico calusyomo mucilao ca-Davida. Ulabeteka akubamba imbeta akufwanzya bululami.
6 #
Jer 48:29
Twamvwa makani aakulisumpula kwa-Moabu. Ulalikankaizya loko. Twamvwa kulisumpula kwakwe akulikankaizya kwakwe abukali bwakwe. Cisapi cakwe ncabuyo. 7#2 Bam 3:25Lino ba-Moabu bayoolilila ba-Moabunyina. Boonse buyo bayoolila. Muyoosukama zibunge zyamicelo zya-Kirihareseti. Muyoopenga loko. 8Nkaambo myuunda ya-Hesiboni yapusama, ayalo misaansa yaku-Sibima. Bami babamasi bamwaya misamu yabo mibotu. Bakasika aku-Jazeri, baya bweendeenda munkanda. Mitabi yabo yakamwaika, yazubuka lwizi. 9Nkaambo kako njoolilila misaansa yaku-Sibima kulila kwa-Jazeri. Njookutuntulwida amisozi yangu, O Hesiboni a-Eleale, nkaambo micelo yako iibizidwe akutebula kwako zyoonse zyasikilwa cikwala cankondo. 10Lwafwa lukondo abusekelezi boonse mumyuunda yambolezi, amwalo mumyuunda yamasaansa taakwe kwiimba akusekelela. Taakwe uulyataula waini muzisinino. Koonzomoka kwakutebuzya masaansa ndakulesya. 11Nkaambo kako mala aangu alalilila Moabu mbuli kantimbwa, amoyo wangu ulalilila Kiriheresi. 12#My 22:4; Jer 48:35; Is 15:2Lino Moabu naazooboneka akulikataazya kucilundu, naazoosika kubusena bwakwe busalala kukukomba, takoozookonzya.
13Ngaayo makani Jehova ngaakaamba aa-Moabu kalekale. 14#Dt 15:18; Is 15:5Lino sunu Jehova waamba kuti, Kwamana myaka yotatwe, mbuli myaka yasimilimo, bulemu bwa-Moabu buyoosampaulwa, amakamu makamu aakwe oonse, Abaabo bayoosyaala bayooba bace buyo, tabakooyooba amakani pe.
Currently Selected:
Isaya 16: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
