Isaya 1
1
1 #
My 12:6; 2 Bam 15:1-7; 15:32–16:20; 18:1–20:21; 2 Mak 26:1-23; 27:1-9; 28:1-27; 29:1-3 Nceeci cilengano ca-Isaya mwana wa-Amozi, makani ngaakabona aa-Juda a-Jerusalemu mumazuba aa-Uziya, Jotamu, Ahazi a-Hezekiya, bami ba-Juda.
Ba-Israyeli mbubapapila Jehova
2Koswiilila uwe O julu, ayebo O nyika teelela, nkaambo Jehova waamba, Wati, Ndakalela bana akubakuzya, pele sunu bandipapila. 3#Jer 9:3,6Musune ulizi simalelo wakwe, ayalo imbongolo ilizi cilido nciipegwa kumwami wayo, Pele ba-Israyeli tabezi, bantu bangu tabayeeyi. 4#Is 57:3,4Maawe! Cisi cabasizibi! Bantu balemenwa milandu! Lunungu lwabacita bubi! Bana babisizya! Baleka Jehova, Basampaula Uusalala wa-Israyeli, Bapiluka kunsi. 5#Is 9:13; Jer 2:30Ino nkaambonzi nomuciyanda kuumwa? Muciya bupapila mane mwainda! Mutwe woonse ulaciswa, awalo moyo woonse ulalengauka. 6#Jer 8:22Kuzwa kumalyatilo aazituta mane kusikila kucanza camutwe taakwe buponi mulimbabo, cita mibukusu amibunda azilonda ziasama, Tabana kwaangwa nikuba kusilikwa nikuba kubombekwa amafuta. 7#Dt 28:51Cisi canu cilisaalidwe. Minzi yanu ilipiide mulilo. Inyika yanu, bazwakule balailya kumeso aanu, Ilisaalidwe, ilibisizidwe bazwakule. 8Mwana musimbi wa-Ziyoni wasyaala mbubonya mbuli kaanda mumuunda wamasaansa, mbuli cilao mumuunda wamakowa, mbuli munzi uusinkilidwe basilumamba. 9#Matl 19:24; Rom 9:29Jehova wamakamu niwakatusiila bace loko basyeede, nitwakakozyana a-Sodoma akuba mbubonya mbuli Gomora.
Leza ulayanda bululami, tayandi zipaizyo buyo
10 #
Ezk 16:46
Amuswiilile majwi aa-Jehova nubeendelezi ba-Sodoma! Amuteelele mulao wa-Leza wesu nubantu ba-Gomora! 11#Am 5:21-22; Int 50:8Zipaizyo zyanu zinji zili amilimonzi kulindime? mbwaamba Jehova. Ndizwide zituuzyo zyabagutu amafuta aabanyama baneneede. Nsiyandi bulowa bwabacende na bwatubelele na bwampongo. 12Ciindi nimusika kuboneka kubusyu bwangu, ino nguni wamulailila kuti mulyataule obo lubanza lwangu? 13Mutaleti limbi zipaizyo zyabuyo. Tununkilizyo tulandisesemya. Mapobwe aamwezi mupya amasabata ambungano nzimubunganya! We! Nsikonzyi kubotelwa bubi ambungano zisalala-salala. 14Mapobwe aanu aamwezi mupya amapobwe amwi aabikidwe, moyo wangu ulaasula. Alandikataazya, ndacimwa kulemenwa ngao. 15#Job 27:9; 1 Tim 2:8Na mwatandabika maanza aanu, njoofwinya meso aangu cakutamubona. Nekuba kuti mwakomba zikombyo zinji, nsikooyooswiilila. Maanza aanu alizwide bulowa. 16#Jer 4:14; Rom 12:9Amusambe, mulisalazye. Amugwisye bubi bwamilimo yanu kumeso aangu. Amuleke kucita bubi, 17#Mik 6:8amwiiye kucita kabotu. Amuyandaule imbeta ziluleme, amugwasye bapengede, amubeteke makani aabamusyaala, amukazizyanye bamukabafu.
Jehova mbwaatamba bantu kuti beempwe
18 #
1 Sam 12:7; Mik 6:2; Is 41:21; 44:22; Int 51:7; Mik 7:18; Ef 1:6-8 Amuboole, tubuzyanye makani, mbwaamba Jehova, Nekuba kuti zibi zyanu zyasalala pyu, ziyootuba buu mbuli lukobo. Nekuba kuti zili mbuli zisani zisalalisya ziyooba mbuli boya bwambelele. 19#Dt 28:1Na mwazumina kuswiilila, muyoolya bubotu bwanyika, 20#Tit 1:2pele na mwakaka akupapila, muyooligwa ipanga, nkaambo mbuboobo mbwiiamba milomo ya-Jehova.
Musinsimi ulalila munzi
21Maawe! Munzi musyomesi wasanduka buti kuba simamambe! Kuuzwide imbeta, abululami bwakalikede mulinguwo, anu sunu mobali bajayi buyo, 22Insiliva yako yasanduka, yabija. Waini wako ulivwelene amaanzi. 23#2 Mak 36:14; Jer 5:5; Dan 9:5; Hos 9:15Basilutwe bako mbasicinguni, mbeenzinyina ababbi. Boonse balayandisya makulo, balabika myoyo yabo kumalumbu, Tababeteki makani aabamusyaala, aalo makani aamukamufu taamvwigwi kulimbabo.
24 #
Dt 28:63
Nkaambo kamakani aya, mbuboobu mbwaamba Jehova, Mwami wamakamu, mupati wa-Israyeli, Wati, Maawe! Nzoolilemununa makataazyo aabaabo bandikazya, nzooliya inkoto kulibasinkondoma. 25#Ciy 3:19Alimwi njooboozya ijanza lyangu kulinduwe, kuti nsalazye mankwisilili aako akugwisya mundalila wako. 26Elyo njooboozya babetesi bako babe mbuli bataanzi, abalo basinkuta bako mbubonya mbuli kumatalikilo. Nkabela kusule lyayaaya uyooambwa munzi wabululami, munzi musyomesi. 27Ziyoni uyoonununwa alubeta, abasanduki babo abululami. 28Pele basimilandu abasizibi bayoonyonyoonwa antoomwe, abaabo baleka Jehova bayoomanisigwa. 29#Is 57:5; 65:3Nkaambo bayoofwa insoni kumibanga njimwakayandisya. Muyoousa insoni kumyuunda njimwakasala. 30Nkaambo muyooba mbuli mubanga uufwidwa matu aawo, ambuli muunda uubula maanzi. 31Muntu muyumu uyooba mbuli butonge, amilimo yabo iyooba mbuli insasi yamulilo. Boonse bayoopya antoomwe, nkabela takukooyooba muntu wakubazimya.
Currently Selected:
Isaya 1: Ibbaib63
Highlight
Share
Copy
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.
