Isaya 15
15
Makani aakasinsimwa aaba-Moabu
1 #
Is 11:14; Jer 9:26; My 21:28; Is 25:10-12; Jer 48:1-47; Ezk 25:8-11; Am 2:1-3; Zef 2:8-11 Ngaaya makani aakasinsimwa aa-Moabu. Ari mbuusaalidwe masiku, Moabu wanyonyooka! Kiri mbuusaalidwe masiku, Moabu wanyonyoo ka! 2Waya kukulila kuzipaililo zyakuzilundu ku-Bayiti aku-Diboni, Ba-Moabu balalilila Nebo a-Medeba. Amitwe yoonse aboneka cinkulu, azyalo zilezu zyoonse zilinyooledwe. 3Mumigwagwa yabo balisamide zisani zyamasaka, Atala anduli zyabo amumasambalilo aabo boonse balalila amisozi ilambulumuka. 4#My 32:3Awalo Hesiboni ulalila, a-Eleale. Ijwi lyayo lilamvwigwa kule akusikila ku-Jahaza. Nkaambo kako basilumamba baMoabu balalilisya, Myoyo yabo ilakankama muzyamba zyabo. 5#Jer 48:5Moyo wangu ulalila Moabu. Basilutwe bakwe bacijila ku-Zoari, ku-Egilati watatu, Balaya butanta kuya ku-Luhiti, balaya bulila, nkaambo munzila ya-Horonaimu balalizya cililo calunyonyooko. 6Nkaambo maanzi aaNimirimi ayooyuminina. Mani apusama, mweemvwe wanyana, taakwe mafulo aasia-sia. 7Nkaambo kako buvubi mbubajisi ambono nzibabikide, zyoonse ziyootolwa kukalonga kamizimbwa. 8Nkaambo cililo casika koonse koonse kumigaano yoonse ya-Moabu. Kuuula kwabo kwamvwigwa akuEglaimu, kuuula kwabo kwamvwigwa ku-Beerelimu, 9Nkaambo meenda aa-Dimoni alizwide bulowa, nkaambo njooletela Dimoni aamwi mapenzi. Ba-Moabu balobokede abaabo basyeede munyika, njoobausizya balavu.
Currently Selected:
Isaya 15: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
