Isaya 11
11
Bwami bwaluumuno bwa-Mesiya
1 #
Is 53:2; Zek 6:12; Inc 13:23; Jer 23:5; Zek 3:8; Ciy 5:5; 22:16 Mulasyuuka mutabi mucifumpu ca-Jese, nkabela kasamu kazwa mumiyanda yakwe kalazyala micelo. 2#Is 42:1; Mt 3:16; Joh 1:32; Inc 10:38Uyookalwa Muuya wa-Jehova, Muuya wabusongo awakuswiililisya, Muuya walulayo awanguzu, Muuya waluzibo awakulemeka Jehova. 3Uyookondwa kulemeka Jehova, Takooyoobeteka kukuyeeya zintu ziboneka kumeso buyo, nikuba kukosola makani cakuzuminina majwi ngaamvwa kumatwi buyo. 4#Int 72:2,4; Ciy 19:11; Mal 4:6; Ciy 2:16; 2 Tes 2:8Uyoobeteka bacete cakululama, akukosweda batengwana banyika makani aaelede. Nkabela inkoli yamilomo yakwe uyooiumya basikupenzya, aluyooyo lwamukanwa lyakwe uyoolujazya basizibi, 5#Ef 6:14Bululami buyooba lutambo lwakucibunu cakwe, alusyomo luyooba lutambo ndwalyaanzya kucikungu. 6#Hos 2:18; Is 65:25Lino umpe uyookala antoomwe akabelele; siluwe uyoolala antoomwe atupongo; moombe akalavu bayoolya mucilido comwe; boonse bayoolala antoomwe, nkabela mwana muniini uyoobeembela. 7Impwizi asuntwe bayootangana mulongo; bana babo bayoolala antoomwe. Alakwe mulavu uyoocela bwizu mbubonya mbuli iŋombe. 8Mwana uucinyonka uyoosobana abulyango bwanzoka, amwana uulesedwe uyoobika ijanza lyakwe abwina bwacipile. 9#Hab 2:14Tabakooyooluma nikuba kunyonyoona moonse mucilundu cangu cisalala, nkaambo nyika iyoozula luzibo lwa-Jehova mbubonya mbuli maanzi mbwaazuzya lwizi.
10 #
Heb 4:1; Rom 15:12 Lino mubuzuba obo lunyungu lwa-Jese, ilwakabeda bamasi citondezyo, bamasi bayooyandaula ndulo, nkabela cilyokezezyo cakwe ciyooba abulemu.
11 #
Zek 10:10
Lino mubuzuba obo Mwami uyootandabika lwabili ijanza lyakwe kukunununa bantu bakwe bacisyeede, nkukuti abo basyeede bazwa ku-Asuri aku-Egepita aku-Patirosi aku-Kusi aku-Elamu aku-Sinara aku-Hamati akutusuwa twakulwizi. 12#Joh 7:35Uyoobusizya bamasi citondezyo, uyoobunganya ba-Israyeli bamwaikide akuyobolola ba-Juda batandidwe kuzwa kumabazu oonse one aanyika. 13#Gal 3:28Elyo ibbivwe lya-Efraimu liyooleka, abasinkondonyina Juda bayoonyonyoonwa. Ba-Efraimu tabakooyoofwida ba-Juda ibbivwe, abalo ba-Juda tabakooyoopenzya ba-Efraimu. 14Nkabela bayoosaala minkuni yaba-Filisti kumbo, abalo bana bakujwe bayoobanyanzya antoomwe. Bayootandabika maanza aabo kukulwisya ba-Edomu aba-Moabu, abalo bana ba-Amoni bayoocita milazyo yabo. 15#Ciy 16:12Lino Jehova uyoonyonyoona lulimi lwalwizi lwa-Egepita, alimwi uyoobusya ipuumina lyakwe akuzungaanya ijanza lyakwe kumulonga, uyoovuma ube tulonga tuli musanu atubili, elyo kuyoozubukwa ansangu kumaulu. 16#Kul 14:29; Is 51:10Nkabela kuyooba mugwagwa wabantu bakwe basyeede, abo balobokede kuzwa ku-Asuri, mbubonya mbuli mugwagwa ba-Israyeli ngubakajana mubuzuba obo nibakapola kuzwa kucisi ca-Egepita.
Currently Selected:
Isaya 11: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
