Isaya 18
18
Makani aakasinsimwa aa-Etiopiya
1 #
Zef 2:12
Maawe! Nyika yakusokonya kwamababa iili kutala lyamilonga yaEtiopiya! 2Ilatuma batumwa alwizi mumaato aamatete aaenda atala lyamaanzi. Ilati, Kamuya, nubatumwa basiluno, kumusyobo wabantu balamfu banjelema, bantu ibakali kuyoosya lyoonse kuzwa kumatalikilo, musyobo singuzu uuya bulyataula zisi, bantu bali anyika iiandawidwe tulonga-longa. 3Nubantu boonse banyika, nyoonse nomukede ansi, citondezyo niciyoosumpulwa atala lyazilundu, amubone; mweembo nuuyoolizigwa, amuswiilile. 4Kkaambo mbuboobu Jehova mbwaakandaambila. Nkaumune, nkalange mucikalilo cangu, mbuli mumuni wazuba uubekabeka, mbuli ijoba lyamume mukati kankasaalo yakutebula. 5Nkaambo nibatana kutebula, malubaluba naamana, micelo yamusaansa niitalika kubizwa, uyoogonka tumintenga azizibyo, ayalo mitabi iiyandabede uyooitenda akwiisowa, 6Elyo iyoosiilwa bayuni bapati bamuzilundu abanyama bamusokwe. Bayuni bapati bayoosaninwa njiyo ciindi cacilimo, abalo banyama bamusokwe bayoosaninwa njiyo ciindi campeyo. 7#Int 68:31; Zef 3:10; Mal 1:11Kuciindi eco Jehova wamakamu uyooletelelwa mutelo kuzwa kumusyobo wabantu balamfu banjelema, bantu ibakali kuyoosya lyoonse kuzwa kumatalikilo, musyobo singuzu uuya bulyataula zisi, bantu bali anyika iiandawidwe tulonga-longa, Uyooletwa kubusena bwazina lya-Jehova wamakamu, kucilundu ca-Ziyoni.
Currently Selected:
Isaya 18: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
