Isaya 10
10
1Maawe kulibaabo bakosola makani aataluleme, abalembi balemba zyakupenzya, 2kuti bakasye batengwana kubetekelwa kabotu akunyanzya bacete babantu bangu imbeta zyabo zyeelede, kuti basaale bamukabafu akunyanzya imbono zyabamusyaala. 3#Hos 9:7; Lk 19:44Ino muyoocitanzi mubuzuba bwakuswayigwa, mapenzi naazoosika kuzwa kule? Muyoocijila kulini kuti mugwasigwe? Ambono zyanu muyoozisia kuli? 4Muyookotama buyo kunsi lyabaabo bajatwa, muyoowa kunsi lyabaabo bajayidwe. Aya makani oonse aba, nekubaboobo bukali bwakwe tabuna kumana, ijanza lyakwe licitandabikidwe.
Ba-Asuri balisumpula mbubazoofwiinsigwa
5 #
Is 14:24-27; Nah 1:1–3:19; Zef 2:13-15 Webo mu-Asuri! Nduwe inkoli yabukali bwangu. Musako wamujanza lyako ndolunyemo lwangu. 6Njoomutuma kukulwisya cisi citalemeka. Njoomulailila mbwaelede kucitila bantu mbundikalalila, kuti asaale lusaalo akunyanzya lunyanzyo akubalyataula mbuli intimba yamumigwagwa. 7#Mik 4:12Pele walo tayeeyi obo pe. Moyo wakwe tuukanzi obo. Nkaambo mumoyo wakwe ulayeeya kunyonyoona bantu akumana zisi zinji loko. 8#2 Bam 18:24Ulaamba kuti, Basilutwe bangu sa tabali bami? 9#Am 6:2; 2 Mak 35:20; Jer 46:2; My 13:21; 2 Sam 8:9; 2 Bam 23:33; Is 10:9; 2 Bam 16:9Sa Kalino tuuli mbuli Karikemesi? Sa Hamati tuuli mbuli Aripadi? Sa Samariya tuuli mbuli Damasko? 10Ijanza lyangu lyatana akuzisi zyamituni izyakajisi zikozyano kwiinda Jerusalemu a-Samariya. 11Lino sa nsikooyoocitila Jerusalemu azikozyano zyawo mbubonya mbuli mbundakacitila Samariya azikozyano zyawo?
12Lino Mwami naazoomaninina milimo yakwe yoonse mucilundu caZiyoni amu-Jerusalemu, uyoobweedezya moyo uusumpwidwe wamwami wa-Asuri bulumbu bweelede akubonzya bulemu bwakulikankaizya kwameso aakwe. 13#Kul 15:9; Int 20:7; Is 37:24Nkaambo wakati, Ncendacita ndacicita kunguzu zyajanza lyangu akubusongo bwangu, nkaambo ndicenjede, Ndasandula minyinza yamisyobo yabantu, azyalo imbono zyabo ndazisaala. Mbundi singuzu ndafwiinsya abo ibakakede azyuuno zyabwami. 14Ijanza lyangu lyakajana buvubi bwabantu mbuli citeente camuyuni mbucijanwa. Mbubonya mbuli muntu mbwabunganya mai aasiidwe, mbuboobo mbundakabunganya nyika yoonse. Katakwe naba omwe iwakaputya ibbaba nanka kwaasama amulomo nanka kulila nsiyonsiyo. 15#Jer 51:20; Rom 9:20,21Ma! Sa kaleba kalakonzya kulikankaizya kuliyooyo uukatebbya? Sa isaha lilalisumpula kuliyooyo uulibelesya? Sa inkoli ilalyuumya oyo uuibwezede? Na musako sa ulabweza muumi uutali cisamu buyo?
16Nkaambo kako Mwami Jehova wamakamu uyootuma bulwazi bwakukotezya baneneede bakwe, alimwi kunsi lyabulemu bwakwe kuyooyaka kuyaka mbuli kuyaka kwamulilo. 17Mumuni wa-Israyeli uyooba mulilo, alakwe Musalazi wakwe uyooba mabangabanga. Uyooyaka akutenta mamvwa aakwe amitubetube yakwe mubuzuba bomwe. 18Uyoomaninina bulemu bwalusaka lwakwe abwamuunda wakwe wambolezi. Mubili amuuya woonse, zyoonse ziyootentwa. Kuyooba mbuli sikuyumuna citondezyo naawizuka. 19Nkabela misamu iisyeede mulusaka lwakwe iyooba mice buyo; mwana uyookonzya kumana kwiilemba yoonse.
20Elyo mubuzuba obo, ba-Israyeli basyeede abaabo baluzubo lwa-Jakobo balobokede tabakooyoosyoma limbi oyo iwakabauma. Bayoosyoma ncobeni Jehova Uusalala wa-Israyeli. 21Kulapiluka bamwi basyeede, bana baJakobo basyeede, kuli-Leza Singuzu. 22#Mik 5:3; Rom 9:27Nkaambo bantu bako, O Israyeli, nekuba kuti bavulisya mbuli musenga wakunkomwe yalwizi, kuyoopiluka bamwi buyo basyeede. Bulwazi bwakumaninizya bwakosoka, Makani alapazya bululami. 23#Is 28:22; Dan 9:27Nkaambo kuyooba mamanino aakosokede. Mwami Jehova wamakamu uyooacita akati kanyika.
24Nkaambo kako mbuboobu mbwaamba Mwami Jehova wamakamu. Nobantu bangu mukede mu-Ziyoni, mutayoowi mu-Asuri, nekuba kuti wakuumya inkoli akukunyampwida musako mbubonya mbuli ziyanza zyaba-Egepita. 25#Dan 11:36Nkaambo kwasyaala kaindi kaniini loko, elyo bukali bwangu buyoomana, lunyemo lwangu luyooleka. 26Jehova wamakamu uyoomubusizya mitatula, mbubonya mbwaakacita ciindi eciya ba-Midyani nibakazundwa kundomba ya-Orebi. Musako wakwe uyooba ajulu lyalwizi, uyoousumpula mbubonya mbwaakacitila ba-Egepita. 27#Int 105:15Elyo mubuzuba obo mukuli wakwe uyoogwisigwa amakuko aako, alyalo ijoko lyakwe liyoozwa kunsingo yako, Ijoko liyoonyonyooka nkaambo kakunanikwa.
28 #
Neh 11:31
Bona! Wasika ku-Aiati. Wainda ku-Migroni. Ku-Mikimasi ulatula mikuli yakwe. 29#1 Sam 13:23Bazubuka acito, baloona ku-Geba. Rama ulakankama, Gibeya wa-Saulo wacija. 30#1 Sam 25:44Ongolozya ijwi lyako, O Mwana musimbi wa-Galimu! Koswiilila, O Laisi! Komuvwiila, O Anatotu. 31#Jos 15:31Madimena waloboka. Bantu bakede mu-Gebimu balibamba kucija. 32#1 Sam 21:1Buzuba obuno ulaima ku-Nobi. Ulazungaanya ijanza lyakwe kumwana musimbi waZiyoni, cilundu caku-Jerusalemu,
33Amubone! Mwami Jehova wamakamu ulagonka mitabi cakuyoosya. Balamfu ciimo balagonkwa; basumpwidwe balafwiinsigwa. 34Ulagonka butale zisaka zyamusokwe, nkabela Lebanoni ulawa mbuli mbwawa singuzu.
Currently Selected:
Isaya 10: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.