Isaya 17
17
Makani aakasinsimwa aa-Damasko
1 #
2 Bam 16:9; Jer 49:23-27; Am 1:3-5; Zek 9:1 Ngaaya makani aasinsimwa aa-Damasko. Amubone! Damasko wamwayigwa. Tuucili munzi pe, waba mankwisila. 2#Jer 7:33Minzi ya Aroeri ilisiidwe, yaba yakoona matanga, nkabela taakwe uuakonga. 3#Is 7:16Ayalo iŋanda yakulwisya iyoolekwa mucisi ca-Efraimu, a-Damasko acisi coonse ca-Aramu uyoofwidwa bwami. Bayooba mbubonya mbuli bulemu bwabana ba-Israyeli, mbwaamba Jehova wamakamu.
4 #
Is 10:16
Lino mubuzuba obo bulemu bwa-Jakobo buyookotela, amafuta aanyama yakwe ayooceya. 5#Jer 51:33; Ciy 14:15-19Kuyooba mbubonya mbuli ciindi mutebuzi naatebula maila aaimvwi, kuboko kwakwe nikubweza makunka. Kuyooba mbuli kucela kwamakunka mukuti lya-Refaimu. 6Nekubaboobo kuyoosyaala zyakuvulula mbuli musamu waolifa nuutikinisigwa. Kulasyaala micelo yobile na yotatwe amutwe wamusamu, na micelo yone na yosanwe mumitabi yaanze yamusamu, mbwaamba Jehova Leza wa-Israyeli. 7#2 Mak 30:11; Int 34:5; Hos 5:15; Mik 7:7; Zek 12:10Mubuzuba obo muntu uyoolangila Mubambi wakwe, ameso aakwe ayootongomwena Musalazi wa-Israyeli. 8Takooyoolangila zipaililo nzyaakapanga maanza aakwe, nikuba kutongomwena zintu nziyakacita minwe yakwe, zikozyano zyamisamu azikozyano zyazuba,
9Mubuzuba obo minzi yanu yamalinga iyooba mbuli matongo aaba-Amori aba-Hivi, ngebakasia nibakalwisigwa bana ba-Israyeli. Tiikooyookalwa limbi. 10#Int 106:13,21Waluba Leza walufutuko lwako, andomba yanguzu zyako tona kwiiyeeya pe. Nkaambo kako, nekuba kuti uyoozikila miziki mibotu akubyala imbuto zyazizikilo zyeenzu, 11nekuba kuti mubuzuba bwakuzikila kwako uyoozyungulusya muunda lubaya, alimwi uyookuzya imbuto zyako cifumo, kutebula kuyoofwililila mubuzuba bwamapenzi abwabuusu bugambya.
Lupyopyongano lwabamasi mbuluyoolesegwa
12Maawe! Mandondomo aabantu banji loko! Balandondoma mbuli mandondomo aalwizi. Kubbobboma kwabamasi! Balabbobboma mbuli kubbobboma kwamaanzi manji! 13Bamasi balabbobboma mbuli maanzi manji, Pele uyoobatapatila, elyo bayoocijila kule, bayootandwa mbuli buungu buulusigwa amuuwo kuzilundu ambuli lusuko lulundumuka nilyuungisya iguwo. 14#Bab 5:31; Tus 22:23Ciindi camangolezya kulaboneka makani aayoosya, lino kabutana kuca, tabakoonoociliwo, Nceeci caabilo cabaabo batusaala amakani ngebayoosikilwa abo batunyanzya imbono.
Currently Selected:
Isaya 17: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
